تقرير مصور : أعمال الصيانة للأكورد + الفحص المجاني ... والمزيد ( صور )

بسم الله الرحمن الرحيم

السلام عليكم ورحمة الله وبركاته

اخباركم .؟ عساكم بخير ياهل المنتدى الكريم

بما إني في إجازة و فاضي قلت اروح اغير القطع اللازمة لأكوردتي الغالية ومره وحده افحص العكوس عند ميكانيكي

واليوم يلي بعده رحت للوكالة وسويت الفحص المجاني واغير يلي اشوف إنه معقول ومهم تغييره

فاليوم حبيت انزل تقرير عن تغيير بعض القطع وعن اسعارها وعن الفحص المجاني وعن تغيير الاسطبات الامامية و اسعارها

في البداية أذكروا الله وقولوا ما شاء الله تبارك الله

ترا العين حق ههههههههههههههههههه :):d

نبدأ بالتقارير


( أنتظر تحميل الصور ) :)


إصلاح علبة الدركسون + تغيير بعض القطع

نبدأ باليوم الأول أنطلقت متجه إلى شارع الإسكان عند ورشة المهران وبالتحديد عند الميكانيكي سليم يلي مدحوه أغلب الاصدقاء وبعد ما حجزة عندة من يومين على اساس اجيه لأنه مزحوم بالحيل والله شاف علبة الدركسون قال يحتاج لها قطع الاصلاح وزيت دركسون اشتريها وقلت له مره وحده بغير القماشات و البواجي عندك وبفحص العكوس قال ما عندك مشكلة ونصحني اروح محل قطع فرع الوكالة حق عبدالله هاشم ولا اروح للفروع يلي بشارع الاسكان لان اغلبهم نصابين وفعلاً رحت لاقرب فرع يلي بطريق مكة القديم
هذي صورة للمحل

http://i.imgur.com/a5n6a.jpg


و شريت القطع التالية ويلي اسعارها كتالي قبل وبعد الخصم :

بواجي الحبة بـ 20 ريال بعد الخصم بـ 18 ريال مجموعهم كلهم 72 ريال

فلتر هواء بـ 127 ريال بعد الخصم بـ 101 ريال

زيت الدركسون بـ 49 ريال بعد الخصم بـ 44 ريال

مجموع قطع اصلاح علبة الدركسون حدود عشر أكياس صغيرة كلها جلد منها الكبير ومنها الصغير وفيه كيس واحد فيه قطعة حديدة وسعرها كلها بـ 145 ريال وسعرها بعد الخصم بـ 126 ريال و الميكانيكي استبعد 5 قطع قال ما تحتاجها يلي عندك سليمة وهي 4 جلد مختلفة الأحجام و القطعة الحديدية مجموع ما استرجع 82 ريال يعني قطع الاصلاع كلفتني 44 ريال بدون شغل اليد

قماشات أمامية بـ 436 ريال بعد الخصم بـ 392 ريال

قماشات خلفية بـ 339 ريال بعد الخصم بـ 271 ريال


مجموع القطع كلها قبل الخصم بـ 1176 ريال

مجموعها بعد الخصم بـ 1012 ريال

وبعد استرجاع القطع غير اللازمة المجموع يكون 930 ريال


صورة الفاتورة و الدوائر الموجودة على الفاتورة للقطع المسترجعة وهي الجلد و و القطعة الحديدية

http://i.imgur.com/iuK6w.jpg

http://i.imgur.com/sUSrz.jpg


نجي لصور القطع :


