عرض للطباعة
تحية طيبة للجميع.
بخصوص الصيانة ماشي مع الشركة فل الفل
1000
5000
10000
15000
العشرين انشغلت وجات الاجازة المهم طوفت 2000
يعني 22000 - هل في مشكلة على الزيت وغيره
لان السيارة الحمدلله وماشاء الله تبارك الله - ما اشكي من شيء مشي حشمة.
لو رحت الشركة وش بيقولون.
دامك ما تشتكي من شي ليش تروح وتدفع لهم ؟ وش يسون دام السيارة سليمة ؟ يغسلونها لك بـ 350 مثلا؟
الزيت والفلتر خذهم من الوكالة وغيرهم في المكان اللي ترتاح لة ، او غيرة بالوكالة لحالة دون صيانة ..
واذا كانك تبي تحافظ .. حافظ على الصيانات الاساسية ، ام كل كل 5000 كيلو << كل شهر واسبوع .. مصخرة وزرف ماسارت سيارة يابانية ،،
^^^
قسم بالله انك صادق
انا الحين سييارتي ماشيه 16 الف ومحتار من الحين لصيانة الـ 20 الف
لكن شكلي بروح لهم واقولهم تغير زيت وفلتر دون الصيانه وش راايك كذا اسوي .؟!
مع احترامي الشديد للشباب
الوكاله عندنا تلزمك بالصيانه الدوريه عشان مايسقط عليك الضمان
اخوي صاحب الموضوع
لا قدر الله وطلع عندك عيب مصنعي عال50 او ال60 او ال90 الف وانت غير ملتزم بالصيانات بترفض الوكاله اصلاحه عالضمان وبتصلحه على حسابك الله لا يهينك
شوف الموضوع التالي وبتفهم قصدي
http://www.hondaarabia.com/club/t39805/
والمواضيع كثييييييييير بهذا الخصوص بس انت خذلك فره في المنتدى
وبخصوص ال2000 كيلو الزياده ماعليك منهم روح ودخلها الصيانه وبالتوفيق ان شاء الله
:)
^^^^
من وين جبت الكلام ؟
وكالة هوندا ما تلزمك أبداً بالصيانة الدورية ..
انا ودي سيارتي 20 - 40 - 60 - 80 ألف ، وصلحت اشياء في السيارة الى 32 الف ريال على الضمان ..
واحد من ربعي ودها تشيك الـ 1000 ، وتشييك 100,000 يوم كانت ماشيه 99 الف
وبدل فيها كم شغله على الضمان ..
في شركات ثانية غير هوندا ، لازم تعمل لها صيانة دورية كل 5000
اقتباس:
من وين جبت الكلام ؟
ما احد جابه من رأسه
موجود هالكلام في كتيب الضمان
يمكن انت وخويك مشت بتوفيق من الله
بس لو صار الموضوع فيه شد وجذب << حلوه :d
بيحاجوك بكتيب الضمان ويقولك انت ما التزمت بالصيانات
فالافضل نمشي في السليم وفيه رب يحاسبهم
هو فعلاً موجود في الكتيب ..
لكن أكثر ربعي ماشين على نفس المنهج ، اكثر من 7 اعرفهم شخصياً ..
واستبدلوا اشياء كثيرة على الضمان ، :d
يمكن الحظ مع ربعي الـ 7 بس ؟ :p
^^^^^^
اسأل مجرب يا يوسف انا الضمان عندي ملغي بحجة اني ما أوديها للصيانة عشان يغسلونها على قولة الشبااب
اقتباس:
المشاركة الأصلية كتبت بواسطة kakashi-san
من تجربة شخصية
ولولا الله ثم اني في مدينه لا يوجد فيها وكاله كان رفض الضمان استقبال السياره
وردود الاخوان والمواضيع اللي في المنتدى تكفي لإثبات هذا الكلام من عدمه
وللمعلوميه الكاتالوجات الجديده كلها مو نفس اللي عندنا
فيها تعقيد وتوقيع تعهد بالالتزام بالصيانات الدوريه والا يسقط الضمان
شفت استغلال اكثر من كذا؟!
:)
صح كلام الشباب
انا مارحت لهم بصيانه 25 و30وختموا لي تعهد على كتيب الضمان
ومن بعدها وانا معهم زي الالف وهالاياام بدات افكر اسحب
لانه ياخي لمن تفكر فيها الضمان مابقي فيه الا سنة
يعني كذا كذا بينتهي يعني لو طلع عندك عيب مصنعي وانت ماشي اقل من100الف
وانتهت فترة الضمان مابيصلحوها على حسابهم
>>>الضمان 100الف او ثلاث سنوات
شخصياً اعرف اكثر من شخص مثل ما قال يوسف في ردة رقم 5 ..
ما راح الا صيانة 1000 كيلو و صيانة 60.000 كيلو الاخيرة (2007) وغير كل شي خربان على الضمان بكل يسر وسهولة ،،
اما اذا الحين تغير النظام وصار فية تعهد وتوقيع وكلام جديد في دفتر الصيانة مثل ما قلتو .. عاد هذا كلام ثاني ..
