باركولي شريت الاكووورد.......

السلام عليكم....
كيف حالكم ... باركولي شريت أكورد 2007 فل اوبشن جلد 4سلندر .....
عطوني معها ثلاث اكسسوارات كشافات وكست وجناح ... انا قلتلهم يركبون الكشافات والكست ولا يركبون الجناح قلت خلوه برا وانا بعدين اشوف يصلح ولا لا ....
طيب تنصحوني بالجناح ولا بايخ ارجو انكم تبدون رايكم لاني محتااار اركبه ولا لا....
انا دفعت قيمه السياره قبل ثلاثه اسابيع وتوها تخلص كان عندهم مشكله بالجمارك مدري وش عندهم يقولي الموظف طلعوا ارقام جمركية غلط مدري وش قال المهم الموتر خلص......
قالولي لازم تأمن السياره ضد الغيررر لان تامين الرخصة خلاص بينلغي والطريقه هذي احسن اي واحد ساق السياره وسوا حادث السياره مأمنه ضد الغير وماله دخل السواق معه تامين ولالا...:d:d
طيب صيانه الف يبيلها حجز ولالا اذا دخلتها كم بتقعد؟؟
لاني الخميس (بعد بكرا ) ابستلم السياره وابفك تمرينها بيومين لاني ابسافر عليها يوم الاحد يعني ادخلها السبت تخلص؟؟
......عاد لحد يسفط يدخل ويمشي اذا دخلت لازم ترد:mad::d:d

الف الف مبروك الله يطعمك خيرها ويكفيك شرها
بالنسبه للجناح انا ماعجبني ابد
مجرد راي
اما بالنسبه للالف تدخلها من دون حجز اكيد لكن تخلص بنفس اليوم مدري والله
ارجو اني قد افدتك
ومره ثانيه اقولك الف الف مبروك

مبرووووووووك الله يعطيك خيرها ويكفيك شرها;)

مبروك السياره اخوي يعطيك خيرها ويكفيك شرها :cool:

وبالنسبة لصيانة 1,000 كيلو تدخل بدون حجز هي وصيانة الـ 5,000 بعد

وياخذون عليك قيمة الزيت والفلتر بصيانة الألف فقط

والجناح ماافتيلك فيه احسه حسب رغبة الشخص :)

اهم شيء لاتنسى تاخذ غطاء الدرج اللي مكان الكاسيت وغطاء فتحة الكشافات اذا اخذت السيارة يمكن تحتاجهم بعدين

الله يبارك لك فيها .. ويطعمك من خيرها ..ويكفيك شرها

الجناح .. اذواق الناس تختلف .. من وجهة نظري الشخصية .. ما له داعي ..
قله ابرك .. :d .. والناس اذواق

الف الف الف الف ال مبروووووووووووووووك
يعطيك خيرها و يكفيك شرها
بس عللا ما قالوا الشباب هذي اذواق
انت و راحتك
تشاوووو

الف الف الف مبروووووووووووووك

وياخي ماوصفت لنا سيارتك اللون >>

المهم ترى الالف كيلو ماياخذون منك شي
والخمسه ياخذون منك 250 ريال تقريبا (( هالكلام في السعوديه ))

> لاني توني مطلع اكورد بس الجيل اللي قبلكم

وعالبركه وتقطعها بالعافيه (( لاتصدق وتقطعها ))

وشوي شوي عليها
بس سؤال عطوك عرض زيبارت ولى لا (( حماية المقاعد وتخفيض التظليله العازل ))

مبروك السياره اخوي يعطيك خيرها ويكفيك شرها :cool:
اما بالنسبة لصيانة الالف مايحتاج تحجز وتقريبا السياره تاخذ من ساعه الى 3 ساعات ويعتمد على حسب الفرع اذا كان مزحوم ولا لا
وتعقيبا على كلام أخوي وحبيبي حسام يووووووووووه أقصد أخطبوطي العزيز في صيانة 1000 كيلو مااخذوا مني ولا ريال لاكن في صيانة 5000 يخذون منك 200 ريال أجور التصليح من غير سعر الزيت والفلتر يعني تطلع كلها 270
اما على الجناح انا اشوفه حلو لاكن كنت ابي اركبه وفي شباب قاللولي لاتركبه لانه يطلع بايخ
وترى يعتمد على ذوق الشخص

مشكورييين على الردود وما قصرتو........ اللون لؤلؤي ....بيعطوني كوبونات زيبارات للحماية الخارجية والداخلية ببلاش وخصم على التضليل.....
ومشكورين على الردود.....