البواجي

http://i.imgur.com/481Vi.jpg


القماشات

http://i.imgur.com/LQW8i.jpg


فلتر الهواء

http://i.imgur.com/ZB9GW.jpg


قطع إصلاح علبة الدركسون و القطع الحديدية يلي بالكيس الوردي مثل ما هي واضحة بالصورة

http://i.imgur.com/oUdr0.jpg


زيت دركسون

http://i.imgur.com/Ewum3.jpg


هذي صورة المحل ( هههههههههههههههههه حلوه امريكي وفورد كلهم سوا )

http://i.imgur.com/TFGGL.jpg


وهذا هو الموتر بالورشة فاتحين الكبوت

http://i.imgur.com/0Enws.jpg


طبعا ما طولت عندهم شفته يوم فك الطرمبة وجلس يشتغل فيها و طلب مني اشتري جلدة لان فيه وحدة من الجلد طلعت صغيرة وفعلاً رحت واشتريتها من عند العمودي يلي بشارع الاسكان اضطريت اشتريها من شارع الاسكان وشافها الميكانيكي قال تمام نفس المقاس وقال لي شكل محل القطع حق هوندا اعطاك اصلاع لعلبة دركسون الاكورد 2006-2007 لان الجلدة يلي ما رضت تركب صغيرة وقال هذي حقت الاكورد 2006 وقال هذا هو الاختلاف بين قطع الاصلاع بين الاكورد 2003-2005 و 2006-2007 كلهم مثل بعض إلا هالجلدة تجي كبيرة للأكورد 2003-2005 وتجي صغيرة للأكورد 2006-2007 وطبعاً سعر هالجلدة الصغيرونة 15 ريال :d
وهذي الطرمبة قبل وبعد التنظيف و الاصلاح نظف لي الطرمبة و الدينمو قال لي احمد ربك إن الدينمو سلم من الزيوت لان كانت متراكمة عليه وممكن يحترق لو تراكمت عليه بشكل كبير

الطرمبة قبل الإصلاح ( الصور مأخوذة من موضوعي السابق )

http://i.imgur.com/wjE6P.jpg

http://i.imgur.com/VZkxS.jpg


و بعد الإصلاح و التنظيف وصار المعيار حق العلبة واضح مب مثل اول

http://i.imgur.com/5h5Aa.jpg

http://i.imgur.com/s9P1l.jpg

http://i.imgur.com/YR2Ou.jpg


وما قصر الرجال كشف على العكوس وقال لي تمام سليمة وغير البواجي


و خلال ماهو يركب الجلد ويصلح الميكانيكي الثاني اسمه عبدالرحمن هو يلي يركب لي القماشات ما كنت متطمن لشغله لان ما طلب مني ادبل الدعسة حقت الفرامل عشان الفرامل تكون قوية وما تكون راخية من بعد التركيب ومشيت ويوم رجعت سألته دبلت ولا لا قال مافيه مشكلة انت دبل وانت واقف وتضبط معك وقلت وين سليم ابغاه لان سليم فاهم أكثر منه قالوا راح المهم دبلت لين انكسرت رجلي وبدأت تتحسن معي الفرامل طلع كلامه صحيح

المهم كان سعر الشغل كله بـ 300 ريال

وفلتر الهواء ركبته عند بنشري

وهذا الفلتر الاول يلي مشيت عليه أكثر 180من الف ونص < ما شاء الله تبارك الله > صورت الوجهين

http://i.imgur.com/eY3vx.jpg

http://i.imgur.com/foHds.jpg


وهذا الفلتر الجديد وجه لونه اصفر ووجه لونه ابيض

http://i.imgur.com/RHUqu.jpg

http://i.imgur.com/O8iNe.jpg


المهم هذا اليوم الاول و الحمد لله خلصنا من كل شيء


الفحص المجاني

في اليوم الثاني حركت من البيت الساعة 8 الصباح متجه إلى طريق المدينة إلى وكالة عبدالله هاشم بالتحديد وفي الطريق و الجو الحلو و الغيوم شغلنا ابونوره وأحلى روقان :d

http://i.imgur.com/90Zqn.jpg

وصلت للوكالة الساعة 8:40 تقريباً

وعطوني هالورقة وعبيت الورقة المطلوبة وخليت ورقة الفحص للمهندسين

http://i.imgur.com/K69cY.jpg


وخلال ما انا اعبي الورق إلا القهوجي جايب لنا الدلة وقهوانا وحنا بالاكورد عبيت كل شيء وانتضرت حدود ربع ساعة ودخلت الفحص وخلال دخولي للفحص شركة بترومين توزح ميداليات و فيه شركة معطرات سيارات وشركة لمحاليل السيارات يوزعون اورقات إعلانات للمنتجات


