وفر 20 ريال واخسر مقابلها اكثر من 1500 ريال .. وفر 50 ريال واخسر مقابلها القير !!

السلام عليكم ورحمه الله وبركاته

اسعد الله اوقاتكم بكل خير

فيه مواضيع يعاني فيه اكثر الشباب وللاسف الحل بيدهم بس مو منتبهين له وممكن ينصحون بعض بالخساره ولا يدري عن النصيحه هذي ونتائجها


طبعا عنوان الموضوع ملخص كل السالفه وهي كالتالي :

تغيير زيت المكينه عند اي ورشه ولا تعرف
هل الزيت اصلي ؟؟ ممكن نعم وممكن لا
هل الفلتر اصلي .؟ على الاغلب لا
تركيب الصره صحيح ؟ ممكن يعدم لك المكان بكثر الشد
مستوى الزيت هو الصح ؟ ممكن يزيد ويعدم الصوف .. وممكن ينقص ويضر المكينه على المدى البعيد

........................
تشييك على السوائل واهمها زيت الدركسون
تعبيه زيت الدركسون بزيت غير هوندا الاصلي وعلى الاغلب يحط لك اي سي ديلكو ويقولك كل السيارات الامريكيه القديمه قبل الجديده تحطه ولا شافت الا العافيه

وسبب نص مواضيع المنتدى ان الرجال غير الزيت وشاف زيت الدركسون ناقص ونصحه ... وفجأه
الحقووووني طرمبه الزيت بنت الـ...... :d خربت
هوندا والغباء ما تعرف تصنع طرمبه زيت دركسون
و و و و ... طبعا ماننكر انها ممكن تكون فيه مشكله لكن غيرنا مشى بسيارته 300 الف وزي اللوز بس محافظ على زيت هوندا الاصلي مع تشييك بوقته عليها


تغيير زيت القير عند ورشه

هل الزيت اصلي ؟ ممكن لا وعلى الاغلب يحط لك اي سي ديلكو ويعدم لك ام القير

هوندا بالذات ما ينفع لها الا زيت هوندا الاصلي المخصص لقيرها بشهاده مختصين بهالمجال والمحافظه على تغيير الزيت بوقته كل 40 الف كيلو
ويفضل تغيير الفلتر على الاقل كل 80 الف كيلو عشان ينقي الزيت من الشوائب كما هو الحال مع باقي السيارات

طبعا بعض الشباب يقول الوكاله نصابين والبنشري ارخص و و و

وبعضهم يقول مركز فلان وعلان مختص ويفحص السياره من والى عشان عندهم كم فلبيني وكل الحكايه
بنوع السوائل اللي تضاف ومقياسها وليست بالوكاله ولا بعمال الوكاله

وهذا رابط موضوع فلتر القير كنت كاتبه قبل
سعر الفلتر الخارجي للاكورد 03/ 07 مع الصيانه الدوريه
طبعا من حرصي على الكل قبل حرصي على سيارتي وفكره كتابه الموضوع اني قبل يومين كنت اعبي بنزين وجاء واحد معه اكورد 2003 على طول على حق الزيت وهات واحد علبه زيت دركسون على طووول الـ ... حق المحطه ماعنده نصيحه بالحياه الا اي سي ديلكو .. طبعا لحقت عليه وكلمته ونصحته باللي قلته لكم فوق وقلت لااااازم اكتب هالكلام لاخواني بالمنتدى

ان اصبت فمن الله وان اخطأت فمن نفسي والشيطان

دعوه صااادقه بظهر الغيب تكفيني

اخوك .. سلطان

موضوع في غاية الاهميه يعطيك العافيه اخي الكريم سلطان :cool:

وبالفعل كثير منا تقع لهم هذي المشاكل بسبب الاهمال !

وانا الحمدلله ما اغير الزيت والامور هذي الا عند شخص موثوق

بالتوفيق للجميع :)

كلام جمييل جدا و مهم

اغلب الناس تقول والله اوفر فلوسي و احطها عند الورشة الفلانية بدال ما احطها بالوكاله عشان الورش ارخص

و نسي ان اهم شي شغل اليد و جودة الشغل دائما ما تكون عند الوكاله

ولا القطعه الفلانية بمحل قطع رخيييصة و احسن من الوكاله و نسي ان قطعة الوكاله يمكن تعيشك 5 سنين قدام احسن من محلات القطع تعيش سنة بس !!

