أفضل مقاس للكفرات سي ار في

:) تحية طيبة للجميع :

انا سيارتي سي ار في 2009 وعداده وصل 45000 والسياره ما عليها حلوه لكن تصرف بانزين مقارنة بالأكورد
الاستفسار هو :

كفراتي اللي هي بيرجستون حقت وكالتها ومقاسها ( 225 ) - ( 65 ) - ( 17 )

ودورت في القصيم لاني مقيم فيها نفس المقاس وماحصلت وجيت للرياض ولفيت الغرابي محل محل وماحصلت
غير ماركت ( ماكسس ) وهي تايوانيه وغير عمليه .
وعطوني مقاس اكبر وهو ( 235 ) هانكوك لكن قالو لي الشباب انه راح يثقل على السيارة وراح يزيد من صرفية البنزين ؟؟

الرجاء من اهل الخبرة افادتي لان الحقيقة كفراتي الاربعه عفواً للعبارة ( مرقعه ):o
وشكرا للجميع ،،،

ابوتركي
0557005444

مرحبا اخواني اعضاء الموقع المحترمين ،،،
تحية طيبة للجميع وبعد :
في الحقيقة للأسف تفاجأت انه محد رد من الاعضاء على استفساري؟؟
عموما كلامي هذا للإفادة .
اضطريت اني اسافر للكويت لظرف معين ، المهم خلصت شغلي وحبيت اروح للصناعية اللي في الكويت ( الشويخ ) لكي اغير كفراتي
ولفيت الصناعية نفس الشئ ما حصلت للاسف نفس المقاس وقالو لي ركب المقاس اللي اكبر منه تراه ما راح يفرق .
الزبدة انهم فروا مخي ولعبو علي وركبت اربعه جدد من ماركة تويو و المقاس الاكبر ( 235) (65 ) (17 ) والحقيقة حلوه وسعرهم اقل من السعودية ويفرق 70 ريال بالكفر الواحد.
لكن انا ندمان اني ركبتهم لانه ثقلت على السياره وغير كذا اسمع ونه في السياره لما امشي ما بين ( 60 الى 80 ) وبعد كذا تروح الونه.
وش رايكم اخليها او غيرها ؟
والمشكلة اني الحين بالقصيم ارجع للكويت .

حبيت اطرح مشكلتي لكي لا احد يقع فيها .
وتقبلو تحياتي ،،،
وشكرا للجيمع

مشكور ابو تركي
واسفين على الاطاله
المهم هدي مشكله بحد ذاتها
وانا واجهت نفس المشكله
بس كنت ادور على بريجيستون وكنت الاقي بس هانكوك
وفي الاخر ركبته
بعد 3 شهور تعب , ادور في جده ومكه وينبع والمدينه
وقالولي اركب اكبر شويه محا يفرق
بس انا صراحه ما اقتنعت صراحه
ومن ناحية كفراتك الله يعينك اذا لقيت احد يشتريها يكون افضل
او كمل عليها الين تنعدم وتغيرها
وسلامتك

والحمدالله ماعندنا اي مشاكل في سلطنة عمـــان
بريجستون منتشرة في كل المحافظات..
واذا مــا متوفر يعملون طلبية..

بس مستحيل اغير القياسات مهما كان..


واذا شركة بريجستون ماوفرو لك القياسات اشتكي عليهم بــ الوزارة او المؤسسة اللي تراقب القطاع الخاص او اتصل على الشركة الرسمية..