كفرات بوتنزا ادرينالين الرياضية من بريجستون

http://www.hondaarabia.com/club/imag...ee8ebb44ac.jpg

http://www.hondaarabia.com/club/imag...ee8eb39cba.jpg

http://www.hondaarabia.com/club/imag...ee8eb7baea.jpg

http://www.hondaarabia.com/club/imag...ee8ec00605.jpg

تجربتي لكفرات الادرينالين :

ركبت الكفرات هذي على سيارتي الاكورد قبل شهرين تقريباً لكني كديتها ومشيت عليها ممشى 6 شهور (20 الف كيلو) . ما خليت بها محل .. القصيم ، المدينة ، ينبع ، جدة ، مكة ، الطائف ، الرياض ، وأخيراً الشرقية . وافضل خط جربتها فيه كان طريق السيل . طريق طويل وكله لفات وبدل ما اهدي السرعة عند اللفات بالعكس كنت اوصلها طبلون السيارة (220 كم/ساعة) وبكل ثقة .

اول ما ركبت الكفرات حسيت ان سيارتي صارت اثقل لكن بعد فترة من الاستخدام وبعد ما تعودت عليها عرفت ان الثقل هذا سببه ثبات الكفر في الارض وهذا خلاني بعد الاعتماد على الله سبحانه اوثق في سواقتي وفي سيارتي اكثر . يعني تطوف وتساقط وتفرمل بكل ثقة وبدون خوف او شك ان الكفرات تخذلك .

رغم اني جربت الميشلان (كفرات الوكالة) والفايرستون وكانت ممتازة . لكن والله انها ما تصف جنب الادرينالين ولا تجي بمميزاته لا من ناحية الاداء على السرعات العالية ولا الثبات في اللفات والفرامل ولا النقشة .. وحتى الصوت اكثر هدوء .

من الكلام المنتشر عن الكفرات الرياضية انها مزعجه وتطلع اصوات اول ما تبدا تمسح . والكلام هذا صحيح حتى في كفرات البريدجيستون الرياضية (بوتنزا جي 3) لكن شركة بريدجيستون تلافت المشكلة هذي في الموديل الجديد (بوتنزا ادرينالين) وصغرت الفتحات في اطراف الكفر وانحلت مشكلة الاصوات وصار الكفر هادئ نسبياً .

بما ان مقاس الجنط عندي 17 انش ركبت مقاس 17/55/215
وكلفني الكفر الواحد 620 ريال مع الترصيص (من الوكيل - مؤسسة الطلائع)

صحيح الكفر غالي لكن انا اخذته من الشركة نفسها واتوقع يكون ارخص برى وثانياً الكفر بكل صراحة وبدون مجاملة يستاهل كل ريال دفعته فيه .

المميزات :

من ناحية المميزات مابي اتفلسف كثير لان الشركة المصنعة للكفر ما قصرت في البروشور اللي فوق . بس اللي احب اقوله لكم ان كل المميزات اللي قريتوها صحيحة 100% وكلامي هذي عن تجربه !!

واخيراً ..

ارجوا رجاء خاص انه ما يجي احد يتفلسف ويقول لي الميشلان ولا الدنلوب ارسى واحسن !! اول شي لاني ما حطيت تصويت عن افضل كفر وثانياً انا ما تكلمت هنا الا عن تجربه واللي سمع مو مثل المجرب !! ادري ان اغلبكم يفضل الميشلان او الدنلوب لانها الكفرات اللي جات من الوكالة لكن هذا ما يمنع ان فيه كفرات افضل منها وترى شركة هوندا ماهي مثل شركة فيراري عشان تركب لكم افضل الكفرات واغلاها . والشعب السعودي فيه ميزة : دايماً يمشي على مبدأ (مع الخيل يا شقرا) وهذي اللي يخلي 70% منهم معهم سيارات تويوتا وجوالات نوكيا .

^
^
زبدة الكلام هذا :

رجاءاً .. اللي ما جرب لا يتفلسف !!

وسلامتكم ..

عذراً عن الاطالة .. واذا عندكم اي استفسارات انا حاضر

بصراحه ماقصرت..وصف ولا أروع,,بس غاااااااااااااااالي..يعني لو أطير وأنزل وأطير وأنزل أبوي مو مركبه لي:d

اقتباس:

---

المشاركة الأصلية كتبت بواسطة JUVENTUS

بصراحه ماقصرت..وصف ولا أروع,,بس غاااااااااااااااالي..يعني لو أطير وأنزل وأطير وأنزل أبوي مو مركبه لي:d

---

من جد نفسي اضحك هههههههههههههههههههههههه:d

كلامك صحيح يافريد صراحه انا افكر اني اغير الكفرات وانت عارف ليه ======> كفراته مسحت وطفش من صوت ميشلان المزعج:mad:

المهم كفيت وفيت وشرح ولا اروع مااقدر اضيف على كلامك الا الله يعطيك العافيه على الشرح الرائع
وحبيت اضيف للاعضاء اني من الناس اللي يشهدون على كلامك لاني ركبت معك كذا مره ولما طلعنا من المدينه الى الشرقيه وغير الفرفه بالخبر =======> ماودك تسكت مطيح الميانه:d

من الاخير انت:cool:

أولا كلامك جدا جدا مقنع ومشجع....لكن الامر لا يخلو من بعض الاستفسارات:-

1/ السعر: هل السعر غالى بسبب انك مركب مقاس 17 انش للجنط....لان ودي اركبه على مقاس 16 /55 /215 فكم يكون السعر..

