السلام عليكم
كيفكم حبايبي كل عام وأنتم بخير
عندي نية أطق لي سيارة وأنا وحتار بين نوعين
هوندا أكورد 2011
ماكسيما 2011
وش تنصحوني فيه من ناحية المواصفات والسعر وزي ما يقولون ( لك وللزمن)
طبعا أنا باخذ على التقسيط فيها دفعة أولى
صديقك من صَدَقَك لا من صدَّقك
المواصفات الماكس متفوق
السعر كلهم غالين بس الاكورد غاليه 4 سلندر والـ6 اغلى
لك وللزمن اكورد بمراحل
شوف حبيبي الماكسيما الحالية توها جديدة ولا احد يعرف عيوبها ومدى جودتها ومدى صمودها في بلدنا والجو إلي عندنا ومدى توفر قطع الغيار وهذا اهم شي ،
مع ان الماكسيما حلوة ، بس لا ضير لو صبرت او تسأل واحد تعرفه مطلعها او انك تروح الوكالة وتجربها إذا ارتحت لها استخير وان كان لك نصيب فيها بتاخدها وبالنسبة للهوندا ما عليها كلام مجربة ومعروف عيوبها المنحسرة في صوت الفرامل واحيانا التفتفه البسيطة ولكن إذا وديتها الوكالة خلوها لك عروس سلامي لك
اممممم
والله أنا أنصحك أنك تخش منتدى نيسان وتشوف المواضيع حقت الأعضاء
لأنو زي ما أنت شايف في منتدى هوندا كل المشاكل إلي بتواجه الأعضاء بتنزل
فأنت روح المنتدى وأتصفح وشوف المشاكل ^_^
السيارتين قويتين ,,, ~
لكن ,,,الان وقت الماكسس ,,, ~
الاكوررد ,,,الشكل بيتغيير ,,, بعد كم سنة ,, ~
اما الماكسس ,,,توها نازل ,,, ~
وهي ماكسس ,,,مووو التيما ,, ~
موفق يالغالى ,,وعقبال ما تكشخ فى سسيارة جديدة ,,,وانت بصحة عافيية ,,, ~
بالاساس كنت راح اقولك اكورد افضل لك لكن بعد ما شفت الكلمة هذهاقتباس:
( لك وللزمن)
ايقنت و بقوووة ان الاكورد افضل لك هي بالفعل لك و للزمن
و النيسان ما يحتاج معروفة تاريخه مع الهربدة .. شركة تهتم فقط بالمكينة و متفشخرين بمكاينهم لكن لاجات للجودة معليش في اللي احسن بالياباني
و يكفيك جنط المكس 19 يعني حط ببالك سعر طقم الكفرات ما بين 4 الى 5 الاف ريال
و مستحيل تحس بالراحة لان حسب كلام ملاكها تحس بالحجر لان الدعسة 40 او 45 ما اذكر :p
عموما الصبر و التحمل و الجودة و الاعتمادية تصب في مصلحه الاكورد و بعض المواصفات تتفوق المكس فقط لا غير
:)
المكسيما فئة افخم
و احلى من الاكورد بمراحل>>اتكلم عن الشكل
بالنسبة للمشاكل ماعندي خلفية ادخل منتدى نيسان وشوف
>>>انا افضل المكسيما
وإلله انصصحك بالماكسيما افخم وأحلى واجمل وبيكون بنفس سعر الاكورد تقريبآ
لكن اذ بتقول انا رجال ببيع وحاط براسك بيع من الان لاتاخذ الماكسيما لأنه معرووف سعرها ينززل ع طول بعد الوكاله
والله يوفقك
اخوي الناس اذواق
انا ارشح الاكورد بشاشة
هلا أخووي شوف أذا انت ما تحب الدعس والقوووه
راح تاخذ لك أكوورد بشاشه من وجهة نظري أفضل شكل من المكس
لكن اذا كنت بتاخذ أكورد بدون شاشه أرشح المكس
بتوفيق أخووي.
الاكورد بالشــاشه رووووعه
انصحك فيها
تقدر تقــآآرن بين الاكورد والماكسيمــآآ في السعر فقط ..
الباقي تتفوق الماكسيمــآآ بشكل ملحوظ ..