ألف مبروك الله يعطيك خيرها ويكفيك شرهانصيحة مني: أمن عليها أول ماتستمها عند شركة معروفة وسمعتها حسنة (تأمين شامل)، تأمين التعاونية أذكر يجي معه تأمين رخصة وتأمين مركبة مجاناً

مبروووووك والله ياطيك خيرها ويكفيك شرها

وعلي طاري الجناح فأنا افتكر ماله داعي لان انت عارف في لمبات الفرامل الطويله فا صعبه تحط الجناح يعني يمكن يغطي علي لمبات الفرامل<<< مجرد رأي
وبخصوص الصيانه ما عندي خبره

اما قصة التأمين فا انا انصحك خذلك تأمين شامل يعني تلقا عند سيار ولا التعاونيه <<هذولي المضمونين
يعني حرام تطلع سياره جديده وما تأمن عليها شامل ليه مالها رب ترها هوندا حالك من حالنا

والله الله بالطريق ارفق وعن السرعه الزايده ترا عندك رادرات ما يرحمون الواحد:)

وتوصل بالسلامه مع الزلااطه

مشكورين على الردود وما قصرتوا لاكن من ناحيه التامين الشامل مدري يقولون حرام لاكن الله يعين......:confused:

اقتباس:

---

المشاركة الأصلية كتبت بواسطة Honda

ألف مبروك الله يعطيك خيرها ويكفيك شرهانصيحة مني: أمن عليها أول ماتستمها عند شركة معروفة وسمعتها حسنة (تأمين شامل)، تأمين التعاونية أذكر يجي معه تأمين رخصة وتأمين مركبة مجاناً

---

اخي أبان للاسف جميع التأمين الموجود في السوق غير جائز شرعا:(> ولكن انت مجبور على تأمين السياره فقط ضد الغير وفي هذه الحاله ماراح يصيبك من الذنب شي > اما غير ذلك الشخص المؤمن هو من يتحمل الذنب.>> تحياتي:)

اقتباس:

---

المشاركة الأصلية كتبت بواسطة netro

مشكورين على الردود وما قصرتوا لاكن من ناحيه التامين الشامل مدري يقولون حرام لاكن الله يعين......:confused:

---

الله يبارك لك فيها ويحفظها لك :)
- صح عليك ان التأمين الشامل غير جائز شرعا >> وتذكر قول الرسول عليه السلام (من ترك شئ لله عوضه خير منه) .... وانا اول ماشتريت السياره كنت ناوي اسوي لها تأمين شامل لاكن يوم عرفت الحكم نسيت الفكره.

:):)ألف مبروووك:):)
الله يعطيك خيرها ويبعد عنك شرها

ومن ناحية الصيانة نفس ما قال أخوي الأخطبوط
والجناح من وجهة نظري اشوفه حلو;)

الف الف مبروك حبيبي على السياره ...
الله يعطيك من خيرها ويكفيك شرها...

بالنسبه للصيانه...حاول انك توديها الصبح عشان تخلص في نفس اليوم...

يعني على الساعه 7 الى 9 الصبح ...



بالنسبه للجناح انا مركبه والمسأله مسألت ذوق...

اذا نويت تركب الجناح لاتركبه بمسامير....ركبه بغرى(صمغ)

يصير اذا بغيت تفكه باي وقت تفكه...

وان شاء الله بانزلك كم صوره لسيارتي وانت عليك تختار...

