عرض للطباعة
السلام عليكم ورحمة الله ..
يااخوان امس جا مطر على جدة وسيارتي ماحركتها وجيت اليوم الثاني لقيت المراتب ممتلئه مويه وتراب وفتحت الكبوت لقيت المكينة ناشفة بس فيه شوية مويه لعى الاسلاك الباقيه ..طبعا البطارية ضربت .. والريموت حق الباب مايستجيب
السؤال " اشتري لها بطارية واشغلها ولا اسحبها للميكانيكي علما ان المكينة نظيفة مافيها مويه بس الاسلاك اللي حولها ..
وعليكم السلام ورحمة الله وبركاته
اول الحلول طال عمرك اذا البطارية مافيها شي حوال تشحنها عند كهربائي وجرب كم يوم لأنها اذا مافيها شي راح يشحنها الدينمو وامورك راح تمشي تمام بدون مشاكل واذا حسيت بعدها بمشاكل بسبب البطارية بدلها
حاول تخلي السيارة تنشف مضبوط
البطارية ميتة يعني مالي الا جديدة .. بس اهم شي اخليها تنشف يومين وبعدها اشغلها ولا كيف ؟؟
خلها يومين في الشمس طبعآ واذا عندكم مكان داخل البيت خلها تتهوى مضبوط
وقبل التشغيل طبق التالي مثل المذكور في الموضوع التالي
http://www.hondaarabia.com/club/t44865/
بيض الله وجهك .. اليوم سحبت السيارة بسطحة للميكانيكي ونزلت منها ماء كثير من تحت السيارة من ماصورة الشكمان ..
اليوم رحت للميكانيكي وشحنت البطارية وجيت اشغلها اشتغل الطبلون بس تنتع ماتشتغل مادري وش السبب ؟؟
شيك على فلتر الهوا وغيره وشيك على قربة الفلتر الموجوده ورى الصدام اسفل الشمعه اليسار
يمكن مليانه مويه وتمنع الهوا من الوصول الى المكينة
واترك السياره يومين في الشمس قبل تحاول تشغيلها
الله يعينك حبيبي
انصح طلع البواجي براا وشغل السياره لين تطلع المويه كلها من البواجي وتنشف بعدين شغل ...
خوي شغل ومع ضغط المويه انعوجت البلوف وانعدمت عنده ولا رضيت تشتغل ..
هو مامن شامل راح قدم على تعويض من الدفاع المدني ... مكانهم في حي الشرفيه
انا نفس الشي
بس السيارة تشتغل لكن الشمعة اليمين على طول شغاله ولمكبة الاير باق شغااااله
والابواب اليمين ما تفتح والريموت ما يشتغل
الحل يا شباب؟؟؟
اليوم رحت الميكانيكي ولقيت الكمبيوتر كله ماء وتراب ونظفه وقال لي لو مااشتغل اشتر واحد جديد :( وش تنصحوني فيه والله اني ببيعها
كان الله في عونكم يااهل جده والله يعوضكم خيرا
الله يساعدك:(
الله كريم وان شاء الله بروح التشليح باخذ واحد ب 2300 ريال .. وحسبي الله ونعم الوكيل في الخونة
اقتباس:
المشاركة الأصلية كتبت بواسطة maa2301
أول الحلول :
1- نشف ونظف علبة الفيوز الخارجية وشيل الفيوزات وتأكد منها وبعدين رجعها
2- بعد كذا افصل البطارية 6 ساعات او 8 ساعات وجرب اذا مازالت المشكلة الله العالم يمكن تحتاج برمجة بالوكالة
اقتباس:
المشاركة الأصلية كتبت بواسطة mmm800
دام الماء وصل للكمبيوتر فهذه مشكلة يعاني منها الكثير من احداث جدة والغرق السنة الماضية
مثل ماذكرت انت خذه من التشليح والله يعينك ويعوضك عن خسايرك
لا حول ولا قوة إلا بالله بالفعل كارثة جدة سببت أضرار جسيمة وكبيرة
ومن رأي مصيبة غيره هانت عليه مصائبه
أخي الكريم أنصحك بالتريث وعدم التسرع في اصلاح السيارة ولا تتسرع في بيعها
إن شاء الله المشكلة بسيطة