بالنسبه لجوده النيسآآن عمومــا من +2008 قفزت نيسآآن لمصـآآف شقيقآتهــا اليابانيآآت لتنــآآفس هي الاخرى في مجــآآل الجوده
في تقرير محــايد جداً ومن مجله عرفت بالحياديه وقد عرفت باســاليبهـا العلميه المنظمه والمتقنــه ( consumer report )
انه من بين السبع الشركآآت الكبرى ( هوندا - تويوتا - نيسان - فورد - شفروليه - كرايسلر - هونداي)
احتلت هوندا المرتبه الاولــى ونيسآآن المرتبه الثالثه متفوقه على غريمتهـا تويوتــا
وكان الترتيب
هوندا 73%
فورد 65%
نيسـآآن 58%
شفروليه 56%
تويوتــا 52%
.....
على الرآآبط
أرشح الماكسيمـــا بحكم انهــا فئه اكبر من الاكورد وسعر جيد مقارنه بما تحصل عليــه في السياره
لاتنسى صلاه الاستخــآآره
وبالتوفيق
اوووووول شي استخر .. قبل تسمع كلامي او كلام اي واحد ... ثاني شي ...
زي ماقالو لك الشباب ادخل منتدى نيسان واسال عن العيوب
انا والله برضو محتار .. لأن الاكورد بعد الشاشه صراحه اعجبتني بقوووه وبدا يشغل مخه عبدالله هاشم
بس اذا بتاخذ اكورد خذ الا 6 سلندر وبشاشه
بعيد عن التحيز ..
نصيحه أنا معي أكورد .. وركبت مع وآحد معه مآكس شي خيالي .. رآحه المرآتب وعزل أرضي وأنوآر عدسة وشكل فخم
والحمد لله مآ عمره آشتكى من مشآكل .. النسيآن تغيرت .. اذا تبي سيآره لك وللزمن .. أنت وآستخدآمك ..
آخذ مآكس والقلب دآعي لك ..
الاكورد افضل من المكسيما بكثير والدليل الشكل القديم مااشوفها تمشي كثير بالشوارع بالرغم شكلها نزل من عام 2000الى 2007 اذا ماخاب ظني
وانا انصحك بأكورد وانت فكر واستخر ربك والله يكتب لك الي فيه الخير.
السلام عليكم
حراااااااااااااام عليك
مكسيما بكل الفخامه تقارنها بسيارة ذي من جد انت تسب المكسيما
وتعرف لو تجيب اكورد 6 سلندر
وتسابقها بتجيبها على 2 هههههههههههه
خلك على المكسيما ابرك
ولا تخسر فلوسك على الفاضي مع الاكورد
ولو فكرت بالاكورد خذلك اكسنت احسن
هههههههههههههههههه
وسلامتك
اقتباس:
المشاركة الأصلية كتبت بواسطة اكورد وبس 2010
خخخخخخخخخخخخخخخخخخخ
طيب ليه مآشريت آكسنت آنت .. !!! :d:d:d:d
يآحبيبي لآ وآكورد وبس 2010 آجل خخخخخ
وآضح من النك آصلاً إنه تلفيق
مآبي آحلف إنك مآمعك آكورد ولآ تحصل لك آبداً :rolleyes:
وجآي تبي تتكلم ع الملكه وتشوه سمعتهآ خلك ع السياره الي معاك
وإذآ بغيت تقلل من قيمـة شي قلل من شي بمستوآإك ..
و آلي مآيطول العنب حآإمض عنه يقوول .. :rolleyes:
آجل آكسنت والله ضحكتني هههههههههههههههههههه
....
بالنسبه لصآحب الموضوع
حبيبي إذآ إنت ع قولتك تبي سيآره لك وللزمن مآيختلف إثنين إن الأكورد آفضل
والدليل شوف الأكورد 99 ... 2005 للحين تشوفهآ بالشوآرع وبكثـره
هذآ دليـل إنهآ إعتمـآديه وقويه وتتحمل ومآشاء الله كأنها جديده
لآكن المآكسيمـآ صح شكلهآ حلو وموآصفاتها بعد حلوه
لآكن مآتكمل معاك سنتين ثلآث إلآ السياره مخرخره عليك
وخيسآن معروفه بهالشي :d
^^
لآ تعلييق ..
بالنسبه لك يا صصاحب الموضوع ..
إول شيء استخر ربك , ثاني شيء ادخل منتدى نيسان وشوف بعينك ..
