ركبت كفرات فالكون تعال وشوف وعطني رايك....

بسم الله الرحمن الرحيم

أولا والله رحت على وجهي الغرابي شفت كفرات مكسس ماعجبتني صغيره على السياره

رحت قودير سمعت انه قاسي "وبصراحة الناس تختلف فيه ناس تمدح وناس تذم" بس اشوف

ان السواق له دور في المحافظه على الكفرات من مطبات والحفر يعني يبغالها محافظه شوي

المهم طبيت في كفرات فالكون اليابانية نفس الشكل ذا ونفس مقاس الوكالة على فكره ترى

تغيير مقاس الكفرات عن مقاس الوكالة هو اغلب مشاكل بعض الشباب المهم هذا الشكل

http://koleso.topof.ru/files/falken_ziex-ze-512.jpg

بصراحه كتجربه بدائية الكفر معجبني في هداوه الصوت هادي افضل من الميشلان اما في

الثبات بكره انشاء الله التجربة كاملة ولنا لقاء انشاء الله انتظروني.....

اللي عنده تجربة حقيقه او من شخص ثقه لايبخل علينا اما كلام المنتديات فهناك من يمدح

وهناك من يذم

مجربه على كابرس و افلون و برادو
البرادو صار فيه ميلان بالكفر يعني بس تشيل يدك من الدركسون يحذف حيييل
و الكابرس ترج و الافلون ترج و النقشه تطييير خلال سنه
عالعموم مبروك على الكفرات و ان شاء الله ترتاح فيهم*

كان عندي سيفيك قبل حوالي 9 سنوات او اكثر أو أقل المهم ناسي من كثر كابدلت سياراتي

طولت السيارة عندي وشريتها ومركب عليها كفرات فالكن وركبت لها طقمين طوال فترة امتلاكها وبصراحة الكفرات تتحمل بشكل ممتاز

رحت عليها مشاوير غير طبيعية والكفرات ممتازة وصرت اداوم من رأس تنورة الى القرية اللي تبعد 40 كيلو متر شرق بقيق ( لاتدققون كان عندي سكن بس اللي ماراح للقرية مايعرف وش معنى طفش لمدة اسبوع ماترجع الا بالاوف )

المهم يعني لو حسبناها يمكن تطلع يوميآ كذا رايح جاي 450 كيلومتر أو 500 كيلومتر ولا مرة انسلخ التاير او طلعت فيها مشاكل وسافرت مكه مرتين والامارات وقطر وكانت ممتازة

لكن مادري عن وضعها الحين جيدة ولا تغيرت هذي تجربتي وجدآ الكفرات ممتازة وقت استخدامها

التقييم العام للكفرات

الرساوة والتصاقها بالارض 9,50/10

الراحة 9,50/10

المنعطفات 9/10 وتقاس على حسب السرعه

الكفرات مرتاح معها ولله الحمد والنسبه العامه للكفرات 9,50/10

والله يالغالي من تجربه سابقهـ لها على كراون فكتوريا كانت ممتازه بس فيها عيب انها تركب مع جهه معينه

لانها صارت معي مره على خط الشرقيه ونا امشي الكفرات الي بالجهه اليسرى كانت مركبه غلط وطلعت الكفرات علي وربك ستر

دنلوب ياباني نقشه عاديه نفس مقاس الوكاله

مافي صوت لحد الحين الفتره 5 شهور حالياً

لم اسمع صوت والكفر ناعم مررره وحلو

انصحك فيه قيمت الواحد 340 ريال

سعره مناسب نصيحه لا تتورط بكفر غالي ولا تركب رياضي

والسلام خير ختام