في حركة انا دائما اعملها عند تغير زيت المكينة اني بغد ما اعيرها احاول اني ما امشيها كثير و اخليها واقفة على ىالاقل كم ساعه الى يوم و بعدها اتأكد من المعيار و اشوف تحت السيارة فقط للتأكد من الشغل :)


العوافي ع الموضوع :cool:

بارك الله فيك وجزاك الله خير

موضوع تنبيهي يستحق التثبيت حتى اشعار آخر :)

وفعلآ هذا الكلام الصحيح

اعرف واحد للأسف بدأ عنده خراب ليات الدركسون بسبب ان اخوه اخذ السيارة وبدل الزيت ويقول ان البنشري حط زيت اي سي ديلكو للدركسون وجاااااااب العيد :d لكن زين مشت على الضمان

يا ساتر ...

الله يجزاك خير ماقصرت والله ..

انا والله ناوي صيانات القير كلها عند الوكاله بس بسألكم سؤال سريع ...

انا سمعت ان الوكاله مايغيرون فلتر القير الا مع التوضيب صدق هالكلام ؟!

تسلم سلطان على النصيحه

و فعلا ناس كثير تعبو بسبب تغير الزيوت و انا من ضمنهم

الله يعطيك العآفيهِ موضوع رآئعِ ،
والحمدالله من آخذت سيآرتيُ الزيت مآغيرته برى الوكآلـه :)

الله يجزيك 100000خير على النصائح الذهبيه
ولو كل واحد فينا عمل بهذي النصائح كان ما شفت 80 %من المواضيع في قسم الصيانه
بارك الله فيك اخوي سلطان
عجبني عنوان الموضوع :d

جزاك الله خير وما قصرت ..
.
.
لكن عندي سؤال بسيط ..
بالنسبة لزيت القير

غيرته يوم 60 ألف بـ( أي سي دلكو )
وغيرته يوم 100 ألف بنفس الزيت
ويوم 140 ألف بنفس الزيت ..
وماغيرت فلتر القير إلى الآن ..
.
ولله الحمد السيارة ماشية الآن تقريباً 150 ألف ما أشتكيت من القير أبد ولاتغير علي ..
.
.

وش رأيك بالموضوع
أستمر على الزيت نفسه ولا أرجع لزيت هوندا !!

لاهنت

اقتباس:

---

المشاركة الأصلية كتبت بواسطة bЯộǾk ❤

يا ساتر ...

الله يجزاك خير ماقصرت والله ..

انا والله ناوي صيانات القير كلها عند الوكاله بس بسألكم سؤال سريع ...

انا سمعت ان الوكاله مايغيرون فلتر القير الا مع التوضيب صدق هالكلام ؟!

---

اخوي انا ماني متاكد 100 بالميه من المعلومه
بس اعتقد انه يوجد فلتر خارجي وداخلي والخارجي يغيرونه لك والداخلي لازم مع توظيت

يعطيك العافيه على الموضوع الرائع
بالنسبه لزيت القير أنا ما أغيره إلا في الوكاله من أول ما جتني السياره من أمريكا
وزيت الدركسون أخذ علبه معي أشتريها من الوكاله وأخليها معي لو نقصت أزيدها
ويا ليت الشباب يتعلون إن الوكاله شيء مهم في حاجات معينه في السياره ومو أي واحد يسويها

فعلآ موضوع لازم نهتم به .

يعطيك الف عافيه على التنبيه http://www9.0zz0.com/2010/12/21/09/887891115.gif

اقتباس:

---

المشاركة الأصلية كتبت بواسطة mr.goldy

اخوي انا ماني متاكد 100 بالميه من المعلومه
بس اعتقد انه يوجد فلتر خارجي وداخلي والخارجي يغيرونه لك والداخلي لازم مع توظيت

---

انا برضو اتوقع زي كذا .. ان الفلتر الداخلي مايتغير الا مع التوضيب والفلتر الخارجي هو اللي يتغير

بس نبي اي واحد قد غير عند الوكاله ويعطينا كلام اكيد

اقتباس:

---

لكن عندي سؤال بسيط ..
بالنسبة لزيت القير

غيرته يوم 60 ألف بـ( أي سي دلكو )
وغيرته يوم 100 ألف بنفس الزيت
ويوم 140 ألف بنفس الزيت ..
وماغيرت فلتر القير إلى الآن ..
.
ولله الحمد السيارة ماشية الآن تقريباً 150 ألف ما أشتكيت من القير أبد ولاتغير علي ..
.
.

