عرض للطباعة
السلام عليكم ورحمة الله وبركاته
اخواني انا حاب استشيركم ربالاكورد والميلان
الكامري والسوناتا والاتما انا استبعدتهم
وش الافضل من ناحية
1- الامان
2- الجودة
3- اسعار قطع الغيار
4- الرساوة
5- التبريد
6- الاسعار ( اتمني كتابة الاسعار عند المعرفة )
مع اني ملاحظ بالاكوورد (لما تمسك خط تسمع صوت الهواء وكانك فاك الشباك اما الميلان ما اعرف ياريت تفيدونا )
اتمنى عدم الانحياز
وشكرا
الميلان ناجحه من جميع النواحي
ولكن ان جينا للأستعمال اليومي
ان جينا لأستهلاك القطع
ان جينا لأسعار القطع
واسعار الصيانة
بتكون من صالح الأكورد
الميلان وكيلها تعبان
والأسعار فوق
صحيح انه يوفر الراحة و الأمان
بس الأسعار والأستهلاك والأستخدام جدا تعبانه
انا ارشح الأكورد افضل :)
وشوف رأي الشباب
اخوى سو test drive قياده تجريبيه واحكم؟
ان سوا شي طبيعي الميلان احسن وعن تجربةاقتباس:
المشاركة الأصلية كتبت بواسطة حميد
بس علينا من الأستهلاك والأسعار
الميلان فيها مواصفات تقول ماشالله شركة volvo
بس من ناحية الأسعار الميلان راح تقصه قص
والدليل عدم انتشار السيارة كثير بالشوارع
نادر ماتشوف الميلان
جزاكم الله خير
ولكن من ناحية الملاحظة (لما تمسك خط تسمع صوت الهواء وكانك فاك الشباك اما الميلان ما اعرف ياريت تفيدونا )
وارغب بالمزيد من التعليقات لاني بعد يومين باشتري السيارة
وهل يوجد حل مجرب لمشكلة الاكوورد
وما رايكم بالكراون فكتوريا
وشكرا لكم
الله لايحرمنا منكم
هلا أخووي والله الميلان سياره حلوووه
لكن ما تدري عن استعمالها
الأكورد مرغوبه ومعروف استعمالها عند الكل
انا أرشح الأكوورد بتوفيق أخووي.
أرشح الأكورد
صحيح الميلان أقوى مكينه من الأكورد (الميلان 2500 سي سي الااكورد 2400 سي سي)
بس الأكورد تعيش أكثر والقطع متوفره والوكيل كويس
مشكوووووووووووووووووووووووووووووورين
ارغب يالمزيد :d
أرشح الاكورد ولاتنسى صلآآه الاستخــآآره
بالتوفييق
الاكورد اشوفها تتفوق على الميلان من عدة نوحي
1- الشكل الخارجي
2- الديكور الداخلي
3- التحمل
4- اكثر رحابه
5- اقتصاديه اكثر
6- ياباني
7- يمسك سعره
8- رساوة توب
9- تمشي مع اجوائنا اكثر من الميلان
اما بالنسبه للميلان ما جربت رساوتها عشان احكم ركبتها داخل المدينة فقط
وجرب السيارتين و شف الي ترتاح له
و لا نتسى عندك سيارات واجد بطله
ليجاسي و اوريون و ماكس فكر قبل كل شي
ومسألة اسعار قطع الغيار روح للوكالتين و اطبع لك برينت عن اسعار القطع
اقتباس لاجد الردود في المنتديات الصديقه..::
مع العلم ان الموديل ( 2007) .
اقتباس:
الســلام عليـكـم ..
هـذي سيارتي القديمـه ..
وطبعا" الموضوع قديم ..
وكنت كاتبه في منتدى أخر ,,
وحبيت أنقله لكـم لتعم الفاائده ..
الموضوع منقـوول حرفيا" *_&
السلام عليكم
هذي تجربتي للسياره لحوالي شهر , وتقريبا" ماشيه خمسه
الاف كيلو متر <<<(من كثر اللفلفه في شوارع ). http://www.cars-club.com/vb/images/s...104835_wrc.gif
و للعلم بس أنا كانت عندي اكورد 2005 , 4 سلندر
فلو (وأعوذ بالله من كلمة لو ) قلت أحسن او افضل أو أسواء
فهذا مقارنة بالأكورد الي كانت عندي انا , مو الأكوردات الثانيه الي عند الناس,,
لأنه هذا شي بالذات سار مع أحد أصدقائي http://www.cars-club.com/vb/images/smilies/afro.gif وهو متعصب جدا"
للأكورد >>> ...
