فيوز طرمبة البنزين عيب مصنعي هذي جديده يا هوندا
سلام عليكم...
أولا يا اخوان انا قريت موضوع قبل كذا بخصوص ان الأكورد من 2003-2006 فيها خلل مصنعي بلي الدركسون ومنظم الهواء قلت خلني ادق على هشومي واشوف كيف المهم دقيت عليهم على الصيانه طبعآ رد علي واحد كلمته بالموضوع قلت بغيرها قال هل هي خربانه عندك يعني تهرب قلت لا بس بغيرها عشانها عيب مصنعي قالي يوم انها صلحانه وشفيك تبغى تغيرها قلتله ياخي انتوا ما عرفتوا تصنعوها هذي مشكلتكم (هذي حركات االتزبيد عندي):d
احسه ما اقتنع قلت كثير من اخوياي غيروها عندكم ولا دفعوا ريال حلوه ذي عيب مصنعي وندفع فلوس ما باقي الا يحطون صندوق تبرعات لهوندا قدام الوكاله ونساعد اليابانيين شوي تعرفون احنا السعوديين قلوبنا رحيمه عالشعوب الثانيه المهم يمين يسار قلي عطني رقم الشاصي ولا اللوحه عطيته رقم اللوحه قلي صاحب السياره ماقد جاب السياره عندنا بتاتا قلت بكيفه وشدخلني فيه انا المهم قعد يبحث يمين يسار حولني على واحد سلام كيف الحال يا ولد ابغى اغير الهرجات هذي قلي لي الدركسون عندك مغير قلت خويك يقول ان راعي السياره ما عمره طب عندكم كيف تغير (زبدت له من جد <<اصلي):cool: واصلا قلتله انا فاتح الكبوت ولي الدركسون في محله الاساسي يعني ماهو متغير ومسحوب الرجال ضاعت علومه وعرفت ان عندهم كرتون فاضي يصرفون منه هرج ويبغون يضحكون علي انا اللي قاهرني انهم محسسيني ان الشركه شركة ابوهم والخسائر بتطلع من جيوبهم ما علينا بالاخير قال منظم الهواء عيب مصنعي في موديل 2003 بس وانت راح نغير لك فيوز قلت فيوز ايش بالضبط قلي فيوز طرمبة البنزين:eek: قلتله عطيني موعد عطاني بعد اسبوع قلت يا حجي انا الاسبوع الجاي مسافر اولك قال هذا الموجود قلت الله يحفظك يا هشومي..:rolleyes:
يا شباب هل فيوز طرمبة البنزين عيب مصنعي بعد ولا يصرف لي زي الصرف اللي فوق:confused:
