اكلت مطب قوي؟

السلام شباب انا معي اكورد 2008 ؟ هل هي تتحمل اذا اكلت مطب :(

لاني امس وانا راجع من الثمامه اكلت مطب قووووي ماكنت منتبه له على سرعه :(

يضرها ولالا وفيه احد قد اكل مطب من الاكوردات الجددد وش صار على موتره

انا احس مافيه شي بس قلت اسال ؟؟

انا اول مااشتريت السياره اكلت حفره قويه مره في البدايه ماصار شي لكن بعد كم يوم اكتشفت انه فيه تهريب زيت مكينه لما كشفوا عليها الشركه قالوا تحتاج تغير الصوفه الداخليه وبالفعل غيروها وراح التهريب هما غيروها على الضمان بس ماقلتلهم اني اكلت حفره

هذي المشكله الاولى

والمشكله الثانيه انه رحت وزنت الدركسون برضه لانه راحت وزنيته مع قوة الحفره لكن على حسابي

لكن انت ان شاء الله مايكون صار شي لانه مطب بس برضه حاول تنتبه لانه المطبات اذا اخذتها بقوه تعدم كراسي الجير والمكينه بس مو من اول مره يعني بأذن الله ماصار للسياره شي :)

هه لا ان شاء الله ما فيها شيء ..

بس انت اذا لاحظت فيه شيء بالسيارة مو طبيعي الله يعينك روح شك عليها ..

لان انا اكلت مطب ههه وتجي رجه :mad: والله يعين ان شاء الله بسوي ترصيص ..

وانتبه مرة ثانيه ..

يارجال تعوذ من ابليس إن شاء الله مايصير فيها شي

اسألني انا عن الحفر :cool:

**** الرياض :mad: !!
حسيت بمعاناتك :(
حسبي الله ونعم الوكيل في المقاول بس ( على ما أظن شركة سـدر )

أكلت لي حفرة بوسط الحارة لكن كانت ولله الحمد خفيفة ( لأن الموتر جديد تعور قلبك شوي )

إبن إللي ماني قايل متعيجز يحط لوحة وحده ع اليمين .. لوحة وححححدة بس!!

مكتوب فيها تمهّل؟ حسبي الله .. ثم حسبي الله .. ثم حسبي الله ونعم الوكيل فيهم


^^

معاناة مواطن مقهور ..

مستحيل تحصل واحد ياكل حفر بالسعوديه مثلي انا بعدين سبحان الله بعض الحفر تجيك احترافيه لدرجة ما تتوقعها وما تطلع منها الا بمصيبه واذكر اكلت حفره جامده بالطايف ولكن ما صار شيء ابدآ وانت لا توسوس خلك طبيعي اذا لاحظت شيء رح شيك عليها من اسفل ومع شوارعنا راحة البال موجوده ولا تقلق ولا تخاف لأن مافيه حفر بعيون البلديات وان الشوارع كلها على اعلى مستوى وما اقول غير يا بلادي واصلي واحنا وراكي

يآرجآل لا تشيل همم

انا امس في الصفآ اكلت حفرره لدرجه اني حسيت المسجل طلع من مكآنه هههآي

بس الحمد لله ما صآر شيء

ويارجآل ماعليك لا تشيل همم

والله من ناحية الحفر وانا اخوك كم وكم وكم وكم لدرجة اني مره سمعت صوت الحديد طااااااااااااااع
والحمد لله السيارة زي العسل وسيارتي يا بعدي 2010 لكن الله المستعان وحسبي الله على هالشوارع والمسؤولين عنها

ياخي تصدق قلبت علي المواجع

مرة من المرات ماشي 160 من خط الجنوب اثاري في مطب عنيييييييييف ماني منتبه له حسيت السيارة طااااااااارت ووقعت لكن الحمد لله جت سليمه

اتوقع انه ما تأثر كثير
لكن اذا الجنوط تجاريه , سلم عليها , اتخرب على طول
ويمكن اتخرب عليك السياره

اقتباس:

---

( لأن الموتر جديد تعور قلبك شوي )

---

اي ةالله انك صادق >_<

الحال من بعضه
ان شاء الله مافي الا الخير
الله المستعان

جاك المتخصص
طبعا انا اسوق وراسي فوق اكيد ارفع راسك انت سعودي
بس ماعليك الاكورد ياباني ياباني انا معي 2006 مادري عن موديلاتكم

