وهذه هي تجربتي .. تقرير ال 200000 كم

بسم الله الرحمن الرحيم






http://www.m5zn.com/uploads/2010/10/...39ircp1z72.jpg



بعد الجدل و الخلاف الي صار في المنتدى في الفترة الماضيه والتشكيك في سمعة الأكورد سواءا من أعضاء النادي أو من الدخلاء مثل مايقولون .. فكرت وقررت اني استعرض لكم نبذه عن سيارتي خصوصا انها كملت حاليا 5 سنوات وزياده ومثل ماهو معروف عند الجميع ان هذا هو العمر الافتراضي للسياره .. أضف لذلك انها قطعت مسافة 200,000 كم ..






http://www.m5zn.com/uploads/2010/10/...9z8cofazo5.jpg



قبل ما أبدأ أحب اوضح ان السياره ما اشتريتها وكاله .. لأن الفتره الي كنت أبشتري فيها السياره كانت في نهاية عام 2005 وكانت السياره مخلصه من الوكاله بجميع فروعها ماعدا اللون الفضي ولا راح تجي الا دفعة 2006 وماكنت مقتنع في شكلها من الصور الي شفتها بصراحه .. فقررت اني ادور على سياره مستعمله وتكون شبه جديده ,,



الحمد لله توفقت وشريت سيارتي وكانت مستعمله لمدة شهرين لكن كان ممشاها عالي شوي (14000 كم ) واخذتها بحدود 77500 ريال مع العلم أن الوكاله كانت تبيع اللون الفضي جديده ب79000 ريال لكن اللون كان غير مقنع لي أبدا فالحمد لله اخذتها وانا مرتاح ومقتنع .






http://www.m5zn.com/uploads/2010/10/...p0vjjr97f0.jpg



قطعت السياره أغلب ال 200.000 كم على خط الدمام – الأحساء أيام الدراسه بالجامعه لأني كنت أروح بداية الاسبوع للأحساء وارجع يوم الأربعاء ولمدة 4 سنوات من 2006 – 2010 ..


وقطعت السياره مسافه لابأس بها على خط الدمام – الرياض خلال فترة التقديم بعد التخرج ثم فترة التدريب في بداية الوظيفه ولمدة شهر كامل كنت اروح فيها اسبوعيا للرياض غير السفر للرياض بين فترة وفتره للتمشيه أو انجاز اعمال خاصه.


اما باقي المسافه فمشاويري العاديه بين الدمام – الخبر – الجبيل


سواقتي للسياره لاهي بالشاقه مثل مايقولون ولاهي بالهاديه .. وسط .. أخذ حفر .. مطبات .. عادي جدا فأنا سعودي لكن الحمد لله ماني براعي سرعه ومقاومات .







http://www.m5zn.com/uploads/2010/10/...vhd0off8ej.jpg



1- الشاشه اشتريتها من المشرف ميشو مثل ماتعرفون سابقا


رابط الموضوع



http://www.m5zn.com/uploads/2010/10/...meizi48koa.jpg



2- انوار اللوحات الخلفيه (اللكزس) اشتريتها من وكالة لكزس قبل سنتين تقريبا بحدود170 ريال وركبتها بنفسي بعد عملية صعبه جدا جدا اخذت مني أكثر من ساعه لكن في النهايه اكتشفت ان الشغله اسهل مماهي عليه . وهذا رابط موضوع الأخ محمد بن عبدالعزيز يوضح لكم الطريقه بالشرح المفصل


رابط الموضوع


http://www.m5zn.com/uploads/2010/10/...wlkre4tumx.jpg




3- انوار الزينون (4300 كلفن) صيني ومتوفر بكثره في السوق وتقريبا مثل الي يبيعه أخونا كاكاشي

http://www.m5zn.com/uploads/2010/10/...loun7gzn2t.jpg


4- التحكم بالصوت من الدريكسون (القطعه موجوده بالوكاله والتركيب عند أخونا محمد بن عبدالعزيز وتقدر لو عندك روح المغامره والتجربه تركبها بنفسك بس المشكله كل الشروحات الي بالمنتدى اختفت صورها)


http://www.m5zn.com/uploads/2010/10/...557ghjkfmo.png



5- وصلة الايبود ( تم شراءها من موقع ebay قبل 3 سنوات تقريبا بحدود 350 ريال وركبتها بنفسي بعد قراءة موضوع أخونا NEO FOX )