وهذي صورة الميدالية حقت قلف و البروشورات

http://i.imgur.com/edYd5.jpg


وهذي صورت ميدالية عبدالله هاشم مع علبة المناديل

http://i.imgur.com/2Rz0W.jpg


وهذا كيس مقعد و ورقة مكان الدعاسات يعطونك هي إذا جيت تدخلها الفحص

http://i.imgur.com/o854L.jpg


وطلبت من العامل يزودني باوراق للدعاسات وما قصر قال لي مافيه مشكلة أو بالأصح نو بروبلم <<< يتكلم عنقليزي أحلف :d

واعطاني مجموعة كبيرة من الاوراق ههههههههههههههه قال خلنا نفتك منه هو و أكورده وهذي هي الاوراق :d

http://i.imgur.com/Pbtmv.jpg


بعد دخولي للفحص الحمد لله كل شيء سليم بس نصحني المهندس انظف الكبوت بماء وصابون عند أي مغسلة عشان تراكم الزيت بالكبوت و الغبار وقال فيه زيت دركسون متراكم شكلك قريب اصلحت العلبة لانها سليمة و الزيت ما نشف يلي باسفل الكبوت قلت ايه امس مصلحها و اليوم طاب عليكم

قال كل شيء تمام لكن يحتاج لك تغير القطع التالية :

1- طقم كراسي مكينة

2- كرسي جيربوكس علوي

3- كراسي جيربوكس اثنين تحت

4- جلود مقصات


طبعاً ما فحصوا الانوار وما نبهتهم عليها أهم شيء يفحصون السيارة ميكانيكياً


هذي صورة ورقة الفحص

http://i.imgur.com/2eYoW.jpg


و رحت للاستقبال عشان يعطوني أسعار القطع وقال لي موترك بتلاقيه برا قدام الاستقبال من بعد ما تأخذ الفاتورة من الاستقبال ورحت للاستقبال و أخذت رقم وجاء دوري وأخذت الفاتورة و هي بقيمة القطع المطلوبة + قيمة شغل اليد عندهم

اسعار القطع حسبوها لي قبل الخصم و قالوا لي بعد الخصم ما سجلناها لك و السعر للقطع طلع بـ 2148 ريال

و سعر شغل اليد بـ 1080 ريال

المجموع بـ 3551 ريال


هذي صورة الفاتورة وكاتبين ملاحظات وهي رجة غير طبيعية عشان ( كراسي المكينة )

http://i.imgur.com/5M975.jpg


بعد الفحص و تغيير الجلدة الأمامية للمقص

في اليوم الثالث و بعد نتيجة الفحص قلت اغير اهم شيء و يلي سعره معقول وقلت بغير جلد المقصات ورحت اليوم الثاني لخوينا سليم الميكانيكي وقال لي البنشري يلي بجنبي عنده رافعة لانه كان الرجال عنده زحمة والرافعة مشغولة و الله ورفعت السيارة عند البنشري ونفس يلي بالبنشري شغال عند سليم شيك عليها وقال لي جلدة امامية وخلفية للمقص الايمن وقال جيبها وممكن الخلفي اردها لاني لازم افك المقص واتأكد من الخلفي و الله وفعلا فك وطلع بس الامامي يلي يحتاج تغيير و الخلفي سليم ما يحتاج
واتجهت إلى محل عبدالله هاشم للقطع بطريق مكة وشريت الجلدة الامامية للمقص الايمن من عندهم و سعره بـ 72 ريال
وهذي صورته

