رجه من 20 إلى 40 بالاكورد

السلام عليكم

اخواني من كم يوم صارت عندي رجه توضح بالسياره وتطلع من يجي الطبلون 20 إلى 40 وبعدها تروح ...

اخواني ياليت حد يفيدني اذا مرت عليه من ايش بالضبط ..؟؟؟

سيارتي اكورد ستة سلندر 2008

:)

الرجه هذي اللي على سرعه خفيفه لها اسباب كثير منها تأكد من سيور المكينه وسير الدينمو انها كلها راكبه مزبوط لان المشكله اكيد انها بالكهرباء وما توصل زي الناس فالدينمو ما يعمل بكفاءه فالتوصيل تأكد من هذي النقطه او الاسباب العاديه مثل البواجي او صفاية البنزين ممكن يكون رأس الفلتر مسدود ويعمل بشكل متقطع فأنت تأكد من السيور اولا

السيور توي مغيرها يابعدي

بس فلتر البنزين من زمان ماغيرته ..

قبل اي شي شيك على الكفرات يمكن واحد فيهم محبل (وارم):)
وبعدين شيك على الجنوط من برى وداخل

نفس المشـــــــــــــــكله معاي أخووي مدري وش الهرجه ....؟

شيك عل الكفرات

احتمال تكون الشغله بس ترصيص وترجع احسن من اول

ممكن كراسي المكينة ؟؟؟

الله يعافيكم والله يمكن الكفرات بس توي مغيرهم جوديير وترصيص اوك

وربي تحيرت من هالرجه عسى خير بس


ياليت حد يفيدني قد مرت عليه تكفوووووون

اخ عمرى يالاكورد يسعد صباحك انا من الناس الى عانيت من مشكلتالرجه ولازالت نفس المشكله بس صدقنى ماخليت شي الى وغيرته يرجال ساير مغير اكثر من 3 انواع كفرات اطقم ومن الوكيل تويو قوديير برجستون نفس المشكله بس برجستون الرجه عندى مختلفه شوي وفيه حاجه جديد ه الى هى لمن تكون السياره واقفه فتره يعنى يوم كامل ودقيت سلف ومشيت تحس السياره تنقز مدرى احس الجنوط فيها اعوجاج مطعوجه من الداخل بس مدرى وين افحصها الله يستر ؟؟؟؟؟؟؟؟؟

هلا اخوي حميد

انا هذا مشكلتي مابي اغير مية شغله مومتاكد منها ...

وكل واحد لارحت ورشه بيعطيني شي واخرها ماهو العله منها ...

مشكور ياخوي وحياك الله

هل تاكدت ان سيور السياره راكبه تمام؟ لأن غالبآ الرجه اللي على سرعه قليله سببها الاول سيور ولا الجنط لو فيه طعج كان رج معاك لو انك تمشي 200 مو بس 40

يالربع السيور توي مركبهم مافيهم شي

والجنوط ماضربة باي رصيف ولاشي عشان اقوله انه انطعج

أخوي عمري الاكورد
متى غيرت فلتر البنزين ؟ اذا ما غيرته فأنا متأكد أنه من فلتر البنزين(صفاية البنزين )

تحياتي

بيض الله وجهك صدقت فديتك لي زمان ماغيرته وربي

بالله كم سعره تقريبا هالفلتر

ياليت حد يفيدني

الرجه عندك سببها العكس الداخلي يحتاج للتغيير لا فلترلا ولا ترصيص ولا كفرات لمزيد من المعلومات مراجعة موضوعي التالي

http://www.hondaarabia.com/club/t25999/

فديتك انت تقول ..

7- العكس الداخلي

الرجه تأتي عند اي سرعه وللحظات معينه وتعتمد على قوة الضغط على البنزين خلال تلك اللحظه فكلما كان التسارع شديدا زادت بشكل قوي ويلاحظ البودي يهتز يمينا ويسارا وكلما كان التسارع بطيئا كانت الرجه هادئه وللمعلوميه عندما تريد التخلص من هذه يجب تركيب عكس داخلي جديد اصلي لأن الياباني موجوده فيه رجه بشكل خفيف وتزيد مع الوقت وايضا البعض منا يذهب للتشليح لشراء عكس مستعمل احب اوضح انك على سبيل المثال تكون عندك رجه بين 30 و40 وركبت عكس مستعمل وجربت السياره وتجد ان الرجه اختفت بين 30 و40 لكن ستجد الرعشه موجوده عند سرعه اخرى عل سبيل المثال 80 و90 يعنى الرجه مازالت موجوده لكن تغير وقت حدوثها لذلك عند تركيب عكس داخلي مستعمل يجب تجربة السياره بتسارع عالي من صفر حتى 160 حتى تتاكد من عدم وجود رجه عند اي سرعه .


انا بس في سرعه واحد من 20 إلى 40 بس وبعدها مافيه رجه

يعني ماعتقد من العكس

مشكور ع مرورك يابعدي

السلام عليكم ورحمة الله وبركاتة
اخوي انا الان اشتكي من نفس المشكلة رجة من سرعة 20 الى 40 ولم اجد لها حل حتى الان يالت تفيدوني في الموضوع
هل تم التوسل الى حل هذي المشكلة
الي عنده الحل يالت يحقنا فيه والله انا خسرت فلوس من دون اي فائده