رابط الموضوع



هذي صوره للوصلات الي اشتريتها وتجي بالطريقه هذي


http://www.m5zn.com/uploads/2010/10/...izh9jlnnav.jpg




هذي صورة مخرج الايبود من خلف المسجل



http://www.m5zn.com/uploads/2010/10/...6ywgdovxwd.jpg




http://www.m5zn.com/uploads/2010/10/...mmdyngn6kf.jpg




http://www.m5zn.com/uploads/2010/10/...jhagcr1qws.jpg



6- مقابض النيكل (اشتريتها ب 100 ريال من العضو Ahmed_mokhtar )


http://www.m5zn.com/uploads/2010/10/...ft9w5vu93n.jpg



7- الستائر (اشتريتها من العضو أكورداوي بس مسوي لي خصم خاص) :d


رابط الموضوع




http://www.m5zn.com/uploads/2010/10/...54ju0n7khj.jpg



8- عازل حراري (توب شيلد)


رابط الموضوع



http://www.m5zn.com/uploads/2010/10/...vbhl3vqcfc.jpg








http://www.m5zn.com/uploads/2010/10/...lfrlf9z07z.jpg



1- في اول يوم استلمت فيه السياره ومع أول اختبار للدعسه .. تفاجأت ان السياره بدت تنتع وفجأه طفت علي ومن بعدها ما اشتغلت الا في وكالة عبدالله هاشم .. !! يعني تخيل اول يوم وتشيل سيارتك بسطحه !! وش شعورك وقتها ؟


وش السالفه ؟ طلعت من محطة البنزين الي عبيت فيها السياره لأول مره .. كانت المحطه شبه مهجوره وعلى ما اظن ان خزان البنزين كان على النهايه فدخلت كميه كبيره من الرمل في السياره وسدت البخاخات وقفلت قبل ماتوصل للماكينه وتمت عملية تنظيف التانكي والبخاخات في الوكاله واخذت مني اسبوع تقريبا بتكلفة 850 ريال تم تخفيضها الى 450 ريال .



2- بعد السنه الأولى تقريبا صار عداد البنزين يلعب .. مره على الفل ومره على ال E وكنت وقتها في ابها .. ورجعت الشرقيه ودخلتها الوكاله ولقوا عندي قاعدة طرمبة البنزين مكسوره وهي عباره ربله صغيره وقيمتها تقريبا 20 ريال وسعر التركيب 100 ريال وتم حل المشكله بحمد لله.



3- مشكلة السنتر لوك وهي مشكله معروفه في الأكورد بصفه عامه وتم تغييرها في سيارتي مرتين تقريبا للبابين الأماميه



4- أنوار السقف الأماميه وتم تغييرها بأفياش من التشليح ب 80 ريال



5- كراسي الماكينه كلها مع كرسي واحد من كراسي القير وتم شراءها ب 1200 ريال وتغييرها ب 350 ريال مع قيمة تغيير جلد المقصات .



6- جلد المقصات ولا اذكر سعرها بصراحه لكن في حدود 300 ريال



7- علبة الدريكسون وتم تغييرها في الوكاله ب 2350 ريال مع قيمة تغيير صوفة الماكينه الأماميه ( ما أذكر السعر المفصل )



8- لي الدريكسون وتم تغييرها على الضمان بحكم انه عيب مصنعي



9- القماشات الأماميه تم تغييرها 3 مرات (المعدل مره كل 66000 كم ) وأشوف انها منطقيه جدا .



10- القماشات الخلفيه غيرتها 5 مرات تقريبا (معدل عالي مقارنة بباقي السيارات الأخرى )



11- الهوبات الاماميه غيرتها مره وحده وانخرطت مرتين حتى الان.