http://i.imgur.com/foBYB.jpg


و هنا اثناء فك الكفر ومحاولة فك المقص لتغيير الجلد

http://i.imgur.com/gkDXJ.jpg


وهنا من بعد الفك ولاحظوا الزيت يلي من علبة الدركسون باقي آثاره موجودة وشوي ونجي لتنظيف الكبوت

http://i.imgur.com/c5tWg.jpg


هذا المقص وهذي الجلد الأمامية القديمة

http://i.imgur.com/7CE1e.jpg


بعد ما فكها وهذي صورتها معدومة وبقوة

http://i.imgur.com/x9e3C.jpg

http://i.imgur.com/yTWp9.jpg


والآن بعد ما ركب الجلدة الجديدة بالمقص ولاحظت ميلان في المقص من جهة الجلدة الأمامية قال لي عادي اذا نزلت السيارة من الرافعة تضبط لأنهم رفعوها رفع بسيط

http://i.imgur.com/iLtLM.jpg


وطلع لي شغل اليد بـ 80 ريال بعد ما نزلته من سعره الاصلي بـ 120 ريال احس انه مبالغ فيه شوي بس المسكين تعب وتعبا غبار لكن الله يعوض علينا و 80 ريال اخذها ومشيت



وهذي صور لهوندا لقيتها واقفه بورشة بجنب البنشري ولاحظت علامة هوندا مقلوبة ههههههه اخذت لها صورة :d

http://i.imgur.com/wSJ2m.jpg



غسيل البستم

في اليوم الثالث في العصر وأتجه إلى أحد المغاسل القريبة ودخلت الموتر وقلت ابي غسيل بستم موية وصابون وقلت ما ابي الديزل قالوا أوكي ودخلت الموتر و الغسيل كان بـ 25 ريال مع غسيل البدي بماء فقط تعرفون الفيري يشيل اللمعة


وهذي بعض الصور للكبوت وهو مغبر

http://i.imgur.com/91CfO.jpg


وهنا بعد ما رش الموية ولكن خلال خمس دقايق نشفت الموية أو بالأصح تبخرت من حرارة الكبوت

http://i.imgur.com/eue7k.jpg


وهنا السيارة وهي مرفوعة وقاعد يغسل من تحت شكلها حلو وهي مرفوعة ما شاء الله تبارك الله تبرق

http://i.imgur.com/nAKZH.jpg


والان جاء يغسل بالصابون من تحت تلاحظون الشمعات معدومة وبنجي قريب لتقرير تغيير االاسطبات الامامية واسعارها

http://i.imgur.com/su18X.jpg


و الان رجع للكبوت يغسله بالموية والصابون بعد ما نزل الموتر

http://i.imgur.com/vdBjv.jpg


وهذا شكل الكبوت النهائي بعد الغسيل ما شاء الله تبارك الله و مع ضغط الموية انفك الاستيكر يلي على الغطاء يلي فوق المكينة وهو منفك نصه من أول و قريب نلزقه بكن تلاحظون شوية غبرة على الكبوت أ, إنه باهت كلمت يلي يغسل قال لي مهما بغسل بيبقى كذا لكن اشتري ملمع كبوت بـ 10 ريال ويرجع الكبوت كأنه وكالة قلت مو مشكلة

http://i.imgur.com/yGuDW.jpg

http://i.imgur.com/LHmGv.jpg


هذا الاستيكر شكلي بخليه على الطبلون معطيه منظر للطبلون ولا :d

http://i.imgur.com/Eqe8Z.jpg



طيب نكمل التقرير بالرد الثاني


يتبع ...

