زيت القير .. وبعض الاستفسارات

السلام عليكم

كيف الحال ان شاء الله بخير ..

ياشباب فيه واحد من الشباب اشترى اكورد 2009 وكانت ماشيه 120 والحين وصلت 132 والسياره مثل العسل

بس عنده استفسار عن زيت القير ؟ .. هو مايدري عن صاحبها السابق اذا كان مغيره او ماغيره !!

وسمعنا ان زيت القير اذا ماتغير وغيرته بعدين يخبط القير !!

فـ وش رايكم ؟ وش الحل ؟ اخلي الرجال يغير الزيت ؟ مع انه ملاحظ ان تغييرات القير فيها طقه خفيفه !! طبيعيه ولا وش المشكله ؟

..

والرجال يبغى يسأل هل فيه شي يغير اذا مشت السياره 130 - 140 ؟ اشياء استهلاكيه ؟

..

والله لايهينكم ياشباب

وعليكم السلام

حياك الله طال عمرك

في البداية خل خويك يمر الوكالة وبرقم اللوحة او الشاصي يعلمونه وش آخر صيانه اذا بدل الزيت او لا ووقتها ياخذ معلومات تفيده ويبدل الزيت وهو مرتاح نفسيآ

..

الله يجزاك خير عالمعلومه ولا هنت .. طيب اذا شيك بالوكاله وقالوا له ماغير عندنا زيت القير !! وش الحل !

طيب فيه طقه خفيفه مره عند التعشيق .. << والطقه موجوده عندي بعد .. هل هي طبيعيه ولا وش المشكله ؟

ووش الاشياء الاستهلاكيه اللي تتغير بين 130 الى 140 الف ..

وياليت احد يدلنا على ورشه معروفه غير الوكاله .. الوكاله اكلونا :)

..

الطقة اذا عند التعشيق من d n الى p فهذه عاديه جدآ وهو قفل تأمين القير وبعض المرات ماتطلع واذا انت نازل من السيارة تسمعها وساعات ماتطلع بعد الا اذا جيت بعدين وركبت السيارة راح تسمعها او ماتشغل الموتر بتسمع الطقه

بخصوص اذا قالوا له ماغير الزيت فهذه لها سالفه طويله وهي

تنقص مقدار علبه وتحط علبه جديدة وبعد فتره تنقص علبه وتحط جديدة وهكذا لين يتجدد الزيت بالكامل في القير

السلام عليكم
طيب اخوي المباشر اذا غير الزيت مره وحده هل يسبب مشاكل
وهل الوكاله لو رحت لهم يسون هذا الحركة بحيث انهم ينقصون مقدار علبه ويضيف مثلها الين يتجدد الزيت
وشكرا لكم جميعا

اخوي المباشر .. الله يجزاك خير عالمعلومه ..

لاكن الطقه عند التغيير من الاول للثاني واحياانا من الثاني للثالث .. بس خفيفه مرره وبدون صوت بس كذا تحس الموتر قير عادي بالتعشيق ..

تغيير زيت القير كذا فجأة بعد هالممشى المذكور ممكن يسبب تخبيط للقير وممكن يمشي معاك مثل الحلاوة لكن الأسلم تطبيق ماقلت لك سابقآ

الوكالة والله مادري يسوونها لك ولا لا بس هم عارفين موضوع التخبيط حتى كثير من الشباب اللي مش معروف متى بدل الزيت الوكالة تقوله مانبدل لك او نخلي مسؤليتنا اذا صار في القير شي

التنقيص مايحتاج وكالة وياخذون سعر عالي على شغله بسيطه

حاول تشتري العلب من الوكالة وزيت اصلي لاتاخذ من غير الوكالة علشان ماتخبط في قير الموتر بنفسك

تحتاج 3 علب

مر اي ورشة يشتغلون في هوندا او بنشري ممتاز وقوله مع التأكيد انه ينقص علبه بس ويزيد الناقص من العلب اللي عندك

واذا خايف من الورش وغباء بعضهم اللي بدال مايصلح يخرب حاول تمر الوكالة وتقولهم انا ماغيرت زيت القير او صاحبها الاولي وحاب اني انقص علبه وازيد النقص بزيت جديد هل تسوونها لي وشف وش يقولون لك

اقتباس:

---

المشاركة الأصلية كتبت بواسطة ا ع ط

اخوي المباشر .. الله يجزاك خير عالمعلومه ..

لاكن الطقه عند التغيير من الاول للثاني واحياانا من الثاني للثالث .. بس خفيفه مرره وبدون صوت بس كذا تحس الموتر قير عادي بالتعشيق ..

---

الممشى قليل على القير وان شاء الله مافيه الا العافيه

الطقه او النتعه ممكن بسبب عدم تغيير زيت القير وعدم تبديل الفلتر الخارجي

خل الملاحظات الى مابعد التبديل للزيت والفلتر الخارجي << الخارجي :d وشوف وقتها هل مازالت او راحت بعد التبديل

اذا حبيت ممكن تعمل فحص للقير عند الوكالة بس اشوف انها ماتستاهل لأن ممشى الموتر ماشاء الله طيب

واعرف واحد عنده 2007 وماشي حول 215 كيلومتر وماعمره بدل الزيت وراح للوكالة ورفضوا تبديل الزيت وخلاها على ماهي وماشي مثل العسل بدون مشاكل

توقع انها مشاكل بسيطه واذا مافاد اتوقع يمكن الحساسات او غيره لكن على العموم نبدأ بالمهم تبديل الزيت عن طريق التنقيص بعلبه وزيادة النقصان على فترات وبعدها او بنفس الوقت الفلتر الخارجي تقدر تبدله بأي وقت تحب وابحث عن مواضيع متصفح والمسافر

واحنا موجودين ان شاء الله بعد كذا راح نكون معك في كل الخطوات وننتظر افادتك مستقبلآ على وش يصير معك