12- البوري تم تغييره مره وحده ب 180 ريال ويتم تنظيفه بين فتره وفتره على حسب العج في الخط



13- حاليا عندي مشكلة تهريب بسيط في صوفة القير والى الآن ماصلحتها



14- أسنان تروس القير تآكلت من بدري بصراحه (30000 كم ) لكن مامنها ضرر غير ان صوت الحنه عالي شوي ..



15- مشكلة الثروتل بودي جننتني فترة زمن .. يعني كل ما أمسك خط أوصل ألاقي الضغط مرتفع بشكل يفشلك عند الاشاره وتصير السياره فيها قوة جامحه للإنطلاق .. وكانت تنحل بالتنظيف وبصراحه تعبتني وكلفتني كثير لأني مالقيت فني جيد يحلها لي .. وفي الأخير الحمد لله دخلتها ورشة الترس وانهى المشكله من أول مره .



16- مشكلة تعليقة النور العالي لكن الحمد لله انحلت مع تركيب الكتاوت ب 100 ريال شامل اجور اليد.








http://www.m5zn.com/uploads/2010/10/...32l8pzcl4j.jpg



لم تتم عمل أي صيانه دوريه في الوكاله من صيانة ال 1000 كم حتى الآن .!!


لكن السر في كوني عارف متى احتاج أغير كل قطعه ..


-تغيير الزيت كل 5000 كم واحيانا اتجاوزها الى 8000 كم لكن محافظ على التغيير بالوكاله.


- تغيير زيت القير + البواجي كل 40000 كم وفي الوكاله ايضا.


- تغيير سير الماكينه الخارجي وصفاية البنزين وفلتر الهواء كل 100.000 كم ويتم تغييرها برى الوكاله


- تغيير الكفرات كل سنه أو كل سنه ونصف على حسب الاستخدام وغيرتها الى الآن 3 مرات كالتالي /


1- المره الأولى غيرتها في الوكاله بنوع ميشلان (قوة- ثبات – عمر اطول – ازعاج )


2- المره الثانيه ركبت تويو ( ثابت ويعطيك رساوه حلوه – هدوء – عمر سنه كحد أقصى )


3- المره الثالثه دنلوب ( غير مقنع بصراحه ولا انصح به )







http://www.m5zn.com/uploads/2010/10/...nglyd2jlv9.jpg



1- حادث السرقه في عام 2006 وبالضبط في الساعه 12:20 مساء يوم السبت 22/9/1428


ولقيت السياره بعدها بأسبوعين تقريبا بعد فيلم من المطاردات والمراقبه ولقيتها على حال لابأس به لأنه اهون مماتخيلته لكن كلفتني تقريبا 15000 ريال تحملها التأمين بالكامل .


هذي بعض الصور للسياره من حوش شرطة الظهران


http://www.m5zn.com/uploads/2010/10/...vxehx4wsrf.jpg


http://www.m5zn.com/uploads/2010/10/...32ombww3wq.jpg




http://www.m5zn.com/uploads/2010/10/...u7zz44m47w.jpg



2- حادثة بسيطه صارت بسبب شركة نقليات شحنت عن طريقها السياره ونزلوها من السطحه بطريقة خاطئه وتسببت في اضرار بسيطه للصدام وربلة الحمايه السفلى وتحملتها شركة النقليات .



3- حادث بسيط جدا لكن كان في مقتل على ماقالوا .. كلف 7000 ريال على حساب التأمين



4- حكات بسيطه في الصدامات والابواب







http://www.m5zn.com/uploads/2010/10/...otpb098cyx.jpg



1- سرعة ومرونة في الاستجابة في حالة حدوث أي موقف مفاجئ.


2- قوة تحمل وتماسك رهيبه ماشاء الله تبارك الله


3- جودة المواد الداخليه عاليه


4- تصميم داخلي رايق خصوصا لما تقارنها مع منافسيها في عام 2005


5- نعومة القير في التبديلات


6- نظام i-vtec المخفض لإستهلاك الوقود (600 كم على الخط – 450 كم داخل المدينه)


7- نظام ESB (توزيع الثقل على انحاء السياره على حسب الحاجه )


8- وجود انظمة الأمان الأساسيه مثل SRS – ABS ونظام حماية السياره من السرقه بعكس بعض المنافسين في عام 2005 الي كانت تفتقر لأتفه الأنظمه بينما في الأكورد حتى في اللستاندر متوفره


9- رساوة على الخط ممتازه


10- السياره ماتحتاج لفترة طويلة عشان تحمى يعني دقيقه بالصيف و3 دقايق بالشتاء تقريبا.


