مساااااااااعدة لو سمحتو بخصوص الكشافات

السلام عليكم ورحمة الله وبركاته

عارف ان فيه مواضيع عن الكشافات

بس بحثت ومالقيت الي ابيه

المهم
انا شريت عصا الوكالة وركبته وكل شي تمام

وجبت كشافات تجاريه بس نوع رائع مدحوه لي الشباب كثير لان الوكالة مالقيت عندهم حاليا ومالي خلق اصبر

المهم الكشافات دورت على الاسلاك مالقيتها مع اني لما اشغل من لوحه التابلو يطلع النور انها شغالة

لكن ما ادري وين الاسلاك

سيارتي وارد الامارات مواصفاتها كامله وينقصها عن الفل السعودي فتحه والكشافات فقط لاغير

مستغرب ومو مقتنع انها مو واصلها كهرب ..؟؟

احد يفيدني لو سمحتو

هل ممكن تكون جايه مع وصلت النور الامامي ولا كيف؟


===========================
باك ..

اليوم رحت للتشليح وجلست افرفر بالاكوردات 2008 ..
لقيت سيارتين فقط فيها نفس توصيلة سيارتي !! يعني مادري حتى وين اسلاك الكشافات !!

تفرجت ع موديل 2007 لقيت نفـــــــس ماشرحولي الاخوان الاسلاك جايه لحالها مو مع مجموعه النور الامامي ومغطاه بكيس ازرق وملصق ..

رجعت البيت منلحس ابو ابو مخي ودخلت السيارة وفكيت الصدام والانوار الامامية ابي ادور زي الناس ومع هذا مالقيت ..

وهذي صور السيارة بعد فك الصدام الامامي ..

http://www.m5zn.com/uploads/2011/3/1...14x4arm86y.jpg


http://www.m5zn.com/uploads/2011/3/1...z9pjhnaiqr.jpg

http://www.m5zn.com/uploads/2011/3/1...44mo7wzwkm.jpg


http://www.m5zn.com/uploads/2011/3/1...vxu5hw4t7r.jpg

ايش الحل :(:(:(

بعد إذن صاحب الصورة:)
لما تفتح الكشاف بتلقى زي الي في الصورة وراها
http://up.3ros.net/get-3-2011-6ypi9ndg.jpg

اقتباس:

---

المشاركة الأصلية كتبت بواسطة accordyon

بعد إذن صاحب الصورة:)

لما تفتح الكشاف بتلقى زي الي في الصورة وراها

http://up.3ros.net/get-3-2011-6ypi9ndg.jpg

---

طيب سؤال بسيط.!

لازم افك الصدام الامامي ..؟؟

لاني ناظرت من وراه مالقيت شي

يا عزيزي راجع التقرير اللي بتوقيعي

واذا انت بالرياض تعال التجمع اليوم وانا اركبها لك مجانا

اقتباس:

---

المشاركة الأصلية كتبت بواسطة accord790

يا عزيزي راجع التقرير اللي بتوقيعي

واذا انت بالرياض تعال التجمع اليوم وانا اركبها لك مجانا

---

شفته ياغالي .. بس ماتوصلت لاجابه هل الصدام يحتاج فك او لا

وياليتني من الرياض والله لكني من القصيم

وحالف يمين ما اوديه ولا محل من الزينه او الكهربائيين الي عندنا لاني مبارح وديتها محل يشوفلي السلك وفك البطانه تبع الصصدام ولا ركبها زين واليوم انكسرت علي كل ابوها الله لا يسامحه ولا يوفقه ..

باك < حزين

رحت فكيت الصدام الامامي والشبك والدنيا كل امها

ومالقيت شيء ابدا

* لحد الان مفجوع صراحه كيف اشتغل النور بالطبلون والسلك مو موجود ؟؟

*السيارة فوق السبيشل كيف ماجا فيها اسلاك ؟

* ايش الحل ؟؟؟ مابي شغل محلات الزينه ابي شي يريح الراس

:(

حبيب قلبي النور اللي بالطبلون يشتغل لانك مركب الفاصل و مشغله
ولكن ليش ما تشتغل الكشافات ؟ لانك ما شبكت الاسلاك فيها