ههههههههههههههههههه ماعليك ياصديقي لاتشيل هم اكلت حفر ومطبات بكل مدن المملكة لكن مالقيت احلى واكبر والذ من مطبات الرياض والحمدلله يا رب الموتر مافيه العافية :)

وعليك السلاام
يااخوي فكك من الوسوسه وربي تتعب سياارتك فيها شي حااس انها تضررت منت حااس شي لا تسال خلااص عادي
بعدي الاكورد ما شا الله قويه تتحمل
مع واحد من قرابتي اكورد 2008 اكلنا رصيفين اكل الاول على خط الخدمه ونزل واكل الي على اليمين وما شاء الله ما صار فيها اي شي بس الكفراات تفجرت لانهن 17 وقريباات من الجنط وزبطنا الكفرين ودعسنا خط ما شاء الله عليها
لا تاكل هم دام سيارتك اكووورد:cool:

و الله مرة أنا ما أجت سليمة معي ...... مرة ماشي مسرع على خريص مسرع شوي طالع منو على طريق خدمة و إذا حفرة خبط فيها الإطار اليمين و من بعدها صار المساعد يطلع صوت طقطقة..........و بعدها غيرت المساعدين الأماميات و كلفتني يلي فيه النصيب ....................الحمد الله على كل حال

انا مره كنت مسرع في شارع .. لكن قابلت مطب والشارع مدحدر لتحت والمطب على الدحدره

وتجيك ذيك الاكله الدسمه في المطب

يعني السياره حلقت في السماء ومن ثم نزلت الى الارض بسلام ولله الحمد <- حرم يمر على ذاك الشارع بتاتا البتا

هلا اخوي

ان شاء الله ما تضر

انت شكلك راجع مع الطريق الي رايح جاي سيد واحد

انا اكلت هناك المطبة البايخة وانا امشي 180 بس ما صار شيء

بس انت لا تشيل هم

انا اشوف انه نروح نبيع سياراتنا وناخذ لنا جيوب .. أحسن حل والله

ماسار شوارع سار تطعيس والمطبات المفروض يحطون لوحه قبلهآ ويكتبون ( انتبه امامك جبل شاهق ) خخخ

انا بصراحه استغرب من الي يشترون سيارات بأكثر من 150 ألف أبي افهم في اوربا مثلا

من وجهة نظري صراحه اذا الواحد بيشتري سياره سيدان لآ يزيد بأكثر من 150 ألف وذآ سياره كبيره لآ تزيد عن 200 ألف

أبي افهم لو بس يحطون نص مكاسب نضام ساهر في الشوارع ويصلحونهآ كآن بتسير شوارعنا احسن شوارع

لاكن مدري وين يودون الفلوووووووووووووس أبي أفهم .. أنا لحد الحين دافع لساهر 5200 في سنه وحده بس وكمان زي الشطار ادفع اول بأول عشان لا تدبل .. لاكن ما اقول غير حسبي الله ونعم الوكيل

اجل كيف لو تجي جده مايمر عليك يوم من غير ماتطب في حفر ومطبات وبالنسبة للرياض شرقها معدوم بالذات جهة اشبيلية وانكاس وانت رايح على الثمامة نصيحة لاتروح الا من الدائري

بعد ما تاكل المطب قل الحمد لله

حد ما طلع لك صوت ولا ضرب عليك كفر ولا حبل,ان شاء الله ما فيها الا العافية

مطب وآحد بس ؟:d

انا 2007 وأمس أكلت مطب قوي بعد بس الحمد لله لا بويه راحت ولا حاجه عندي كلبسات الصدام مكسورة من قبل ويوم أكلت المطب بس طلع الصدام ورجعته ولا كأن صار شي

اوووه انا اكلت احسن 3 مطبات ورا بعض بمسافات قريبه وانا ماشي 160 تقريبا ..
من يومها السيدي خربان يشتغل يوم وشهور مايشتغل له الحين سنه
بس الحمد لله الامور زينه بدون سيديات

والله لو تشوف الحفر اللي عند الحرس الوطني بجده بالقرب من بني مالك

حفر تصريف سيول ومشيولة الاغطيه يعني لو طحت فيها دق علي اجي اسحببك :d

خلها على ربك بسس

والله قريت المووضوع ثم بعد مدة والله ثم والله
اكلت مطب قووووي مررررره في شارع الخياطين عندنا في السويدي ع ال80 الله يستر بس لا يجي الموتر شي