11- سعرها عالي عند البيع







http://www.m5zn.com/uploads/2010/10/...shkvyupa9n.jpg


1- صوت الماكينه عالي شوي وكذلك صوت القير.


2- عيوب مصنعيه مختلفه مثل علبة الزيت وليات الدريكسون وعلبة الفيوز وفيوزات طرمبة البنزين .


3- تنسيم الهواء عند السرعات العاليه.


4- التعقيد الميكانيكي والكهربائي في السياره .. يعني مو أي فني يعرف لها وهذي نقطه متعمده من الشركه لكن تضرنا احنا كمستهلكين .


5- قطع غيارها غاليه خصوصا في حالة الحوادث لاسمح الله اذا ماكنت مأمن على السياره.


http://www.m5zn.com/uploads/2010/10/...pz6r4j0h19.jpg



من خلال العمر الي عشته مع السياره أقدر أقول أنها تستحق انها تكون السياره الأولى في فئتها من ناحية الاعتماديه .. سياره عمليه بمعنى الكلمه .. تحملتني بدون ماتشتكي .. وكل المشاكل الي ذكرتها أعتبرها عاديه جدا لو فكرتوا في ان السياره مستعمله من البدايه .. ثم انسرقت مني وتعرضت للتخريب والتفحيط والتطعيس .. لا ووصلت الى حد المطاردات لأن خويي شافها وصار فيلم بينهم انتهى لصالح الحرامي للأسف .. اضف لذلك ان السياره ماعرفت شي اسمه صيانه دوريه .. اضف لذلك انها ماهي على يدي بس .. يعني بالعربي صايره سبيل في البيت وبين أخوياي لكن مع ذلك صبرت ماشاء الله تبارك الله ..


الحين ماراح أستغرب أي خراب منها لأن عمرها الافتراضي انتهى وجاء وقت تغييرها لكن بسبب بعض الظروف فماراح أبيعها حاليا وراح تكمل معي بقية القصة ان شاء الله وعقبال ال 400,000 كم







http://www.m5zn.com/uploads/2010/10/...9iby0qrrgu.jpg



يبقى كل ماكتب في التقرير المتواضع هو جهد بشري معرض للخطأ والنقصان .. وأكيد انه مايغطي فترة ال 5 سنوات الماضيه بالشكل الكافي .. وأكيد ان فيه أشياء لم تذكر لكن حاولت بقدر المستطاع اني اتذكر كل صغيره وكبيره مرت علي خلال هالفتره وقدرت أطلع بهذا التقرير الي أتمنى أني أكون وفقت في شرحه وتصويره وأتمنى انكم مازهقتوا من كثرة الهرج الي فيه لكن هي رغبه في توضيح سر من اسرار المقطوعه الموسيقيه ACCORD .



وهذي آخر صوره أختم بها



http://www.m5zn.com/uploads/2010/10/...x5nu30d4qr.jpg



لاتنسى : ماشاء الله تبارك الله حتى لو ما أعجبتك السياره :rolleyes:



http://www.m5zn.com/uploads/2010/10/...ae87tcktnt.jpg

ملاحظه : يوجد أخطاء في التنسيق والسبب مجهول :confused: لذلك لحد يدقق :d

اخيرا نزل التقرير :d
ماشاء الله تبارك الله .... الله يعطيك واياها طولت العمر

الصورة الاخيرة ابداع :cool:

مـــاشاء الله تباركـ الرحمن
تقرير متعوب عليه بصراحه
اما من ناحيه السرقه الله لا يوفقهم ..
الله يحفظها لك من كل شر