تغيير الاسطبات الأمامية

في أحدى الأيام في العصر وأتجه إلى شارع الإسكان يلي مليت منه ومن زحمته ومن بعده عني و بالتحديد إلى العمودي لقطع غيار هوندا و اشتريت اسطبات للأكورد اسطب يمين واسطب يسار طبعا ما رحت عنده إلا عشاني ابي اشتري اسطبات أمامية مهب أصلية وتسعرت الاسطبات وهي كالتالي :

اسطبات أمامية صناعة صينية بـ 120 ريال للحبة الواحدة

أسطبات أمامية صناعة تايوانية بـ 150 ريال للحبة الواحدة

و سألت عن سعر الاصلي قال ما أبيعه وشفت الصيني و التايواني احس قزازة الصينية بالمره خفيفة وممكن تتعرض للكسر بسرعة أو تتعرض للتغبيش بشكل أسرع و أما التايواني ما شاء الله قزازته قويه و إن شاء الله إنها تتحمل أكثر
قلت على بركة الله ابي التايواني وحاولت أكاسر و الله الرجال قال لي ما أقدر أنا عطيتك سعرها بعد الخصم على طول

و طلع الحساب للاسطبين بـ 300 ريال

وهذي صورة للفاتورة

http://i.imgur.com/R8vEh.jpg


وهذي بعض الصور للاسطب ... هذا الكرتون و اسم الشركة TYC التايوانية

http://i.imgur.com/uaG79.jpg


وهذي صورة للاسطب ما شاء الله تبارك الله يفتح النفس :d

http://i.imgur.com/tcWLG.jpg


وهذي صناعتها

http://i.imgur.com/OnbmQ.jpg


وهذي قطعتين حديدية جات مع الاسطب

http://i.imgur.com/KIe3r.jpg


وهذي ورقة جات مع الاسطب أعتقد تبين تركيب الشمعات على الاسطب

http://i.imgur.com/mGuuA.jpg

و رحت لورش السمكرة اتسعر التركيب و الله اغلبهم بـ 150 رايل انهبلت قلت على تركيب 150 ريال :)
و الله ودورت ولقيت ورشة مهب على الشارع رخيصة لان اغلب الورشة يلي تكون على الشارع غالية وقلت بكم التركيب قالوا بـ 80 وبعد المكاسر ركبتها بـ 65 ريال و العمال فلبينيين يعني أضمن شغلهم مهب مثل الاتراك الواحد يبي 150 على التركيب وهو شايف نفسه مدري على شنو

و الله ودخلت الموتر وقالوا لي عندك لمبة الواطي وحدة منها محروقة وقلت بروح اشتري واشتريت لمبتين واطي بـ 8 ريال


وهذي صر اثناء فك الصدام
http://i.imgur.com/hr9GD.jpg

http://i.imgur.com/bo3RP.jpg

http://i.imgur.com/EbRjS.jpg

http://i.imgur.com/GP5On.jpg

وبعد ما فكوا الاسطب القديم

http://i.imgur.com/9Hv8k.jpg

و الان جاء يركب حديدة للاسطب الجديد

http://i.imgur.com/KiY6W.jpg

http://i.imgur.com/y3aUD.jpg

وبعد تركيب الاسطب الجديد

http://i.imgur.com/JmS0r.jpg
وهذا شعار الملكة وتلاحظون عليه مغبش شوي باقي المعه و أخليه يبرق بس مهب اليوم :d

http://i.imgur.com/3uEfp.jpg

وهذي اللمسات الاخيرة

http://i.imgur.com/3JyFu.jpg

و شغلهم جداً نظيف ووزنوا الاسطبات بشكل ممتاز
وركبوا وكل شيء و لكن نقص كلبسين وقلت يا ربعي و الله اني مطفر و مافيني ادقها إلى الصراف وانما ركبوا الكلبسين المكسورة وانا بعدين بشتري و الله وفعلا و الكلبسين المكسورة كانت جهت الاسطبات الامامية وقالوا لي ائشتر جديدة وحنا بنركبها لك و نوزن لك الصدام من الطرفين وقلت ما عندكم مشكلة