وش رأيك بالموضوع
أستمر على الزيت نفسه ولا أرجع لزيت هوندا !!

لاهنت

---

الموضوع صار لاحد الشباب ماشيه سيارته فوق 150 الف ولا غير الزيت ولا مره وماشيه زي الحلاوه

فجاه غير الزيت من لقافته والقير بدا يطلع اصوات وحنه :d لان الزيت متعود على لزوجه ثقيله من فتره طويله وفجاه غيره للزوجه خفيفه لان الزيت جديد عليه

فممكن اذا حبيت تغير لزيت هوندا تتبع طريقه تغيير علبه كل فتره وتمشي عليها
وبعدين فتره وتغير علبه ثانيه
ويعدين تغير العلبه الثالثه عشان يكون اخذ على زيت هوندا على فترات ولا تغير عليه فجاه

ان شاء الله هذي الطريقه الاسلم للانتقال من زيت اي سي ديلكو الى هوندا

حطيت رابط بالموضوع فوق لتغيير زيت القير والفلتر بالوكاله بس الناس ماتقرا كويس :d

حيح كلامك ولاكن
فية ناس محافظة على سيارتها وتطلع لها مشاكل
مثلا انا محافظ على زين هوندا وفي الوكالة
من فترة انفجر عندي هوز الباور
وسويت له تبديل ب 1000 وشوي
ومن فترة بسيطة طرمبة الباور
وسويت لها اصلاح ب 250
وقال لي الفني لاتستغرب بكرة يطلع لك مكان ثاني
قلت له ليش
قال لي لانة الحين انت بدلت الهوز الباور وكان الهوز ضعيف ونفجر
ولما صلحته وصار قوي طرمبه الباور كانت ضعيفة وخربت عليك لانك صلحت الهوز
والحين انت عندك الهوز والطرمبة قوية
حط بالك يمكن يخرب عندك نسيت اسمها قال لي شيئ اسفل السيارة اعتقد اسمها علبة الباور
يقول لانه هذا هي دورة الزيت تمر في 3 مراحل
طرمبه علبة باور اهواز
والضعيف بيخرب

يعطيك العافيه أخوووي
وصدقت والله الوكاله أغلى لكن ما في احسن منها
أنا بنسبه لي أشتري الزيت من الوكاله وأغيره عند بنشري
سواء زيت مكينه أو زيت قير.

جزاك الله خير

وما قصرت :cool:

جزآك اللـه الف خيـر

والله الوكآله صح انه غآليه او فرق عن البنشري بس اظمن وراح تلاحظ الفرق بعد كم سنه

وهذآ شيء وآضح وعن تجربـه

فـ الوكآله مرره ولازم كل 10 الاف تكون عندهم اذا تبي تحافظ على السيآره وتعيش معآك

وجزآك الله الف خير اخوي سلطان على الموضوع
والله يجعلها في موازين حسانتك

تسلم لي أناملك يا المسافر

وياكثر المواضيع يلي تنزل بخصوص علبة الدركسون

وزيت الاي سي ديلكو فقط للسيارات الامريكية ولكن هوندا لابد من الزيت الاصلي تبعها

وياليت الموضوع يتثبت ويرسل لكل عضو على الخاص عشان يعرف العضو أغلب ما يضر السيارة وخصوصاً زيت علبة الدركسون يلي الكل يشتكي منه

وسلامتك ،،،

^^^^
اتمنى بس اللي يقرون الموضوع يستفيدون

زي موضوع غسيل البخار الناس قرت الموضوع وبعد فتره يحط رد انه صابته نفس المشكله !! عجيب :d

الف شكر لك ياسلطان
وبيض الله وجهك ع الموضوع المهم

مشكور عالموضوع الهام يا غالي وأنا أفضل أغير هالشغلات في الوكالة خصوصا إن سعرها قريب جدا من الورش الخارجية خصوصا تغيير الزيوت وشغل أنظف..

انا لاحظت اغلب مواضيع تغيير الزيت في محطات غير الوكالة كانت سببها التوفير, ولما تشوف الفرق كان جدا ً بسيط ومااعتقد يسمى بالتوفير (فقط على المدى البعيد!).