تحياتي لك

تقرير قمة في الابداع

ماشاءالله عليك اخوي كفيت ووفيت

ماشاء الله

الله يطعمك من خيرها ويكفيك شرها

بصراحه هذا الموديل من الاكورد يعتبر الاميزوالافضل بالنسبه لي

الله يخليكم لبعض:d

ويكفيكم شر الحساد

الله يعطيك العافيه

ماشاء الله تبارك الله

الله يعطيك خير السيارة و يكفيك شرها يارب و يصرف عنها العين

ماشاء الله التقرير رووعه و منظم بأسلوب جميل و ترتيب رائع جدا

و تجربة جميله مع الاكورد ولا غرابة في ذلك صاحبة العلامة الـ H

وان شاء الله عقبال ما تكتب لن تقرير النص مليون و انت بصحة و سلامة

بعدين خقيت عند خطك :o

:cool:

خاص لك (( شيك على موضوع الستاير )) :d

اول شي اقوله مشالله تبارك الله
ثاني شي الله يعطيك خيرها ويكفيك شره
انا بصراحه معاي 2010 وانا راعي سفريات يعني في الشهر السياره ممكن تمشي 10000 كم وكنت خايف جدآ انو السياره ما تتحمل بس على التقرير الاكثر من رائع انا حبيت الاكورد وحمد ربي على اختياري للاكورد:cool:

صراحه تقرير ولا اروع وكنت من اول وانا منتظر هذا التقرير
وصراحه انا هذا الكلام مو اول مره اسمعه سمعته من واحد في الصيانه يقولي ترى والله موديلك افضل موديل نزل في الاكورد في قوة التحمل وماعليه شكاوي كثير وهو ماخذ نفس موديلي ويقولي ما افكر اغيره وقد شفت سيارته ماشاء الله عليه محافظ عليها ونظيفه
الله يحفظله سيارته من كل عين
وترى لعلمكم انا قعدت شهرين ادور على اكورد وفي هذي الفترة كل ما اسال احد يقولي والله افضل سيارة الي ياخذها ما يبيعها وبصعوبه تحصلها
الله يحفظلك سيارتك وعقبال تقرير ال 400000.

ماشاء الله سبقتنـي :d

انا بعد سيارتـي توها ماشيه ميتين الف <<<<<ترا مايعرف يكتب الرقم يلخبط بالأصفاار:mad:

ياااخي بيني وبينـك انا والله واسأل عبدالله كل ماجاني فلوس ابي اركب زنون وإلا اشتري مقابض نيكل وإلا اي شي

يطلع علي كراسي المكينه إلا غيرتها على حسابي كامله وبعدها زيت الباور يهرب وشريت لي الدركسون جديد من الوكاله بـ900 ريال
وفي الأخير يقولون عيب مصنعـي

والحين فيها حذفـه ما ادري للحين وش اسوي

والسياااره من الزيت إلي كان يهرب للحين فيها ترسباات زيت على المقص اليمين ما ادري كيف يرووح وعلى الذرااع بعد اليمين زييت مترررسب عليه فما ادري وش الحل مع هالزيـت

السيااره خدمت ماشاء الله بس كلت جيبـي :mad:اقصد جيـب ابوي :d <<<<جيب ابوكVXR وإلا لكزس هه هه هه بايخه ادري :(

ياسلام عليك

من حقك تتأخر في طرح التجربه

بصراحه تجربه مثيرره للإهتمام

الله يعطيك العافيه خلوودي

:o حتى انا خقيت عند خطك زي سميك :o

:)

السلام عليكم ورحمة الله وبركاتة ..

يسعد لي مساك يا كويس ..

منور القسم ، ، عسى ربي ينور حياتك بالطاعة ..

بصراحة ما عليها كلام . .

وهالموديل بالذات من اكثر الموديلات اللي اقدرها ..

جربتها تقريباً لتفرة ٦ شهور ومشت معاي زي العسل بدون مشاكل ..

اهنيك على الترتيب يا كويس وهذا رد لكل من ينقص في حق الاكورد ..

وعقبال ان شاء الله ال ٤٠٠ الف ..

