مركز صيانة جديد في الرياض
من العايدين الفايزين
وحبيت أعايدكم بهالخبر الحلو
قبل فترة بسيطة كنت في الوكالة أغير زيت البايلوت وقال لي موظف الاستقبال (اسمه الزامل على ما أتذكر) ان فيه مركزين صيانة راح يفتحون قريبا
الأول في الرياض وراح يكون على الدائري الغربي جهة السويدي لكن الموظف ما يعرف المكان بالتحديد ولما سالته عن وقت الافتتاح المتوقع قال ما أدري لكنهم شروا أرض (او استاجروها) وحددوا الموقع ، ولما سألته : هل راح يكون مركز صيانة كامل والا بس خدمة سريعة ؟؟ برضه قال مدري :) وحتى انا مدري وش استفدت من الحوار غير أساس الخبر وهو افتتاح مركز جديد ههههه واللي عنده علم يا شباب يفيدنا الله يرحم والديكم نبي فرع يخفف على خريص !! الصيانة السريعة بس تغيير زيت ساعتين !!
الثاني يقول في الخرج بعد البرج على اليمين وانت طالع من الخرج للرياض وهو أصلا كان معرض هوندا من زمان أتذكره وكنت أمر من عنده قبل سنتين أول ما طلع البايلوت 2009 وأنواع القز وكم مرة بغيت اصدم بالأكورد سابقا :) لكن الحمدلله رزقني الله بايولت 2011 الله يتمم علي وعليكم ،،
