صوت في الكفر الأيمن الخلفي

بسم الله الرحمن الرحيم




أخواني الأعضاء ومشرفين وإداريين

السلام عليكم ورحمة الله وبركاته

وكل عام وأنتم بأتم صحة وعافية وتقبل الله منا ومنكم الصيام وصالح الأعمال


كما هو موضح بالعنوان

انا قبل فتره طلع عندي صوت في الكفر الخلفي يمين زي ماتقولون ( دف دف دف ) << لا تعليق :d

المهم روحت لمحل ميزان في الصناعية القديمة في الرياض وقال لي الميكانيكي اللي هناك الميزانيه ممتازه

بس شكل يبغالك كبس فلنجات << :confused:

وبعدها تسوي ميزان كامل لجميع الكفرات

المهم والسؤال اللي يطرح نفسه الآن

هل فيه أحد عنده أكورد من الشكل الجديد صار له نفس المشكله ونفس العله ؟

وبكم كبس الفلنجات ذي ؟

وهل يبغالي أغير كفرات بعد الكبس والميزانيه ؟


وبس :d



إحترامي

غير الكفر الي فيه الصوت بالاسبير اذا استمر الصوت اتجه لكلام الورش ..والافضل تسال اكثر من ورشه او تروح الوكالة

حياك الله اخوي المتصفح

انا والله خايف يمسح الكفر حق الإستبنه

لان الكفر القديم من بعض الأماكن من الداخل ماسح وبعض الأماكن مو ماسح

وعلى كلام الميكانيكي إنه يحتاج كبس فلنجات وميزان كامل للسياره بعد الكبس

والله يعين بس لو تقدر تعطيني وش الحل أكون لك من الشاكرين ياغالي



إحترامي لشخصك الكريم

اخوي انت موترك توووه جديد (مايمدي الفلنجه تخرب إلا اذا كان عيب مصنعي)

روح للوكاله وهم يطلعون علتها ويضبطونها لك على الضماااااااااااااااااااااااااان

والله يا اخي الكريم

الوكاله ماتستقبل سيارتي لأني ماقد وديتها من فتره للصيانه

وشرطهم الأساسي أنه أكون منتظم بالصيانة الدورية

لكن اللي يقدر يعرف لي أحد في وكالة الجبيل يقدر يدخلها لي على الضمان أكون له من الشاكرين


إحترامي لكم جميعا