تصدق عاد والله اني كل ما امر على توقيعك اقول وشفيه ذا متى ينزل تقريره :d احسك طولت بزياده

الله يعطيك خيرها ولا يوريك شرها وان شاء الله تكمل معك للـ 500 ألف

مشاء الله

والله التقرير روووعة
والصورة الاخيرة كدا :cool:

أبو خالد ..

أشكرك على الرد السريع الي أصلا جاء من أمس :d وبالنسبه للصوره الأخيره فهذي طقطه وجات معي فكره قلت خلني اختم بها الموضوع :rolleyes:


ياسر ..

السرقه اخذت حيز من الطرح في المنتدى بوقتها وماقصروا الشباب هنا من ادارة المنتدى وخصوصا أبان حتى المشرفين الى أصغر عضو .. وقفوا معي وقفة رجال وساعدوني الحمد لله الى ان لقيتها .. اشكرك اخوي على المرور :rolleyes:


فهودي ..

تسلم على المرور والله يعافيك :)


عطر الحكي ..

امييين والله يجزاك خير لكن ياليت لو تغير توقيعك ترى يعور القلب :d



سلفر اوريون ..

احرجتني بصراحه :o وخليتني اتحمس اكتب لك شي :d

http://www.m5zn.com/uploads/2010/10/...apf5ux3nzo.jpg


هاوي الأكورد ..

الله يجزاك خير والله يعطيك خير السياره ويكفيك شرها وثق تمام انك اخترت الاختيار المناسب ان شاء الله :rolleyes:


اكورد مودي ..

يعطيك العافيه على الاطراء وبانتظار تقرير منك حلو :rolleyes: << نكبه :d


فيصل ..

يقولي عبدالله عن الكلام هذا << نصاب :p

يارجال ان شاء الله تتيسر الحال وتضبط امورك ونشوف تقريرك الخورافي لسيارتك ولجيب ابوك :d


..memories

تأخرت في التقرير لأني قاعد اعصر مخي واتذكر وادور يمين يسار .. وغير كذا لاتنسى اني كتبت اكثر الموضوع في الدوام وتعرف كل ماجاء أحد عندي قفلت الصفحه سريع سريع وفتحت على نظام المؤسسه :d


كاكاشي سان ..

وعليكم السلام ورحمة الله وبركاته

الله يجزاك خير والنور نورك يالغالي ,, شرفني مرورك ياعزيزي :rolleyes:

accord f15

يقولون حلاة الماء بعد الظما .. وحلاة التقرير بعد التسحيب :d

شرفني مرورك :)


سلطان ..

الله يعطيك العافيه على هالطله :cool:

الله يعطيك خيرها ويكفيك شرها

وان شاء الله تورثها لي عيالك

ويكتبون تقرير المليون كم

واخيرا نزل التقرير بعد طوول انتظار . . .

بس مشاء الله
الله يعطيك خيرها ويكفيك شرها
اما اخر صوورهـ كلاام ثاني :cool:
وتقريريك بطللل يابطل


تحياتي لكـ . .
^ــ^

ماشاء الله تبارك الله ..

ربي يعطيك خيرها ويكفيك شرها .. ياخي والله اللي مايحب الاكورد ويدخل موضوعك العسل صدقني بيحبها << طلع راح يبوس سيارته ورجع:d



ماشاء الله .. ربي يخليها لك ويا عقبال الـ 100.000 كيلو وانت بصحه وسلامه يارب ...:004:

وياخي حتى انا خطك اعجبني ماودك تكتب لي وحده ههههههه :d << ياشين البزر لا عطيته وجه :mad:


ماشاء الله اهنيك على موضوعك واهنيك على سيارتك ماشاء الله عليها ...:004:

ماشالله تبارك الله الله يعطيك خيرها ويكفيك شرها

تقرير اكثر من رائع مع اجمل تقييم

وعقبال المليون كلم

ماشاء الله تبارك الله

الله يعطيك خيرها ويكفيك شرها وعقبال 400 الف :)

