صوت حيّر العلماء وفلاطحة المهندسين ..وش السواة افزعوو لي

السلام عليكم ورحمة الله

جمعه مباركه على الجميع



بقول لكم وش لون طلع هالصوت الغريب

إلي اختلف فيه اكثر الفلاسفه وفلاطحة الشعر فمنهم من تفلسف ...

ومنهم قال يفيدونك الشباب :p

المهم ياجماعة الربع إني طلعت الرياض يوم من ايام الأسبوع ولازم ارجع بنفس اليوم

وصلت الرياض وخلصت اموري وخذيت شغلاتي وطلعت من الرياض وزحمة الرياض

تسعـه :eek:

ياولد وش السواه انا ما احب اسرع وقاعد اكلم نفسي اسرع وإلا خير من لا تصل
المهم نفسي لأني صديقها ومحد صديقي بالخط ماصديقي إلا انا :d

قلت ياولد مالك إلا تدز

وبسم الله ... و 11:30 انا بالجبيل :eek:

زعلت من نفسي وبديت اقول افرض وافرض

<<<<بعد ايش يالحبيب :mad:


اليوم الثاني شغلت السياره الصباح دوام :d..

وبسم الله وانا ماشي كويس كلووه

بدا صوت يطلع بعد 80

ركزووو معي الله يرحم والديكم ..

الصوت ذا تحس إنه غرشة صحه ناشبه بالمكينه وتطلع هالصوت وإلا بالشكمان ما ادري ما ادري


كذا تمسع صوت حنه بعد 80 وتحس السياره صارت اثقل شوي :(

مع العلم إن كل زيوتي سليمـه

قالوا الشباب يمكن من زيت القير

قلت طيب :(

رحت عند ورشة السعاده وبإذن الله آخر مره اروح لهم

لأن هذا اقبال صار شايف نفسه وماغير يصفط علي وانا اترجاه يسمع المشكله وهو يخربط بالتلفون وإلا فاك قير ومعه اثنين من اخوياه وتحس إن القير يقول فك وافك :(


المهم يالله سمع المشكله قلت له شيك على زيت القير

قال سليم ..قلت والصوت :(

قال يمكن مويه يجي مع زيت :eek:

خير يبوووي

يقول مع مطر وكذا قلت السياره مادخلت مويه جامده ولا شي


عاد هالصوت يطلع للحين

كذا بحاول اشرح لكم مره ثانيه

يعني بعد ما امشي بعد 80
يطلع كذا

ننننننننننننننننننننننن <<<<< :(

ببدى بالحلول من الصغير للكبير بنظف الفلتر والثروتل بدي

وبغسل المكينه وبغسل السياره من تحت ..

وبشووف عاد

عاد انتم الحين يا اعظاء هوندا الموقرين ما قد احد مرت عليه المشكله وضبطت معه

علما إن هوندا هي السياره الوحيده بالكرة الأرضيه إلي تخرب وتصلح من حالها

يعني امس تسمع صوت قوي اليوم الثاني يختفي هالصوت


تكنولوجيا تكنولوجيا :d

قصه رائعه
من طولها ماعرفت المشكله لو اختصرت

ياخي المشكله واضحه الصوت نننننننننننننننننننننننننننننننننننننننننننننننننن ننننننننننننننننننن


فهمت ؟

لو إني كاتب حادث وإلا قشعت مليون مشاهده ومليون ارد

افيدوني بارك الله فيكم

<<<<<راجع من الصناعية يدور حل لمشكلته ومعصب:rolleyes:

فيصل حبيبي خذني على قد عقلي وتحملني شوي :d

إذا المشكله مسوية لك هالنفسيه كلها وراه ما توديها الوكاله يفحصونها لك وتشوف المشكله :d

^
هلا حبيبي طيب الوكاله يأخذون مبلغ جامد على الفحص اذكر إنه 400 وبعدين يطلعون المشكله
وعاد ما ادري وش هي المشكله إلي بتطلع

طيب افحص كمبيوتر وبتعرف كل خراب بالسياره !

