ليش كدا يا عبدالله هاشم

السلام عليكم كيفكم حبايبي انا عندي اكورد 2011 ماشيه الفين وجا واحد خبطني من ورا
المهم السياره تامين والتصليح في الوكاله السياره بس يبغالها تغيير صادم وبس تعرفو متى قالو يخلصوها بعد شهر ليش يقولك كدا عندنا ضغط !!!!

بما انها على التأمين فشي طبيغي راح يمحطوك بالشهر والشهرين لأنك راح تصف في الدور زيك زي غيرك

لكن لو كانت على حسابك ماعتقد تاخذ كل هذا الوقت

بس لأنها تأمين تاخذ وقتها خصوصا انه الأوراق حقت التصليح والموافقه من شركة التأمين تاخذ وقت طويل وبعد كذا يسير يبدأون يحطونك في الدور وشوف متى يجي دور سيارتك

والله أنا نفس الكلام قالو لي شهر ,
بس شفلك واحد من المهندسين أعطيه 100 ولا 200 ريال ويحطك قبل الكل ..

عادي جدا بين مسخره التامين وقله حياء الوكالة :mad:

والضحيه المتضرر صاحب السيارة :(

الله يكون بعونكـ ويسر اموركـ يارب

اميييييييين تسلمولي على ردودكم
بيني وبينكم انا كنت مستعجل على السياره بس دحين مع السيول والطرق حقت جده المكسره خليها عندهم ههههههههههههه