فأولا" واخيرا" هذا رأي شخصي فيني فأرجو من شباب محد يزعل أو ياخذ بخاطره ,>>>>>
( هذي قصة حياتي http://www.cars-club.com/vb/images/smilies/flirt.gif )
نبداء بالمواصفات للميلان
أولا" مواصفات المحرك ":
2.3 لتر
4 سلندر
160 حصان
دفع أمامي
من الموقع الرئيسي للشركه كالتالي :
2.3l i4, 16 valve, 160 hp @ 6250 rpm
5 speed manual (standard) or 5 speed automatic transmission
وسياره للأمانه ماتصرف بنزين ,
هذا اذا طبعا" مشيت بروقان, مو دعس عند كل أشاره
وفي صووت حلو للمكينه ( البعض يعتبره عيب في سياره)
لكن أنا عاجبني أكثر شي الموتر.
وجناان لمن تدعس وخصوصا في القومه
كل الي في شارع يحسب سياره 8 سلندر ,,
وثبات في سياره 100 %
وغرز على كيف كيفك ,,,,,,,,,
ولي فايدني أكثر أني مهبط سياره شوي (بس شوي)
وفي الخط سواقتها نفس الجراند ماركيز ,
محد حايفهمني الى الي عندهم جراند ماركيز
وعــزل الصوووت رائع بمعنى كلمه أحسن من الأكورد بمراحــل
يعني تمشي في الخط السريع 170 كأنك ماشي 110 في الأكورد
وأعتقد الي مساعد في النقطه هذي كفرات الميشلان
العريضه (ماني عارف مقاسها) ومقاس الجنط 17"
ويكفي انه أميركي ,,,
بس أكثر شي قاهرني فيها أنها تفصل على 181 كلم/س بالظبط
ليش ؟؟؟؟؟؟؟؟؟؟؟؟؟؟؟؟؟؟؟؟؟؟ مادري
والحراره قبل النص بشعره في ظهر في ليل داعس ولابشويش
الحراره نفس الشي ماتتغير أبدا",
المميزات التقنيه : (الي تهمني انا )
*فيها abs
*مثبت السرعه , .
*وأربعه ايرباق والفل فيها سته ,
*ريموت سياره يشمل فتح وقفل الابواب وفتح الشنطه و جرس الانذار
*اللمبات الخلفيه ليــد led
*وكشافات ضباب , ضعيفه في الأضاءه وحجمها صغير حقت الأكورد أحسن بكثـــير وقويه ,,
**لا توجد فلشرات على المرايات الخارجيه نفس الأكورد
هذه الصفحه فيها جميع المعلومات التقنيه :
2007 mercury milan - features & specs
كذه نكون أنتهينا من مواصفات المحرك والمواصفات الخارجيه .
ثانيا" : >>> (يالــيل ماطولك )
المواصفات الداخليه :
1- العداد كلاسيكي جدا" .
2- المسجل 6 سي ديات ويشغل mp3
وصوت السمعات قويه ويدخلك جوو .
ويشمل 4 سماعات و4 تويترات .
3- المكيف عادي ( الفل مكيفها الألكتروني)
المكيف ماشالله باارد جدا" حتى في ظهر بأخليه على رقم واحد
لكن عيــــبه الوحيد وأكتشتفته اليوم هو:
أذا كنت في خط سريع ماشي فوق 70 وفي ظهر
أذا دبلت الدعسه يفصـــل ويطلع هواء عادي من غير بروده
لمده 10 ثواني تقريبا" وبعدها يرجع لوضعه الطبيعي .
4- التحكم بالمسجل من طاره ,
تبديل الاغاني ورفع وخفض الصوت وتبديل الى او من موجة fm
5- اربعة حاملات للأكواب ,
2 امام و 2 في الخلف .
6- المقاعد جدا" مريحه وتميل للطابع الرياضي .
7- تحكم في المقعد كهربائي للسايق فقط .
8- المساحه للركاب الخلفيه كبيره حتى عند ترجيع المقعد الأمامي للخلف ,
مساحه جدا" كبيره أكبر من الأكورد ولكن
ولكن ولكن الشنطه (الدبه ) صغيره .
تعتبر ثلثي شنطه الأكورد .
ولهذا السبب المساحه الخلفيه كبيره .
9- تشتيت الضباب ,
للزجاج الأماي والخلفي و
حتى على المرايات الجانبيه .
10- الطفايه (حقت السجائر) خارجيه ,,
=لاتوجد طفايه سجائر في سياره
تجي نفس الكوب الخارجي ,
وهذي ماتفرق معايه لأني مادخن .
11- الطبلون فضي (منكل) .