و إنا ارششح المكسيما و بقوهـ , بحكم فخامتها اللي ما تصف جنب الاكورد
لا بشاشه و لا شيء , و يكفي انها سته و فيها نشاط يروع ~> يالبى
انا معي اكورد 2002 , كل شوي مشكله طالعه لي بدون سبب
و نيسان عدلت جميع سياراتها و صارت تصبر ~> وجهه نظر
و بالتوفيق لك
انا اقول ان الكورد عمليه وتصبر
اما المكسيما خلها معك سنتين ثلاث
بعدين تندم ليه ماشريت اكورد
السلام عليكم
بالبداية من قال ابي اشتري اكسنت
انا قلت الاكسنت ابرك
وثاني شي يا صاحب الموضوع
الكل يوم بغيت اشتر اكورد قالو ممتازه ووووووو
وطلع كلام
وهي ولا شي غير سيارة من برى شكل بس ومن داخلها زباله
انا سويت موضوع وتم غلق الردود
وسبب
اني قلت الاكسنت
عزمها احسن من الاكورد
راعي المنتدى ما قدر يرد رد مقنع
ولا احد من الاعضاء
كل الردود يباني واصلي وكلام فاضي
ويعتبروني اطنز
ولا ليه ما جربتها وووووووو
ولو تشوف الكامري وسوسو بس تتحدى سيارات اعلى منها بالمقاومه وكل شي
ووتجي ذي الاكورد ما تعرف الاكسنت
ترى من جد بتندم
حتى لو تاخذ 6 سلندر
اذا منت مصدقني بعطيك رقمي
ونتقابل انا من الرياض تعال شوف الاكورد
واركب معي
وبدبر اكسنت
ساعتها بتعرف وش يعني ملكه حقتك ذي
^^^^
تصدق انك فله ههههههههه:p
متعب نفسك والله
اقتباس:
المشاركة الأصلية كتبت بواسطة اكورد وبس 2010
وانت شاري اكورد 4 سلندر بـ 100 الف عشان تكسرها بالمقاوم :confused:
لو بغيت مقاوم خذ كابريس 8 سلندر جديد
لحد يشوفك بس تقاوم بـ 4 سلندر :d
ارررررررررررررررررشح الماكس وبعنف
انا من جهتي اقول لك
الجودة فقط للاكورد
الجودة (الجيدة) والفخامة للماكسيما
ومن الداخل الماكسيما اريح والاسيات مريحة ومواصفات مرة حلوة
لكن الاكورد فيها انظمة سلامة قوية
شكليا الماكسيما احلى
جودة الاكورد افضل
والخيار لك
تحياتي
والله يالغالي صراحه ما ابغى افتيلك من راسي لكن انا خويي الي 24 ساعه معه مطلع اكورد 2009
ماشاء الله ماشيه معه زي الفل والان ماشي عليها 24000 بس اول ما طلعتها معاه سمعنا صوت في الكفر الامامي يسار ورحنا الوكاله اليوم الثاني وصلحوها له على الضمان و بعدها طلعلنا اصوات من الديكور الامامي و تنسيم من الباب بس لسى ما رحنا الوكاله عشان نصلحها وقبل اسبوع تقريبا طلعتها و كنت انا الي اسوق وهو جنبي الف بالدركسون يطلع صوت ونه بسيطه و هذي اليومين ان شاء الله حنوديها الوكاله عشان يصلحو كل الخرابات هذي
حبيت احكيلك تجربة خويي مع الاكورد والي شايفه قدامي
اما الماكسيما ما افتيلك فيها بس صراحه فخامه رهيبه ولو بتاخذ الماكسيما اطلب منهم الي الون الؤلؤي ومن الداخل اسود و تراها ما تجي غير كم حبة والله فخمه جدا
بس عندي تعليق بسيط لاكورد و بس 2010 تراك قرفتنا انت والاكسنت هذي انا اجرتها مره وسوقتها انت دحين مسوي فيها انت والسيارة هذي على الاقل خليهم يحطولها دعسة بنزين زي الناس توني دعسة شوي الا رجلي وصلت المكينه اقول للجنبي هما حاطين حد لدعسة البنزين قالي لا انت داعس على اخر شي
اما العزم لا تعليق سريعه جدا لدرجة انه كان فيه بنقالي حق انابيب ماشي جنبي يبغى يقاوم معايا وطرحته قومه بس هو طرحني خط
ههههههههههههههههههههههههههههههههههههههههههههه
لمعلومية يا شباب قوة الاكسنت حصان و 3 سيسي(الحصان الصغير حق البحر)
انا اسف على التعليق لا تزعل مني ترى امزح بس انت سويت في المنتدى زحمة اكسنت.