اذا المكينه فيها مشكله او الجربوكس بيظهر معاك

من قالك 400 ؟ معليش أنا رحت لهم وطلبت فحص شامل للسياره من الصدام للصدام .. محركات وبودي وكل شيء .. كل شيء بــ 650 ريال

وقبل شهر تقريبا ولعت لمبة المكينه عندي ورحت لهم قالي نفحص لك السياره ميكانيكيا ونشوف من وش المشكله

قلت تم وفحصوها بـ 160 ريال لا وصلحوا المشكله وطفت اللمبه وما خذوا مني الا قيمة الكشف 160 ريال

رح لهم أنت وجرب شف لعل وعسى يلقون لك حل ويصلحونها لك وتطلع مشكله بسيطه إن شاء الله .

^

يعطيكم العافيه اتوقع الصوت محد عارف وش مشكلته او من وين مصدره

بودي السياره افشل وكاله وافشل فرع إلي هو الجبيل والله يعيني عليهم اهم شي واحد في بالي يارب إنه مو موجود ..

اخ محماس لا انا بقول لهم غيروا لي زيت القير مع الفلتر هالقطع موجوده عني بس ركبوها ..واخليهم ينضفون لي الثروتل بدي

لأني ماودي اقول الصوت ما ادري من وين ويطلعون ام الخرابات وعاد خذ لك المبلغ

بس حلوه 130 مشاهده والردود ثلاث بس:d

مراحب اخوي 0 بما انك بالجبيل روح وكالة الهوندا فرع الجبيل هناك في ولد سعودي اسمراني يعجبك روح له صدقني لا يضبطك وعندهم واحد شكله من الحسا او القطيف ترى شاطر

^

قسم بالله إنهم افشل ناس مع كامل احترامي الخالص لهم لكن فاشلين

وتعامل زي الزفت كأنك تطر ريال منه ويالله تمسك اعصابك وتقصر صوتك ولا ودك تقول له لا

لازم كل كلامه هو الصح

يعني قلت له فلتر القير ابي اركب فلتر جديد قام يضحك كذا يعني بإستهزاء مايتغير فلتر القير ولا في إلا فلتر واحد للقير يكون داخل القير

قلت له في فلتر خارجي قال ماا ادري عنه

وهذا كلامه والله العظيم
معروف وكالة الجبيل افشل فرع وكاله لهوندا واسأل إلي تبي ..

يوم دخلت عند قطع الغيار وطلبت القطعه قال لي راعي القطع مايتغير قلت له ابي القطعه وبس وهذا رقمها

اما الثاني اخونا القطيفـي فقبل سنه وعليها يوم إن السياره تتصلح على الضمان بخصوص تهريب الدركسون


شيك على السياره برقم الهيكل .. وقال خلاص خل سيارتك عندنا وحنا نسوي المشكله

وبالفعل وخذيتها ثاني يوم وقعدت معي مدة ورجع التهريب

يوم كلمت خوينا الأسمراني اليوم قال لي لازم تغير الطرمبه بالدوده قلت طيب هذا عيب مصنعي

قال وبدا يتلعثم هو يعني مو عيب عيب مصنعي<<<<عاد ترجمها انت


المهم خذيت سيارتي ورحت عند ورشة فيها شامي غير لي زيت القير وركب معي وخليته يسمع الصوت

قال هذا من الرمان بلي ((البرنكات))
وقال جبها لي بكره القطع لحالها مو كامله ما ادري وش يقصد وبضبطها لك


وكفى المؤمنين شر القتال


قال وكالة قال :p

فيصل انا رجال راعي خطوط واكتشفت بالهوندا شيء غريب بعد ما امسك خط فيها ورجلي حاره اسمع اصوات غريبه يوم اشغل السياره ثاني يوم من وصولي بعد ما انام لين الاحلام تغلق وينكتبلي بمخي error على طول اقوم واروح اتناغم مع اصوات الطرب اللي تطلع يا رجل يمين بالله احس ان عباس واخوياه متكين بسيارتي : )

خلها اسبوع على الاقل اذا استمرت المشكله روح افحصها وما انصحك بغسيل المكينه ابدآآآآآآآآآآآآآآآآآآآآ

^

اهلين بـ f15

انت تقصد غسيل المكينه من داخل لا انا اقصد غسيل المكينه الخارجي بس


المهم يالحبيب انا عرفت المشكله اشوى ماطلعت من المكينه :)

وشاكر لك ومقدر لك وسلملي على عباس لا تنسى لأنه اليومين ذي كان معي :)