إذا كان منسوب المياه اللي كانت فيه السيارة أكثر من ثلثي الأبواب فأنا أنصحك بفك قربة الهواء الموجودة بالصدام وتفريغها من الماء فبلا شك فهي ممتلئة بالماء بل وغسلها بماء نظيف وخضها وانزال الماء الموجود بداخلها
بالنسبة للكمبيوتر ربي يعوض عليك فالأفضل تغييره إذا لم يفلح تنظيفه
ضع السيارة في مكان مأمون وأفتح النوافذ عدة أيام وتحت أشعة الشمس مباشرة حتى تنشف المياخ التي غمرت أسلاك المقصورة الداخلية للسيارة
وإن شاء الله الشباب بيفيدونك أكثر وأكثر وربي يعوض عليك وعلى كل اللذين لحقهم الضرر في كارثة أمطار جدة
اسمعني انا من سكان حي السامر واخويه كان متكي عند واحد من اخوياه بالتوفيق وقت المطر ما قدر يطلع لين السياره شربت من المويه لين قالت امين المهم الدفاع المدني طلبوا منه اربع صور لداخليه السياره مع العلم ان المويه وصلت لين دركسون الاوريون فإن شاء الله بعلمك وش يصير معاه عشان يعوضونك الدوله بدل ما تصلح سيارتك على حسك فيه احد قلهم ما يسوون تصريف زي البشر
مشكورين يااخوان على وقفتكم معاي ..
اخوي Accord F15 وين اقدم فيه ؟؟ عطني خبر .. مع اني مااعتقد ان فيه تعويض ..
عدنا...
اسمعني يا طويل العمر صور سيارتك من كل مكان وصور الداخليه وهي غرقانه بنفس وضعها وصور لوحات السياره بكميرا عاديه او صور بالجوال وودي الصور عند محلات التصوير يطلعها لك كأنها مصوره بكميرا عاديه وروح للجنه حقت حصر الاضرار موقعها طبعآ بشارع فلسطين عند (دله) وعلى ما اعتقد وحسب اللي فهمته انهم يعرضون السياره على شيخ الورش وهو يقدرها بعد الفحص في ثلاث ورش مختلفه وان شاء الله حقك ماهو ضايع بس انت اجتهد والباقي على ربك والله ييسرلك
بقدملك نصيحه وان شاء الله الباقين يستفيدو
اي واحد سيارته غرقت لاسمح الله لازم يتاكد من 3 اشياء /
1- الكمبيوتر ( يتاكد ان المويه ما وصلته وانه نظيف وناشف )
2- الشكمان ( لازم يفرغ الشكمان من المويا تماما عند اي مح شكمانات )
3- اذا المويا طلعت فوق الكبوت لازم يغير البواجي وينظفها من جوا .
اذا 3 هذه سليمه راح تشتغل السياره اذا اشتغلت خلها خمس دقايق وطفيها ثاني
وابدا نظف الفلتر والبوابه ( الثروتل ) وعلبة الفيوزات وتتاكد ان مافي عوالق في البكرات بعد كذا علي محل التلميع خخخخ
الله يكون في عون الجميع
مشكوور اخوي ميمو .. بتأكد منها ان شاء الله بس الكمبيوتر راااااااح انحرق وابي اسأل الاخوان اللي في الرياض عن تشليح الاختصاص وش رايكم فيه انا اخذت منه كمبيوتر اكورد 2004 ب 1500 ريال وعندنا بجدة ينباع تشليح ب 2800 ريال وش رايكم هل التشليح موثوق فيه وهل كل الكمبيوترات حق الاكورادات زي بعض ؟؟
التشاليح عندنا كلها زي بعض
اهم شي انك تعاين القطعه بعينك قبل ماتاخذها ويفكها من سياره قدامك
واحرص انك تاخذ كمبيوتر نفس موديل سيارتك ونفس الفئة
والله يعوض عليك
ياعمي ليش تبغى تكلف على نفسك روح زي ما قلتلك ويبدلون لك كل شيء تالف جديد وكاله وبعدين ما انصحك بكمبيوتر من التشليح والامر راجع لك انا حاب اساعدك
والله وانا اخوك اني متعطل لي 5 ايام .. والتعويض ماني معتمد عليه ..