عرض للطباعة
السلام عليكم ورحمة الله وبركاته
اخواني عندي استفسار بسيط ..
الحين لو اكتب رابط موقع ع سيارتي فيه مشكلة ؟؟
وهل هو يعتبر وسيلة اتصال مثل البلاك بري والجوال
لان مرة شفت واحد موقفينة قوة المداهمة والمهمات الخاصة لانه كاتب البيبي ع الشباك ..
ومرة اخوي كانت سيارتي عليها غبار وكتب رقم جوالي ع الجنب وقفني الشرطة يقول وسيلة تحرش :eek:
فما ادري افادتكم لا هنتم .
نصيحتي
ابعد عن الشر وغني له
ماتسوى عليكـ كل شوي على جنب ياراعي الاكورد ولا عند اي تفتيش الرخصه ولاستمارة وعلى جنب وانتظار وقله حياء :aa_walen:
عسانا نسلم منهم في التظليل والسرعه وانت بتي تحط رابط موقع :d
دمت بود
معك حق اخوي ..
بس انا حبيت استفسر :d
حط رابط موقعك !
واذا قالو شي .. زبد لهم ! .. يكفي ( وسوسه ) ياعالم..
كل شي محجرين لنا فيه اسواق عوائل مافيه مكان نروح له عطاله .. كل شي مقفلينه
فلذالك فلها
وانا سالت احد من ربعي يقول اذا كان فيه اسائه للغير ممنوع
اما اذا ماكان فيه شي ماعليك منهم
درربك خضر
يارجال فلها
عندي الهوندا صار لها اكثر من 4 شهور بدون لوحه خلفيه وتمشيات على كيف كيفك وما اخذت الا مخالفه وحده خخخخخ بس اذا مسكوك سو نفسك انك ماتدري وين الله حاطك وتمشي امورك :d
لو تحط رقم البيبي ع السيارة متأكد يحجزون سيارتك يقولون مثل الترقيم
الله يستر علينا وعليكم
_____________
ياناس والله ملييييينا حتى رقم الببي لو تحطه ع السيارة ممنووووع
ماهي الفائدة من وضع رابط لموقعك على السيارة ؟؟
تسوي اعلان مثلاً :d
أو شوفو ياناس انا عندي موقع :d
معظم اللي يضعون ارقام جوالات او البي بي او الأيميل على سياراتهم بالعربي يرقموووون بطريقة مبتكرة
وعلى مين ياعبدالمعين الهيئة جالسه لهم بالمرصاد
حركه مال امها داعي
اقسم بالله تقرف نفسي لمن اشوف ناس حاطه ارقام او ايميلات
حركه معروف القصد منها الناس ماهي اغبياء مع احترامي للجميع
تخيل انت واقف عند اشاره ومعاك اهلك وجنبك سياره عليها رابط او رقم صراحه حركه تصغر الأدمي ماتكبره
وانت ان شاء الله اكبر من هذه الحركات حتى لو كان الرابط مافيه شي بس الناس ماتدري عن الرابط ايش فيه
بالتوفبق لك بعيد عن الأرقام والروابط ( اهم شي لايكون الرابط فيه فايروس :d)
تحياتي لك
الحين اذا بيحط رابط موقعه صار بيرقم لو بيرقم كان رقم اي عضوه بموقعه وانتهينا مو يحط رابط موقعه على السياره ...
^
^
مو لازم يكون الرابط للترقيم
طيب افرض انه واحد من الناس ولا اقصد اخونا كاتب الموضوع لأنه بأذن الله اكبر من هالمواضيع حط رابط لسب الرسول مثلا او رابط ممنوع هل نقول انه ماكان يرقم
بعدين السياره ماهي مكان لعرض الروابط والأرقام ولو كانت المسأله فوضى كان كل واحد حط الي يبي على السياره دون احترام لمشاعر الناس وشفنا شي مايعلم به الا الله
بعدين الرجال طلب راينا واحنا شاركناه في الموضوع وهو حر يحط الي يبي على سيارته لكن من باب المشاركه قلنا راينا
اما انت عزيزي KHT
حط الي تبي ان شاء الله تحط صورتك :p
تحياتي
شكرا للجميع على المرور ,, على الرغم ان الاجابة انحرفت عن المطلوب ودخلنا في مواضيع اخرى ..
بالنسبة لسؤالي .. لاني كنت بسوي تصميم عليه سيارة هوندا والشعار واضيف تحته رابط موقع محبي هوندا .. لكني هونت ...
اما الاخوان الي علقو انها وسيلة ترقيم او غيره ..
مع احترامي للجميع .. ومع احترامي للانظمة والقوانين والتشريعات الموجودة لدينا ..
لكن ارى ان السيارة ملك خاص ويحق لصاحبها عمل مايحنو له فيها (في حدود الحفاظ على حقوق الجميع)
اي لا يصل الامر للتسبب باذى للاخرين ..