المشكلة /كيف ما فيها اسلاك وهي 6V؟

السالفة كلها ما تحتاج فك الصدام افتح البلاستك الاسود اللي بالصدام (مكان الكشاف اليسار) دخل يدك وشوف كل الاسلاك الموجودة بالداخل اكيد فيه واحد منها مغلف بكيس اسود اذا فكيته على طول اشبكه بالكشاف


http://www.hondaarabia.com/club/user...ms979-9386.jpg

http://www.hondaarabia.com/club/user...ms979-9387.jpg

وهذا للجهة اليمين

http://www.hondaarabia.com/club/post448343-38/

ياغالي والله فكيت كل الدنيا , فكيت الصدام الامامي كله ومن القهر الاسطب تبع الانوار الامية ومالقيت اي اثر للاسلاك

شي يجنن ..

مرحبا يا الأخو يمكن صاحب السيارة السابق فصل الأسلاك من مكانها روح لأي كهربائي ذكي ويركب لك أسلاك أو يمكن تكون الأسلاك قصيرة وتحتاج إلى أسلاك أطول لتركبها .

اقتباس:

---

المشاركة الأصلية كتبت بواسطة snow white

مرحبا يا الأخو يمكن صاحب السيارة السابق فصل الأسلاك من مكانها روح لأي كهربائي ذكي ويركب لك أسلاك أو يمكن تكون الأسلاك قصيرة وتحتاج إلى أسلاك أطول لتركبها .

---

معقوله فاصلهم ؟؟ ياخي والله ماعاد عندي ثقة باكبر كهربائي :(

ياقلبي والله حزنت عليك على هونك اخوي الله بيفرجها دور مثل ماقالولك الأخوان وربك ييسر

ان سيارتي وارد الامارت والا سلك حقت الكشافة موجوده والا بعد سيارتي ستندر:eek:

اقتباس:

---

المشاركة الأصلية كتبت بواسطة شتات الأماني

ياقلبي والله حزنت عليك على هونك اخوي الله بيفرجها دور مثل ماقالولك الأخوان وربك ييسر

---

هههههه ياخي شي يقهر وش اسوي

اقتباس:

---

المشاركة الأصلية كتبت بواسطة خفيف روح

ان سيارتي وارد الامارت والا سلك حقت الكشافة موجوده والا بعد سيارتي ستندر:eek:

---

والله غريبة .....:confused::confused::confused:

:(

طيب صور مكان الصدام

و فك الصدام و الصور ورينآآآ طيب كيف شكل بدون اسلاك ممكن احد يفيدك

اذا نزلت صورة ولا شي ..

الله يكون بعونك




بدرآآن

اذا فكيت الكشافات مابتشوف الأسلك بتلقى زي البلاستيك اسود ملفوف بتيب ازرق<< اخص يالوصف:)
اسحبه بشويش بيطلع بعدها فك الكيس الأسود وبتشوف السلك

شبآب ابي عصا كشافات وين احصله فيه :(

تم رفع الصور ...

لازم تمديد اسلاك, لأن السيارة مو ممدد لها مثل الأكورد الأمريكية.

(الكشافات التجارية يجي معاها توصيلة كاملة مع الظفيرة والفاصل بس انه ضغاط!)

وانا عندي الأسلاك كاملة مع الظفيرة للكشافات التجارية, وجديده وماعمري فكيتها او استخدمتها ومخزنه عندي بالدولاب.

إذا لك نظر ارسلها لك من عيوني. :)

اقتباس:

---

المشاركة الأصلية كتبت بواسطة king

لازم تمديد اسلاك, لأن السيارة مو ممدد لها مثل الأكورد الأمريكية.

(الكشافات التجارية يجي معاها توصيلة كاملة مع الظفيرة والفاصل بس انه ضغاط!)

وانا عندي الأسلاك كاملة مع الظفيرة للكشافات التجارية, وجديده وماعمري فكيتها او استخدمتها ومخزنه عندي بالدولاب.

إذا لك نظر ارسلها لك من عيوني. :)

---

كلام مقنع والله ...

الظفيره والاسلاك تبع الكشافات التجارية موجوده عندي باكياسها بس مستعد اخلي السيارة بدون كشافات ولا اركب هالحوسه هذي ..

اجل مالي الا الوكالة بروح لهم يوصلولي كهرباء وامري لله ...

شكرا لك حبيبي كنق ...