هوندا اكورد 2007 للبيع

السلام عليكم كيف حالكم ياشباب

عندي اكورد

الموديل = 2007

الممشى= 125

السمكره او التعديل = خاااااااااااااليه من الرش او التعديل

النوع= سبشل

الموصفات= فتحه طيس قير اوتوماتيك

اللون= لؤلؤي

النظافه الداخليه= تقول وكالهـ مشألله

النظافه الخارجيه = شرط لو توقفها جمب 11 ماتفرق البدي من ناحيه النظافه

معلومات عن السيارهـ= السيارهـ كل 4 الاف اغير زيت وسيفون وكالهـ والله العظيم السياره من طلعتها من الوكاله ماوصلت السرعه عليها 200 ابد ولا حتى 180 يعن ياستخدام حشمه

السياره باسمي وكالهـ الاستبه ماقد انفكت من الوكاله حتى العفريته ماعمري طلعتها السياره من شرريتها اعبي بنزين واغير زيت وفحمات مع الوقت لازم تغير افضل للهوبات

السوم= في معارض الشفا اليوم ب45 الف وترآآي قريب من السومهـ مررره الصامل مانختلف معه

اللوحه= شبه مميزه الارقام 88 55 الحروف ***

ننتظر سوماتكم يالغالين

جابت 45000 بع ولا تشاور
انا اسومها 41000 على شانها من دون جنوط واذا الله كتب بركب لها جنوط ان بعتني بسومتي

الله يرزقك بالسومه اللي ترضيك

اخوي لا تستعجل في البيعة الموتر يسوى اكثر خصوصا انه لونه لؤلؤى مرغوب جدا جدا موفق في البيعة

نفرق السومة بشرط الفحص وتراني جاد ارجو الرد سريعا
للمفاهمه 0505487614 ابوياسر

للمعلومية فقط::

الأكورد لها 3 فئات

1-فل: جنوط فتحة مكيف إلكتروني (مخمل او جلد)

2-سبيشل: جنوط فتحة مكيف عادي (مخمل)

3- سياحي: طيس بدون فتحة مكيف عادي (مخمل)

شباب السياره مسيومه 45 على موصفاتها واخوي اللي يقول طيس ترا موتري طيس فتحه من وكالتهـ


اما تجي وتسوم تحت 45 ليه والله لو اني خبل ابيع بخساره 4 الاف لو انه موترك بتبيع لا اعلى سعر بس انتو تحبون العناد لو اني قايل مسيومه ب 50 قلت 45 انت وشلتك اللي في حراج سومو زي الناس ولا لاتسومون

يااخوي السبشل يجي معه جنوط لا تلحس مخي عموما الله يرزززززززقك ويوفقك

لا لا انتوا غلطانين الأكورد 3 فئات صحيحه :d

فل كامل : جنوط و فتحه و مكيف الكتروني (جلد او مخمل)

سبيشل : فتحه بس و مكيف عادي و مخمل

السياحي : نفس السبيشل لكن بدون فتحه

إلا إذا كان في دفعات للسبيشل فيها جنوط كلام ثاني و هذا للموديلات من 2003 إلى 2007

و 2008 و طالع السبيشل فيها جنوط :cool: و نفس الفئات ما تغير شي

السلام عليكم اخوي اتصل علي او ارسل رساله ابي اشوف السياره وابشر بفرق السومه اذ اعجبتني
0555886075

اقتباس:

---

المشاركة الأصلية كتبت بواسطة معي اكورد 2007

يااخوي السبشل يجي معه جنوط لا تلحس مخي عموما الله يرزززززززقك ويوفقك

---

انت قصدك الاسبشل 2008+ يجي جنوط

بس 2007 وتحت تجيك طيس طال عمرك

والرجال سيارته سبشل ( فتحه سقف - مكيف عادي - مخمل - طيس )

بالتوفيق :rolleyes:

أقول والله اعتقد ان سيارتك تسوى اكثر على كلامك

مع الكارثه حقت اليابان سوي مثل حقين المعارض بيع بفوق الخمسين الف ولا ترضى باقل

انت لو رحت تبغى تشتري كان قالوا لك اليابان والكارثه وتلقى سياره معفنه ما تسوى بهذاك الكلام

وسيارتك ما شاء الله تبارك الله

لا ترضى فيها اقل من خمسين

لك تحيتي

اقتباس:

---

المشاركة الأصلية كتبت بواسطة King

للمعلومية فقط::

الأكورد لها 3 فئات

1-فل: جنوط فتحة مكيف إلكتروني (مخمل او جلد)

2-سبيشل: جنوط فتحة مكيف عادي (مخمل)

3- سياحي: طيس بدون فتحة مكيف عادي (مخمل)

---

يا معاذ :d

السبيشل مافيها جنووط :o