وفي وضع رقم جواله او اميله او اي وسيلة اتصال كانت .. هي بمثابة اعلان على سبيل المثال .. فنرى انه لم يلزم احد بالاتصال به ..(على الرغم انني لا احب ان اضع اي وسيلة اتصال بي واكره هذا الشيء)
لكن هذا رايي بشان هذا الموضوع ..
ولو فرضنا كما قال الاخوان ان الرابط مسيء او غيره او ان الرقم غير مشروع ! لماذا لاينظر للروابط والمواقع والارقام الموجودة في المواقع والتي يتم تداولها بين الاميلات واتخذ اجراء مناسب تجاهها ؟!!
وبشان المغازلة ! الفتاة ان كانت على خلق لن تحاول اختطاف ذلك الرقم من على السيارة !
بجميع الاحوال وفي وقتنا الحاضر لم تبق السيارة الوسيلة الاخيرة للترقيم .. بل هناك الكثير والكثير .
اسال الله الهداية والتوفيق للجميع وان يرزقنا صفاء لنياتنا وقلوبنا .....
رد على تعليق بعض الاخوان ..
لو بنمشي على كلامهم... كان شفنا المحلات الي حاطين ارقامهم على اللوحه .. اكيد قصدهم يرقمون << يقلدهم ..
يعني تحكم على الشخص ولا تدري وش الي داخل نيته ... ياخي انا عندي موقع تصميم مثلا ؟؟ واترزق الله .؟؟اصمم مواقع
بتجي وبتقول انت ترقم ! وانت حتى ماتعرفني .. ولا جاي تعلم الغيب...
لاكن شكلكم تمشون على المثل الي يقول .. الظاهر يظهر الباطن .. والباطن يضهر الظاهر...
لو بنمشي على المثل هذا ...
كان ماشفنا ناس كثير تحط لحيه وتسرق.. وكثير تحصل ..
فـ عشان كذا .. خلي تفكيرك فوق شوي .... لبعض الردود ..
سلام
قد تكون محق بعض الشيء اخي فتى سدير ,,.اقتباس:
المشاركة الأصلية كتبت بواسطة فتىسدير
ويمكن ان تطلق على هؤلاء المثل الذي يقول (كلن يرى الناس بعين طبعه)
لكن احياناً تاخذ العادة وفكر المجتمع حيز كبير من الانطباع مما يجعله معروف دون التدقيق في ماهيته ..
شكرا لك
طيب أنا عندي سؤال ألحين روابط المواقع عادي مثل مواقع السيارات وغيره من هوايات الشباب
بس إلي يحطون رقم البي بي ليه يعني ؟ محروم ما عنده أصدقاء مثلا ههههههههه ولا أيه بالضبط
أغلب إلي يحطون رقم البي بي هم ناس مرضيين نفسياً بصراحه
لأن مقصده يبي يشوف في أحد يضيفه هل هو مقبول من المجتمع هل هو شخص يعجب به وبسيارته
وأغلب إلي يسونها المراهقين وما فيها كلام وإلي توهم مسكو سيارات
للمدافعين عن وضع الأرقام والروابط وغيرها
سؤال ليه هذا الشخص اختار سيارته ليه مثلا ماحط الرابط على باب بيتهم ولا حط الرقم على باب الفيلا هههه
تقولي علشان افرفر بالسياره في كل شارع
انا اقولك وحتى لوحطيت الرابط او الرقم على باب البيت راح الناس تجيك ويمكن اسهل للوصول
ذكرتوني بالي يحط رقم على سيارته ومكتوب جنبه السياره للبيع وتلقاه مسنتر عند مدرسة البنات قال السياره للبيع هع
لو كذا كان شفنا السيارات في الشوارع كلها ارقام وروابط علشان كل انسان يبي يترزق على قولتكم
انا اقول خلي تفكيرك فوق
اخر رد
مع تقديري لصاحب الموضوع والأخوه الأعضاء
معك حق .. بس تعتمد على تفكير الشخص ولا يهونو بعض الشباب لكن بصراحة مادري كيف اوضح او اصور لكم النظرية لديهم ..اقتباس:
المشاركة الأصلية كتبت بواسطة pentium700
ياعزيزي مسالة وضع الرقم والسيارة للبيع هذي من ايام جمس ابو راشد ودتسن ابو صويلح!اقتباس:
المشاركة الأصلية كتبت بواسطة غصب عنك
يعني انا من 10 سنوات ماشفت هالعينة الي يتكلمو عنها الناس !
لكن من كلامك" حط رقمك ع باب بيتكم وع الفيلا " تاكدت انك تنظر للموضوع من منظار اخر عكس الذي نتكلم عنه ..
عموماً كل واحد يصلح سيارته ..
دايم تنظر للموضوع نظره سلبيه وليست ايجابيه...اقتباس:
المشاركة الأصلية كتبت بواسطة غصب عنك
وهذا سبب تخلفنا .. نفكر في السلبيات اكثر من الايجابيات.. رغم ان السلبيات احتمال وقوعها ومو اكيد ....
لاكن على قولتك...
وسالفت المدرسه اعجبتني كثير .. لان تفكيرك جدا مرموق ...