12-شاشة معلومات كامله عن سياره تجي تحت عداد السرعه,
معلوماتها كالتالي :
كم كيلو مشيت سياره
trip a
trip b
ساعه لحساب الوقت المقطوع
مقياس للعد المتبقي للكيلو مترات بالنسبه للبنزين الموجود
كم صرفية البنزين لكل 100 كيلو (مومتأكد منها)
مقياس لظغط الكفرات (الفل أوبشن)
هذي المواصفات الي أنا لاحظتها على سياره .
نجي للعيوب :
1-مافيه كاسيت . ( مايهمني لأني متعود من قبل )
2-المكيف لمن يفصل في الظهر.
3-السياره مره عاليه. (وهذا شي مريح في المطبات)
لكن أنا ماعجبني .
هذه الى الأن الي لاحظتها على سياره وانشالله مايكون في جديد.
وبالنسبه للصيانه : (الحاج حسين )
وديتها الي في مكه - الكعكيه-
وسولها صيانه أم 1
بي 260 وبعد الخصم 210
تعاملهم كان جيد معايه وديت السياره الصبح س 8 وأستلمتها
نفس اليوم 4 العصر.
وكل شي تمام ولله الحمد .
وأنشالله ماتصدف مشاكل معاهــم
وهذي تجربتين للجديده 2010 ::
وانصحك انك تسوي نسن درايف للسيارتين علشان ترتااح ..
اقتباس:
السلام عليكم ورحمة الله وبركاته
اخواني الأعزاء
حبيت اطرح تجربتي البسيطة للفورد ميلان 2010
حيث انني لا املك سيارة حاليا واستأجرتها للسفر والتجربه ( حج وحاجه )
السيارة المجربه 4 سلندر 2.5 لتر حجم المكينه على ما اعتقد ( ارجوا التصحيح لي اذا في معلومه غير دقيقه )
التجربه كانت لمدة 5 أيام تخللها السفر ما بين الشرقيه والرياض ذهابا وايابا
مواصفات السيارة المجربه : مقاعد قماش - ارقام على الباب - مثبت سرعه - جنوط 16 او 17
بدون فتحة سقف - طبلون ليزر
السيارة فاجئتني باتساعها من الداخل وفي المراتب الخلفيه ما اقول انه ما في اوسع منها لكن اشوف انها افضل من السعه الداخليه في سيارات كثيرة مثل الكامري والأوريون والمكسيما
لكن اشوف في عيب في تنجيدة المراتب بأنها قماش عادي وليس مخمل ومنظرة غير فخم
في القياده السيارة مريحه وخصوصا على الخطوط
بصراحه تستجيب للسرعه بدون ما تحس واذكر اني وصلت الى 180 بدون ما احس
لأني مو متعود اسوق بهالسرعه
رساوة السيارة وثباتها جيد جدا
عزل الهواء ممتاز الى سرعة 140 وبعدها يكون جيد جدا
ناعمه على المطبات
تعليق السيارة لين
النظام السمعي في السيارة خطيييييييييييير جدا فهو من نوع سوني 6 سيديات و12 سماعه
بصراحه ابهرني
يوجد بلوتوث للتلفون ولكن لم اعرف كيف استخدامه
تصميم الطبلون وفتحات المكيف سيئ نوع ما لكن الطبلون ليزر بألوان وشكل رائع جدا
السيارة عموما ارى انها ممتازة وافضل من خيارات كثيرة غيرها خصوصا اني اذكر انها اول ما نزلت في الوكاله ذهبت وسألت عنها فوجدت انها فئتين 4 سلندر و6 سلندر وكان في وقتها ما في الا الفل ابشن والغريب ان السيارتين كانو بنفس السعر
86000 الف ريال حاليا ما عندي علم اذا نفس السعر او تغير
وبصراحه وكيلها يخوف بالنسبه لي وما ادري عن خدمتهم بعد البيع
آسف لأنه ما في صور للسيارة
واتمنى تكون تجربتي البسيطة واضحه للجميع واللي عنده معلومات محدثه عن السيارة ياليت يفيدنا
وخصوصا عن ال6 سلندر منها
شاكر لمروركم مقدما
اقتباس:
اشكرك على طرح هذه التجربة
و قد قمت سابقاً بتجربة ميركوري ميلان 2009 فل اوبشن
((تجربة قيادة))
و ملاحظاتي عليها هي
صوت المحرك المزعج و كان 4 سلندر
مقاعد غير مريحة نوعاً ما
عزل الهواء ليس جيد فعلى سرعة 110 يبدأ الهواء بالدخول
استجابة السيارة للدعسة بطيئة جداً جداً
مساحة الرأس ليست واسعة كفاية و غير مريحة
جزاكم الله خير
ننتظر المزيد من الردود