مشكورين وماقصرتوا....... اخوي اكوردي 2004 مشكور على التعقيب السريع
والسلام عليكم

اللي أقدر أقولك على البركة
الله يعطيك خيرها ويكفيك شرها

الف مبروك ....والله يعطيك خيرها
منك المال ومنها العطا....................:d
بالنسبة للجناح من وجهة نظري ركبة لانه يعطيك خلفيه مميزه ورياضية:cool:

مبرووووووووووك
الله يعطيك خيرها ويكفيك شرها
وبصراحه الجناح مسألة ذوق زي ماقالو الشباب
انا عندي مو حلو الجناح

معليش ابطلع عن الموضوع

وش الفرق بين التأمين الشامل و التأمين ضد الغير ؟

اقتباس:

---

المشاركة الأصلية كتبت بواسطة أكورد 2008

معليش ابطلع عن الموضوع

وش الفرق بين التأمين الشامل و التأمين ضد الغير ؟

---

اخوي التامين الشامل لسيارتك يعني لو تحك بجدار لو تجيب ماصوره وتكسر الموتر يصلحونه على الضمان وسعر الضمان على حسب قيمه السياره .... واذا سويت تامين شامل يعطونك معه تامين رخصه ضد الغير او تامين سياره ضد الغير.......

تامين الرخصه ضد الغير: لاسمح الله وسويت حادث والغلط عليك 100% ماتدفع شي للي انت صقعته التامين حقك يدفعله....وحتى اذا سويت حادث بموتر خويك اذا كان معك تامين خلاص...

تامين السياره ضد الغير : نفس تامين الرخصه ضد الغير لاكن على السياره يعني اذا اسويت حادث مايصلحون سيارتك يصلحون سيارته اذا كان الغلط عليه
طبعا الفرق بين تامين السياره عن تامين الرخصه مثلا واحد عند سياره وحده وعند 15 ولد كلهم فوق 18 سنه بدال ماطلع لكل واحد تامين منهم تامن السياره ضد الغير وكل من ساقها من عياله يعتبر مامن....
واسف على الاطاله واسف على التاخير بالرد وذا كان نسيت شثي ذكرونا
والسلام عليكم

معليش تعديل على بعض الكلام>>>>>الضمان = التامين

اقتباس:

---

المشاركة الأصلية كتبت بواسطة netro

اخوي التامين الشامل لسيارتك يعني لو تحك بجدار لو تجيب ماصوره وتكسر الموتر يصلحونه على الضمان وسعر الضمان على حسب قيمه السياره .... واذا سويت تامين شامل يعطونك معه تامين رخصه ضد الغير او تامين سياره ضد الغير.......

تامين الرخصه ضد الغير: لاسمح الله وسويت حادث والغلط عليك 100% ماتدفع شي للي انت صقعته التامين حقك يدفعله....وحتى اذا سويت حادث بموتر خويك اذا كان معك تامين خلاص...

تامين السياره ضد الغير : نفس تامين الرخصه ضد الغير لاكن على السياره يعني اذا اسويت حادث مايصلحون سيارتك يصلحون سيارته اذا كان الغلط عليه
طبعا الفرق بين تامين السياره عن تامين الرخصه مثلا واحد عند سياره وحده وعند 15 ولد كلهم فوق 18 سنه بدال ماطلع لكل واحد تامين منهم تامن السياره ضد الغير وكل من ساقها من عياله يعتبر مامن....
واسف على الاطاله واسف على التاخير بالرد وذا كان نسيت شثي ذكرونا
والسلام عليكم

---

تأمين الرخصه انلغى :(!

جزاك الله كل خير

ما قصرت :)!

اللله يعطيك خيرها ويكفيك شرها
بالنسبه للجناح انا في نظري جميل جدا جدا وبخاصه من الجنب والخلف
من الجهه الخلفيه تنعكس انوار الفرامل على الجناح فيعطيك منظر ولا اجمل


مسوق اعلانات

http://www.alfakheer.com/2up/uploads/9582633203.gif
والله يعطيك خيرها ويكفيك شرها