رجه من سرعة 80 ونت طالع ؟؟؟

السلام عليكم

كيفكم احباب قلبي ان شاءالله تماااااام

عندي مشكله وابي اعرف اذا احد جات له هالمشكله

الله يسلمكم لما امشي بالسياره طبيعيه مافيها شي

من توصل سرعة 80 وتبي تشد تسمع صوت رجه في السياره

انا قلت هذي رجة كفرات اكيد يبي لها ترصيص سويت لها ترصيص

عادي قالوا ماينفع بالمره لازم تسوي ترصيص ارضي

جيت بسوي ترصيص ارضي اول شي قالوا لي فييييه

كيف الفرامل قلت لهم توها جديده بس المشكله لما ابي اهدي ترج معي الفرامل

قالوا لازم تخرط الهوب ونا متعود اذا جيت اركب قماش جديد لازم اخرط الهووووب

معقوله يحتاج لها خرط مره ثانيه وهل تتوقعوا ان الترصيص الارضي والخرط هو الحل لهذه

المشكله افيدوووني لمن سبق وان واجهته مثل هالمشكله ولكم جزيل الشكر والامتنان

حقيقة ماعرفت وش بالضبط واجهك من مشكلة!..

للعلم ترى موب لازم كل مره تغير فيها الفحمات لازم تسوي خرط, انا قبل فتره غيرت الفحمات بنفسي ولما كشفت على الهوب صار مايحتاج له خرط وركبت الفحمات والحمد لله مافيه اي مشكلة..

لما تبي تعرف الهوب إذا كان متضرر او لأ, ألمس الهوب وهو بارد بشكل أفقي إذا لاحظت وجود مطبات او حسيت انه غير ملمس وخشن اعرف ان الهوب يحتاج خرط حتى لو ركبت فحمات جديده لازم الهوب ينخرط حتى يطلع له وجه جديد وملمس..

من ناحيتي افضل انك تسوي خرط إلكتروني (بالمكينة) لأن فيه عندهم عادي وفيه بالمكينة واكيد حق المكينة اقوى وادق من شغل اليدوي!..

طبعا ً بعد ماتسوي خرط هوبات والتشييك عليها الأربع وتسوي ترصيص (افضل تسوي ترصيص ليزر بحكم انه افضل شيء واغلاهم!) وقتها شوف السيارة وجربها إذا ماحسيت اي فرق ونفس المشكلة وقتها انا اقولها لك المشكلة من الكفرات إما انها محبلات او نوعها مش ولا بد!.. :)

جرب غير الكفرات انا صارت عندي رجه وغيرت الكفرات ركبت جديده وراحت الرجه والاصوات :)

إذا صارت الرجة في الدركسون بسسس فكذا يبيلك ترصيص أرضي
أنا أمس سويت ترصيص أرضي عند العضيب وماشاء الله الموتر رجع وكالة

طيب تعرفوا مخرطه تسوي خرط هوب الكتروني وياليت تدلوني على محل يسوي ترصيص ارضي او ليزر مع اني اول مره اسمع ليزر بس هل هو نفسه الارضي
طبعا انا من سكان جده وابيكم تدلوني على الافضل وشاكر لكم تفاعلكم مع الموضوع