ومع الآسف كثير من المحطات تحصل شخص جديد يتعلم على سيارتك ويلعب فيها ويقول عطني 40 ريال << وانت مو مصدق وفرحان على السعر, وآخرتها توضيب قير ولا محرك!.

ولاحظت السبب من إلي يغيير الزيت خارج الوكالة هو عدم الحصول على وقت كافي وبسبب إنشغاله, طيب انا اقولها لك خذ لك زيت هوندا الأصلي من الوكالة وفلاتر وزيت قير وغيره عند ورشة محترمه او غيره انت!, لأن الشغله ماتحتاج إلى ميكانيكي او مهندس مجرد تغيير زيت!.


أشكرك سلطان على التنبيه وتستاهل التثبيت.

يعطيك العافيه على النصائح المفيده

جزاك الله آلف خير على نصيحتك وربنآ يرفع منزلتك دنيآ وآخرة ..

جزاك الله الف خير ياسلطان على التنبيه المهم ....

مشكووووور ع النصائح

ماقصرت والله

جزاك الله خير ياسلطان ..

نصائح قيمه بصراحه .. وبالنسبه لي أنا ما أعرف الصيانه الدوريه مثل ماتعرفون من شريت سيارتي الحمد لله .. لكن سالفة الزيوت والسوائل والقطع الاستهلاكيه عموما مستحيل اغيرها الا في الوكاله أو اني اشتريها واغيرها برى اذا كنت مشغول ’

:)

^^^
هذا الكلام الصحيح حتى بعض الناس ماعنده خلفيه كم تاخذ لتر زيت ولا متى تغير الزيت

مجرد يسمع كلام البناشر وخلاص :d

جزاك الله الف خيررر مشكووور وما قصرررت

^^^^^
العفو ماسوينا الا الواجب

كلامك كله صحيح اخوي المسافر المشكلة كلها في البناشر

فيه واحد ما ادري هل هو عضو هنا في المنتدى او لا معه اكورد ونسى الفني يعبي له الزيت ما فيه احد ما يخطيء في الوكالة والزبون طلع بالسيارة وهو شايف اشارة الزيت على الطبلون وظل ماشي فيها وجيمت المكينة وانتهت ومسكت اجزائها ورجعها على سطحة للوكالة وغيروا له بلوك كامل مع كامل اجزاءه وعلى حساب الوكالة يعني مهما صار فيه تحمل لكن الورش مافيها السياسة هذه ابدا

وفي هوندا مقياس الزيت له معيار مختلف عن باقي السيارات وطريقة قياس مختلفة

وايضا وايضا وزن البلوف مختلف عن باقي السيارات لانك تقيس الزيت والسيارة باردة تماما ولها معايير خاصة وايضا قفل الصرة لها وزنية معينة ومدربين عليها

الورش ما تعرف الشي هذا ابدا

يعطيك الف عافيه اخوي بلال
معلومات اضافيه قيمه جدا

يعطيك الف عافيه على التوضيح

مع العلم اني ما اعرف الا قطع غيار الوكالة عبدالله هاشم

حتى الوزعين ما عاد اثق فيهم

بالفعل مادفعت مبلغ وقدره على السيارة الا واكيد اني لازم اهتم بباقي التفاصيل والف شكر على الموضوع

يعطيك العافيه وماقصرت والله نصيحتك في محلها وتوعي بعض الاخوان عند استخدام الزيوت الرخيصه والتقليديه وما تسبب من مشاكل في السياره

يعطيك العافيه اخي الكريم سلطان

والموضوع توب التوب..

يعطيك العافية على الموضوع المهم

والله اكثر حاجة متخوف منها الزيت

سيارتي ماشية 24.800 قريب بدخلها الصيانة

ومتخوف من هرجة زيت القير لاني ماعمري غيرته من اول ماطلعت السياره للان

2007 سيارتي

:)

اما هرجة الزيوت انا كل تشيكاتي في الوكاله زيت زيت هوندا

بس مره وحدة غيرت بره الوكاله والزيت زيت هوندا مع السيفون فقط

اما زيوت اي سي ديلكو والاشياء هدي ماعمري استخدمتها

جزاااااااااك الله خير الجزاء ويعطيك العافيه يالغالي

وبصراحه ماقصرت في اطروحاتك يامسافر ولا سلطان كما يحب لك

وتقبل مرووووري على طرحك الجميل والرائع ...

الله يعافيك ويخليك