هاذي قصتي مع الوكالة

السلام عليكم ورحمته الله وبركاته

ما أدري من وين ابدا لكن هذي قصتي مع الوكاله وقبل فترة نزلت موضوع عن المكيف مايبرد


سيارتي أكورد 2008 ماشية تقريبا 92 الف المهم روحت الوكالة وقلت الى المهندس وهو سعودي طبعا لااني وثقت فية اكثر من الاجنبي

قلتة ابي تصلحلي صيانة 90 الف يعني تشوف السيارة فيها شي ناقصها زيوت تأكد من عضلات السيارة قالي لا صيانة 92الف خرط هوبات ومدري ايش المهم ماعجبتني وقالي انفض لك السيارة

اشيك على المكيف كامل وغير زيت الجربكس وسير الدركسون وسير المكيف وبواجي واشياء تافهة بس هذي تجي صيانة 100الف قل طيب اتكل على الله المهم قاعد يضقط على الكمبيوتر قال تكلفك 3350 ومع التخفيض 3150 :eek::eek::eek: طيب توكل على الله المهم وبعد يوم جيتهم واخت السيارة وماشالله زي ماهي :d:d وبعد 3 ايام جيت من جسر البحرين وماشي تقريبا 160 واحس المكيف مايبرد قلت هذي وسوسه وخويي قالي مكيفك مو زي قبل شوي المهم اتصلوا على بعدها بيومين وقالوا ماغيرنا البواجي بس راح نتصل عليك من يومين او ثلاث قلت ابشر واخذ اربع ايام وانا اتحرهة ومااتصلوا على والله يعين وروحت لهم وكلمت الباش مهندس السعودي عن المشكلة وشيك على السيارة قال انت موسوس قلت ابشر وبعدها استعنت بالله وبمنتدى محبي هوندا الرائع والجميل وحصلت موضوع عن كيفية تغيير الفلتر المكيف اللي في الدرج وبعد متابعة على اليوتيوب كيف تفك الدرج








حصلت فلتر مو مغيرية الله يحاسبة ومغبر واشياء غريبة فية واشتريت فلتر اصلي 200 ريال

والحمد لله المكيف زي اول وبعد ازين

واللى حارق دمي اني دافع 3150 ريال على الفاضي

ولا مصلحين تخفيط بعد



وانا اسف على الاطالة ودروشتكم معي بس هذا اللي حصل معي



واشكرا اعضاء ومشرفين وزواره منتدى محبي هوندا

وتحية لجميع:cool:

اخوي انت المفروض ترجع للوكاله إذا مسجل فلتر المكيف في الفاتوره و يبدلونه لك

و انت شيك على كل شي مكتوب في الفاتوره غيروه أو لا

و صدق ان الوكاله تضحك على العالم :( الله يسامحهم

الله يلعن الوكاله بهذلونا

والله الوكاله ماعندهم الا الدجه الله لا يوفقهم

ما شفنا خير من الوكالات عقب ما شفنا الشباب السعوديين يشتغلون فيها .. لحد يقولي شباب الوطن ومن هالخرابيط .. ما خرب اكثر السيارات اللي اقتنيتها الا الشباب الميكانيكيين السعوديين في شركات هوندا وتويوتا وغيرها ..
واحد من الشباب حطيت عنده السياره وهي ماشيه 80000 عشان بس يغير الاقمشه وهي ما بعد انتهت اصلا بس من زود الحرص عندي .. الا ويرجع يقول ان علبة الفرامل يبي لها صلاح وبيكلفني الموضوع هذا فوق الالف ريال ويوم جاب القطع ويبي يبدأ يسوي الإصلاح الا وجا فلبيني من اخوياهم ونبهه ان المطلوب فقط عمل تنسيم للهواء وليس إصلاح لعلبة الفرامل .. بغيت افقع وجه الولد السعودي قسم بالله .. ولا الاخ الثاني في وكالة تويوتا يسرق اغراض من السياره .

للأسف أن انعدام الذمه ولصدق لا تعرف لها وطن ولا ناس معينه

اقتباس:

---

المشاركة الأصلية كتبت بواسطة jet

ما شفنا خير من الوكالات عقب ما شفنا الشباب السعوديين يشتغلون فيها .. لحد يقولي شباب الوطن ومن هالخرابيط .. ما خرب اكثر السيارات اللي اقتنيتها الا الشباب الميكانيكيين السعوديين في شركات هوندا وتويوتا وغيرها ..
واحد من الشباب حطيت عنده السياره وهي ماشيه 80000 عشان بس يغير الاقمشه وهي ما بعد انتهت اصلا بس من زود الحرص عندي .. الا ويرجع يقول ان علبة الفرامل يبي لها صلاح وبيكلفني الموضوع هذا فوق الالف ريال ويوم جاب القطع ويبي يبدأ يسوي الإصلاح الا وجا فلبيني من اخوياهم ونبهه ان المطلوب فقط عمل تنسيم للهواء وليس إصلاح لعلبة الفرامل .. بغيت افقع وجه الولد السعودي قسم بالله .. ولا الاخ الثاني في وكالة تويوتا يسرق اغراض من السياره .

للأسف أن انعدام الذمه ولصدق لا تعرف لها وطن ولا ناس معينه

---

لاتعمم اخوي في شباب سعوديين احسن مني ومنك وهذي عينه بسيطه ومثل مافي الشباب السعودي اغلاط اكيد فيه من العماله الوافده اغلاط الخطا وارد مافيه احد مايخطي
واصابعك موسوى ;)
ومثل ماقال الله في كتابه الكريم ( خير الخطائين التوابون))

أخ jet ايوة والله مغير الدجة وتحصلة رايح بكاس شاي وراجع بكاس قهوة وهو في الاصل مايبي يشتغل والله المستعان عليهم

تكفى تكفى لا تضيع حقك ارجع لهم ياخي حرام يسرقونك 3 الاف ع الفاضي

اخشى ان اكون في يوم من الايام ضد السعوده ,, وبعدين الاخ اللي يقول اصابع يدك مو سوا ,, فعلا كلامك هذا صحيح ,, انا أعمل في شركه أقسم بالله أن السعوديين فيها من أكفأ الموظفين وأكثرهم خبره ودرايه ببواطن الأمور في العمل ولديهم من الهمه والإخلاص والجوده في العمل ما الله به عليم ,, لكن الإداره يا حبيبي ما تاخذ الا ناس صاحيه ,, مو شوية خريجين من المعهد المهني ويوكلونهم على سيارات خلق الله ولا احد يراقب شغلهم ولا يدري عنهم ,, ياخوك ترى احنا دافعين دم قلوبنا على هالسيارات ,, يجيك واحد مستهتر ولا غشيم يخسّرك فوق ما أنت خسران !!!

فيه واحد هنا في بريده في الصيانه سعودي, الاخ القدير فهد. من ابدع واروع الفنيين ووالله انه يشتغل بالسياره بروقان واتيكيت بعد.