و الان نجي للشكل النهائي نشوف قبل وبعد

قبل

http://i.imgur.com/XXW8r.jpg

وهذي بعد ( ما شاء الله تبارك الله ) الموتر يطرب :)

http://i.imgur.com/PBd6l.jpg



وتم ولله الحمد هذا التقرير و اعذروني على التأخير واعذروني إن قصرت بالتقرير وقلت منها أنزل التقرير نسليكم ونعطيكم قائمة بالأسعار وعلى فكرة سعر الاسطب الامامي للأكورد تقريباً بـ 750 ريال و خلال صولاتي وجولاتي مريت على فرع لمنيف النهي موزع قطع تويوتا وقلت اسطب أمامي كامري 2005 بكم قال لي بعد الخصم 33% يطلع بـ 640 ريال طلع الغلاء مهب بس عند هوندا طلع الغلاء عم جميع الشركات ولكن الحمد لله على كل حال


و أترك لكم التعليقات

أخوكم ومحبكم :

ACCORD_2005

يعطيك ألف عافية ..

يعطيك العافية موضوع متعوب عليه من جد :cool:

وعليكم السلام ورحمة الله وبركاته
الله يعطيك الف عافيه
تقرير ولا احلى
مشكووووووووووووووووووووووووووووووووور
ممكن توصفلي الورشه الي صلحت عندها

عندي سؤال غسيل الكبوت مايضر ؟؟

الله يعافيكم جميعاً ولاهنتم على الردود

حياك الله اخوي حسن

بوصف لك وانت جاي من كبري الميناء
بتلاقي مخرج لشارع الاسكان ويوم تنزل من المخرج تلاقي طريقين اليمين يوديك على شارع الاسكان و اليسار ناسي :d

المهم خذ يمين و أمشي بيجيك على يسارك في الشارع على الخط الثاني بنك الراجحي اذا شفت الراجحي أبدأ دقق زين بالمحلات يلي على يمينك وبتلاقي لوحة مكتوب عليها عجلاتي الريف خش من عنده يمين وبتلاقي ورشة مهران بوجهك و اسم الميكانيكي ( سليم ) وهذا رقم الجوال اذا بغيت تتواصل معهم : 0505690078

وبخصوص الكبوت اذا بتغسله بديزل يضر ولكن بمويه وصابون ما فيه أي ضرر إن شاء الله وأغلب الاعضاء يغسلون بمويه وصابون

وسلامتك ،،،

مشكور على الوصف

هاذي المواضيع ولا بلاش:cool:

الله يعافيك يا حسن وحنا يخدمتك يالغالي

ماشاء الله تبارك الله

تقرير رائع :cool:

ملاحظه بس لو ترش الصدام بتطلع الواجهه تمام التمام

لانه اشوف الصدام فيه مخوش

او تركب صدام حق 2007 تجاري + الشبك + كشافات :cool:

بالتوفيق :rolleyes:

يعطيكـ ألف عافية و فعلا تقرير توب التوب

و على فكرة الكلبسات حق الصدام سعرها القاعدة كاملة بـ 25 ريال :cool: للوحدة

أنا عن نفسي قعدت أرقص بعد ما دريت عن سعرها لأن حق الكورلا بـ 70 ريال

اقتباس:

---

المشاركة الأصلية كتبت بواسطة alkasr777

يعطيكـ ألف عافية و فعلا تقرير توب التوب

و على فكرة الكلبسات حق الصدام سعرها القاعدة كاملة بـ 25 ريال :cool: للوحدة

أنا عن نفسي قعدت أرقص بعد ما دريت عن سعرها لأن حق الكورلا بـ 70 ريال

---

ههههههههههههههههههه

نورت الموضوع يالغالي

بس انا يلي ابيه مهب كلبسات داخليه لا الخارجية يلي على شكل مسمار

وسلامتك ،،،

مشكووووووووووور على التقرير الرائع من انسان رائع
شكرا لك

اقتباس:

---

المشاركة الأصلية كتبت بواسطة اكورد 98

ماشاء الله تبارك الله
تقرير رائع :cool:
ملاحظه بس لو ترش الصدام بتطلع الواجهه تمام التمام
لانه اشوف الصدام فيه مخوش
او تركب صدام حق 2007 تجاري + الشبك + كشافات :cool:
بالتوفيق :rolleyes:

---

هذا يلي كنت ناوي فيه اني اركب حق الـ 2007 لكن طلعت التكلفة حدود 900 ريال مع الكشافات و الصدام والرش

وقلت لا ابرش يلي عندي واركبه وسألت السمكري قال عندك الكسر يلي موجود بالصدام نسوي له خياطة و سعر الرش عندنا للؤلؤي 500 ريال نوع البوية يباني وفيه نوعية ألمانية بس على كلامه إن الؤلؤي غالي سعره

و ولا اقتعنت بالسعر و ثاني شيء حسبت حساب شوارع جدة وزحامها و إني لو رشيتها مصيره يتحكك ويندق مثل ما صار معي

واسف على الاطالة :)

وسلامتك ،،،

اقتباس:

---

المشاركة الأصلية كتبت بواسطة فروووووس

مشكووووووووووور على التقرير الرائع من انسان رائع
شكرا لك

---

تسلم لي يا فروس وانت الاروع يالغالي

ونورت الموضوع

ماشاء الله تقرير روعه
واهنيك على سعه صدرك
والله يعطيك خير موترك ويبارك لك
تحياتي..

حياك الله يبوظافر وجزاك الله خير ونورت الموضوع يالغالي

مشكور عالتقرير المميـــــز

ان شاء الله يستفيدون الاعضاء من تجربتك

مآشآالله تبآرك الله عليك ..
مجهود شخصي تشكر عليه
الله يعطيك خيرهآ ويكفيك شرهـآ يآرب
عوآفي ع التقرير :cool:

اقتباس:

---

المشاركة الأصلية كتبت بواسطة Accord_2005

ههههههههههههههههههه

نورت الموضوع يالغالي

بس انا يلي ابيه مهب كلبسات داخليه لا الخارجية يلي على شكل مسمار

وسلامتك ،،،

---

اخذ واحد من الكلبسات الموجودة و روح دور في محلات القطع

و سعرها الكلبس الواحد حدود الريال على حسب المحل

بس صحيح ليه لما نلقى الشي رخيص في الأكورد ننفجع :d

و على فكرة الكلبسات الأصلية سعرها حدود 55 ريال عشر حبات :eek:

ماشاء الله تبارك الله
الله يعطيك خيرها ويكفيك شرها

ويعطيك ألف عافية على التقرير الحلو
تقبل مروري

سهم 20

وعليكم السلام

ماشاء الله تبارك الله

الله يعطيك خيرها ويكفيك شرها

وتقرير اكثر من رائع :)

تقرير روووعه يسلمووو .. :)

ماشاء الله تبارك الله

تقرير متعوب عليه


تسلم الايااااادي

الله يعطيك الف عافيه ع التقرير المميز
مآشآءالله بعد تغيير الانوار الاماميه :cool:

اقتباس:

---

قماشات أمامية بـ 436 ريال بعد الخصم بـ 392 ريال

قماشات خلفية بـ 339 ريال بعد الخصم بـ 271 ريال

---

وين يبي يوصل ابو هآشم :eek:

اقتباس:

---

المشاركة الأصلية كتبت بواسطة The Golden Accord

الله يعطيك الف عافيه ع التقرير المميز

مآشآءالله بعد تغيير الانوار الاماميه :cool:

وين يبي يوصل ابو هآشم :eek:

---

يبي يوصل القمر :confused:

عادي أسهم مو قطع :d و بكرة بتشوف القماشات الأمامية بـ 500 ريال عااااااااادي ما أستغربها

و فحص مجاني و فحص مجاني و عسى ما ترتفع القطع زيادة :(