حادثي أكورد ( صوره ) + استفسار !!

سلام عليكم


ياأخوان انا اليوم جاني حادث والحمد لله جت سليمه
لكن ودي اعرف السياره كم بتكلفني في الوكاله او في ورشه
علما ان اللي لازم يتصلح في السياره :-


1- شبك جديد
2- سمكرة كبوت
3- تثبيت الحامي اللي داخل الكبوت لان طرفه طلع من المثبتات
4- الاصطب الايمن طلع من محله شوي ويبي له تعديل والحمد لله ماانكسر
--------------------------------

الصدام والرفرف سليمين ماراح اغيرهم او اسمكرهم


وهذي صورة السياره

http://www.up.up-alswalf.com//upload...d3f98d8dde.jpg

وأبغى أعرف أفضل ورشه في الرياض شغلهم حلو وسعرهم مقبول

الحمدلله على السلامه ان شاء الله الشباب يفيدونك

الحمدالله على السلامة
ما انصحك تسمكر الكبوت
غيره جديد افضل

الحمدالله على السلامه

وماتشوف شررر

الحمدلله على سلامتك وما تشوف شر ان شاء الله
انا سبق وحصل لي نفس حادثك بالضبط وكلفني الاصلاح 3000 ريال في الوكالة شامل قطع الغيار وشغل اليد, والكبوت سمكرته ورجع تمام والحمدلله

الحمد الله على السلامه في الحديد ولا فيك

الله يسلمكم ياشباب
انا لقيت ورشه في صناعية العاصمة عماله فلبينيه ارتحت لهم
شغل اليد بيكلف 800 ريال غير الشبك اللي بشتريه
هل المبلغ معقول ؟!
والشبك هل فيه فرق بين تجاري واصلي ؟!

-------------------------------------

طبعا انا لقيت عماله يمنيه قال بزينها لك بـ 400 !!! مع رش وكل شي
بس مابي ابو يمن

[QUOTE=تألمت بس تعلمت;480342]الله يسلمكم ياشباب
انا لقيت ورشه في صناعية العاصمة عماله فلبينيه ارتحت لهم
شغل اليد بيكلف 800 ريال غير الشبك اللي بشتريه
هل المبلغ معقول ؟!
والشبك هل فيه فرق بين تجاري واصلي ؟!


الورشه الي تقصدها
الي فيها لوحه مكتوب فيها هوندا
:d<< مسوي قافط
ومن ناحية الشبك ماعندي معلومه بس ماتفرق عندي


والحمدلله انك سالم والحديد يتصلح ان شاء الله
واخر الاحزان ان شاء الله:o

اقتباس:

---

الورشه الي تقصدها
الي فيها لوحه مكتوب فيها هوندا

---

لا الورشه في الشارع اللي مقابل لها :d
رحت للورشه اللي مكتوب عليها هوندا ولالقيت عندهم ولا سياره
داجين
بس يااخوان ابي رد سريع شغل ابو فلبن حلو في الرش ؟

اولاً لحمد لله على سلامتك حبيبي في الحديد ولا فيك
الكبوت اذا لقيت ورشة تعدله مثل الوكالة صلحه بالكثير 400 اذا مثل الوكاله طبعاً
وانا افضل انك تغيره لانة الكبووت المونيوم مهو بحديد يعني نادراً ما يعدلونه زيين
اما الشبك خذلك شبك زينة احلى وارخص
وبالتوفيق

الحمدلله على السلامه وماتشوف شر

الحمد لله على سلامتك وما تشوف شر <<صادم راعي فورد صح
ياليت الشباب افادوك

متشوف شر وطهور انشالله
اهم شي تصلحها عند واحد مجرب من قبل ولاتغامر :cool:

الحمد لله على السلامه
الشبك لو تجيبه زينه أحسن منها تغير وشكل
أما الكبوت أهم شيء إلى يسويلك هوا تكون وزنيته مثل الوكاله وكمان سمكرته مثل الوكاله علشان ما تتعب بعدين فيه خاصه في السفر

الحمد الله على سلامتكـ يا الغالي

بالنسبة للكبوت نصيحة انكـ تغيره

وبالنسبة للشبكـ اذا بتركب تجاري يمكن صح مايكون فرق بالشكل بس علامة هوندا مع الوقت بتتمسح

معوض خير يا الغالي

الحمدلله على سلامتك اخوي

بالنسبه للشبك احسن لك خذ تجاري بـ 180 والله نفس حق الوكاله بالضبط مايختلف بينما سعره بالوكاله بـ 1500 مع نيكل


والكبوت اشتر جديد احسن لك قيمته بـ 1009 ريآل ورح لورشه تضمن شغلهم حلو بالرش

واحمد ربك ان الشمعه مانكسررت ولاكان تكلفك 743 ريال


وان شاءالله اخر الاحزان اخوي

الحمد لله على السلامه وانا اخوك

اخوي سؤال بسيط بس اسمح لي :d

انت ساكن بالسويدي عند جامع الراجحي ؟؟

لاني شايف نفس سيارتك بالضبط و نفس صدمتها

الحمدلله على السلامه


سؤال انت صدمت فورد ؟؟؟


وفيه ورشة بالرياض معروفه اسمها ورشة الوفاء شغلهم لا يعلى عليه

أخوي دور الزين حتى لو كان غالي
لأنك ما تبيه السمكره تكون واضحه ولا يوضح انك راش بويه

شف هذي صوره الحادث موحادث بعد بس دقشه بسيطه
كلفتني 700 ريال بس رش كبوت كامل
وديته لاكثر من 5 ورش كلهم قالو رش كامل
وعندي الشبك بس انشعر ومو واضح
بس رحت وشريت التجاري الي شكله احلا بـ300
من شارع الملك سعود


http://www.m5zn.com/uploads/2010/12/...6tyvx4147z.jpg

وهذي الصوره بعد التصليح و الشبك التجاري ..


http://www.m5zn.com/uploads/2010/12/...rmr2m65tci.jpg


دور الزين حتى لو كان غالي

حمد لله على سلامتك وماتشوف شر

الحمدلله على سلامتك

وطهور باذن الله