ماشاء الله

تقرير رائع وتنسيق أروع من أحد المؤسسين:)
مو غريبه على الأكورد تحملها وفعلاً احسنت الأختيار في الأكورد وفي 2005 بالذات
يعطيك العافية موضوعك من المواضيع القليلة الي تنصف الأكورد لأن الجدد في عالم الأكورد
والدخلاء من جد شوهوا سمعتها
لاكن قالوها الي مايعرف الصقر يلعب معه استقمايه:d

ماشاء الله تبارك الله

بس كم كيلو المسافه من الدمام للاحساء..؟

ما شاء الله تقرير رووووووعة
الله يعطيك خيرها ويصرف عنك شرها

ربي يعطيك خيرها ويكفيك شرها واحلا تقرير قريته :cool:

ما شاء الله تبارك الرحمن

الله يعطيك خيرها ويكفيك شرها وعقبال المليون كيلوا

الله يمـد بـعمركم سنـين وسـنين !
أنت و سـيارتك

ماشاءالله تـبارك الله
طـرحك يعتبر مرجـع أي أحـد يبي يشوف تـاريخ سيارته مع Accord
يقرأ موضوعك لأنه واقع ويوصف الحقيقة

ماشاءالله تـبارك الله
طـرحك يعتبر مرجـع أي أحـد يبي يشوف تـاريخ سيارته مع Accord
يقرأ موضوعك لأنه واقع ويوصف الحقيقة
اهنيييييييك وعقبال ال400 الف واله يعطيك خيرها ويكفيك شرها يارب...:cool:

ماشاء الله تبارك الله تقرير مايحتاج الله يعطيك العافية وشكرا لك

ما شاء الله تقرير مرتب ومتعوب عليه
الله يعطيك العافيه
وبالمناسبه الاكورد من اكثر السيارات قوة من ناحية التحمل والجودة في الصنع والذي نفتقده في السيارات المنافسه لها
وكمان معانا أكورد 2003 ماشية الى هذه اللحظة ( 391.601.5 كم) وما شاء الله كل شي فيها من محركات سليم وما تتوقع ان هذي حالتها مع هذا الممشى مقارنة ببعض السيارات من جيلها

وبصراحة موضوعك يستحق الشكر

ودمتم سالمين :)

طرح رائع للموضوع والله يبارك لك فيها وعقباال النص مليون

الله يعطيكم العافيه جميعا على الردود الحلوه :rolleyes:

الي يسأل عن المسافه بين الدمام والاحساء (140 كم تقريبا )

ماشاء الله تبارك الله
والله يعطيك العافيه على التقرير المفصل

ماشاء الله تقرير اكثر من ارئع

ما شاء الله

نقرير رائع جداً

أما الشاشه كلام ثاني :rolleyes:

أهينك على تنسيقك للموضوع

تحياتي لك :)

ماشاء الله تبارك الله .. تقرير كامل والكمال لله

قريته حرف حرف واستمتعت بقرائته :)

والله يعطيك خيرها ويكفيك شرها .. بس بالنسبة للصوره اللي بالحجز .. مكتوب عباره ورى ورابط موقع صح .. شكلها فحطو فيها الحراميه .. الله لايوفقهم ان شاء الله .. اخوي كانت معاه 2003 ذهبي مامشت 10 الاف كيلو < على ايامها

انسرقت وفحطو عليها وصار لها نفس اللي صار لك .. وكلفته 15 الف ريال بعد زيك :) طبعا اللي صلحها ابو الحرامي وتنازلنا عن 5 الاف

ماشاء الله عليك :)

تقرير رائع وتنسيق مميز

يعطيك الف عافيييه يارب

يعطيك خيرها ويكفيك شرها

وعقبال مانشوف تقرير الـ 400 الف :cool:

ما شاء الله تبارك الله
تقرير عجبني

وربي يعطيك خيرها ويكفيك شرها

تم التقييم ممتاز:)

احلى تقرير يالغلى بصراحه شي طيب وممتاز
الله يخليها لك

ماشاء الله تبارك الله

تقرير ممتاز ويستاهل التثبيت ولك من عندي احلى تقييم بخمس نجووم ياغالي

وماشاء الله خط يدك حلو :d