والله ماوراهم الا السرقة .. بالعقل كل 5000 وانت بيت مسجد داوم بقالة ،،، وش اللي بخرب ؟؟؟ لية ادفع اقل شي 350 ؟؟؟
اقتباس:
المشاركة الأصلية كتبت بواسطة م ج رد حلم
للتصحيح الموديلات الجديدة ضمانها 5 سنين او 100 الف كيلو
:)
اقتباس:
المشاركة الأصلية كتبت بواسطة b useful
الكلام هذا تم تطبيقه من موديلات 2010 مع الضغط على ملاك موديلات 2008-2009
وللمعلومية تم رفض اصلاح السياره عالضمان مرتين وفي الثالثه تمت الموافقه
:)
اقتباس:
المشاركة الأصلية كتبت بواسطة memories
ياريت تحدد بالزبط ايش الموديلات اللي ضمانها صار 5 سنوات او 100 آلف كيلو ؟
واذا كان قصدك 2010 دوبي امس كنت بالوكالة وقاري اعلان للأكورد بصالة العرض اللي بطريق المدينة ومكتوب فيه 3 سنوات او 100 ألف كيلو، وطبعاً انا ما اشك في مصداقيتك بس هذا اللي شفته بعيني ويمكن تتأكد بنفسك وليش لا يمكن هم ملخبطين او باقي حاطين اعلان موديلات 2009، والله اعلم.
وسلامتك.
وش ذا الضمان اللي عندكم .. احنا طالت اعماركم من اوائل سيارات 2008 .. وضماننا 60 الف او 3 سنوات ..
وطبعا الضمان خلص في سنه .. :d 60 الف ..
والسياره الى الان الحمدلله مافيه شي .. لا صوت ولا طقطقه ولا خرابيط
انتوا المتأخرين .. 5 سنوات او 100 الف .. والسيارة باقي ما دخلت صيانة الـ 5 وفيها انواع الاصوات والخرابات ..
الله يعينكم .. عندي قناعة انو اخذ من الموديل اول دفعه ثاني دفعه بالكثير وشيل يدك 5 سنين الين الشكل الجديد ..
اقتباس:
المشاركة الأصلية كتبت بواسطة accord loly
اقصد بالحديثه اي موديلات 2008 +
والكلام اللي تقوله غريب
انا سيارتي 2008 وضمانها 5 سنين او 100 الف
:)
زين ليش ما دخلها الوكاله كل 10,000 كيلو صيانه
وكل 5,000 كيلو غيار زيت وتنظيف فلتر
انا هذا الي اسويه
اهو صحيح الصيانه لعب علينا وزرف فلووس
لاكن الواحد وش يسووي يشتري ر احت رااسه
على شان لاقدر الله وصار شي مايلقون اي شي عليك يالواحد
وبنسبة
تغير الزيت والفلتر اذا بتغيره برا تقريبا السعر مقارب لسعر الوكالهـ
الي اهي صيانة ال 5000 و 15000 . . . الى اخره
بس صيانة ال 10 الاف 20 الف . . . . الى اخرهـ يعني فيها مبالغه شوي
وبنسبه لمدة الضمان الي اعرفه قايلين لي 3 سنين او 100
تحياتي
والله يا ميميورز مادري ايش اقلك انا سيارتي 2009 وضمانها 3 سنوات أو 100 ألف كيلو، وبالزبط زي ماهو مكتوب بـ كتيب الضمان :)اقتباس:
المشاركة الأصلية كتبت بواسطة memories
بس يمكن ضمان الكوبيه يفرق عن ضمان السيدان، لأن عندك مثال شركة هيونداي حاطين الجنيسس سيدان 5 سنوات مفتوح كيلومترات بعكس الجينيسس كوبيه حاطينها برضو 5 سنوات أو 100 ألف كيلو فـ ليش لا يمكن ضمان الكوبيه من جد يفرق عن السيدان ~
^
زيك ومكتوبه على الكتيب 3سنوات او 100الف
وهالسنة اخر سنة
ياهوووو
الضمان 5 سنوات او 100الف
بس خلتوني اشك بالموضوع
الوكالة أول تمشيها للموديلات القديمة لكن حاليآ لاصحاب الموديلات الجديدة تلزمهم بالصيانات والا ... الضمان ملغي
انا توني مسوي صيانة 90 الف قبل فتره ومبدل كراسي الماكينة كلها مع لي الدركسون على الضمان وماقالوا لي شي مع اني مهوي بالصيانة وغير ملتزم
التزمت فيها بالبداية وبعدين صرت اسحب عليهم واوديها الصيانات المهمة بس مثل 20 - 40 - 60 - 80 << سحبت عليها
الف مليون شكر للجميع بدون إستثناء .
امرنا لله - يختار الصالح
والله الجماعة بيأكلونا بالطول وبالعرض
الله المستعان
وشكر خالص للجميع مرة اخرى تقبلوا تقديري لكل من شارك بالرد والتوضيح.
http://www.m5zn.com/uploads/2010/9/4...rujc6b88ht.gif