2/ الاداء: هل يؤثر على عزم السياره وقومتها سلبيا او ايجابيا لانه على كلامك " حسيت ان سيارتي صارت اثقل لكن بعد فترة من الاستخدام وبعد ما تعودت عليها عرفت ان الثقل هذا سببه ثبات الكفر في الارض " خصوصا ان سيارتي Accord V6 و مقاس الكفر غير مقاس الوكاله 16 /60 / 205 ......

:cool: وشكرا على الموضوع الاكثر من رائع :cool:

طيب يازلمه في منها مآسات لجنط الوكاله,,,,,,,

الله يعطيك العافيه

يافرييييييييييد

كفيت ووفية وماقصرت
وودي اركب بس اذا بعت الجنوط وش اركب من جد <<ياخي سعرها غالي

ممكن حبيتين (حزمتين)...؟؟ تجيب راتب شهرين
ووشرايك تشاركني ونبيع

لا تفهم غلط

احسن من العطيليه والكداديه


طيب مافيه خصم


<<فلسفتك كثثثثثثثيييييييييييرررررررررررره


المهم


وصفك رائع وتقريرك اورع والاجمل هو انك طرحته عن تجربه


سلمت اناملك بما بدعت في كتابة الموضوووووووع

تشكر والف شكر لك

وتستاهل التثبيييييييييييت<<طرح الميانه

ماقدر اقول

الا الله يوفقك وتقطع كفراتك بالعاااااااافيه بعد 10 سنوات وتخفيض 5 سنوات
<<اسكت احسن لك


ودمتم بسلااااااااام

قسم إنوه صادق وقسم إني كنت معه في طريق السيل وما شاء الله تبارك الله قوية مرة انحم كنا سوا وفسم انوه خبلنا بالسرعه

هههههههههههههههههههه متأثر بالمسلسل الفله:d

ـــــــــــــــــــــــــــــــ

فعلاً كفرات أدرينالين قوية جداً وثبات ولا أروع ومن واقع تجربه مع الفريد افندي


تحياااتيــ

اقتباس:

---

المشاركة الأصلية كتبت بواسطة faisal_606

1/ السعر: هل السعر غالى بسبب انك مركب مقاس 17 انش للجنط....لان ودي اركبه على مقاس 16 /55 /215 فكم يكون السعر..

---

مثل ما تفضلت .. وكل ما كبر مقاس الجنط كل ما كان سعر الكفر اغلى
وبالنسبة لمقاس 16/55/215 تحصله بـ 480 ريال من الوكيل

اقتباس:

---

2/ الاداء: هل يؤثر على عزم السياره وقومتها سلبيا او ايجابيا لانه على كلامك " حسيت ان سيارتي صارت اثقل لكن بعد فترة من الاستخدام وبعد ما تعودت عليها عرفت ان الثقل هذا سببه ثبات الكفر في الارض " خصوصا ان سيارتي Accord V6 و مقاس الكفر غير مقاس الوكاله 16 /60 / 205 ......

---

الاداء افضل بكثير مما تتوقع وصدقني بعد ما تجربها بتحس بالفرق . وانا كتبت الكلام هذا عشان ما تتعقد من الكفرات اول ما تركبها . كلها فترة بسيطة يعني فترة يومين وانت تسوق بها سواقة رالي مثل مثل النعال الجديدة الله يعزك . اول ما تلبسها ما تعرف تمشي بها .. وصلت الفكرة ؟!

بعدين ترى سيارتي اكورد V6 مثلك وفيه واحد من الشباب سيارته V6 بعد توه مركب تفس المقاس اللي قلت عليه على جنوط الوكالة . والحمدلله يمدح فيها وما واجه منها مشاكل ابد .. يعني تطمن !!

اقتباس:

---

:cool: وشكرا على الموضوع الاكثر من رائع :cool:

---

الشكر لك على مرورك الكريم واستفساراتك اللي في محلها
وان شاء الله يستفيدون منها الشباب

:)

اقتباس:

---

المشاركة الأصلية كتبت بواسطة هوندا.com

طيب يازلمه في منها مآسات لجنط الوكاله,,,,,,,

---

عند اذنك شاويش فريد محمد =========> ماودك تخلص
ردا على سؤال هوندا.com
اي يوجد مقاس انت مانت شايف البروشور اللي حاطه مشرفنا العام الله يطول بعمره =====>بدا يتمصلح:d

انظر الى المجموعه 55 مثلا 17/55/215 مثل ماهو مركبه مشرفنا
ولاكن للاسف لايوجد منها نفس المقاس للسيارات السبيشل حسب ماهو مكتوب في البروشور
ولاكن يوجد نفس المقاس لسيارت الفل
طبعا ياشباب انا اقصد في السبيشل الجنوط الحديد اللي مقاسها 15
والمعروف ان الجنوط للاكورد مقاسها 16

http://www.l5s.net/uploads/c80eee4883.jpg

^
^

مشكور على التوضيح يا ماهر .. لاهنت
بس خلني اصحح فيه شوي

اقتباس:

---

المشاركة الأصلية كتبت بواسطة هوندا.com

طيب يازلمه في منها مآسات لجنط الوكاله,,,,,,,

---

اذا تقصد مقاس كفرات الوكالة 16/60/205 للاسف ما فيه

اما اذا تقصد مقاسات الجنوط 15 و 16 ففيه مقاسات مختلفة لها
والجدول اللي في آخر البروشور يوضح المقاسات المتوفرة


وعشان نوضح لك اكثر وشهي سيارتك ؟ وكم مقاس الجنط عندك ؟

مشكور فريد على الموضوع الحلو والتجربة المميزة
..
انت خليتني الحين كذا :rolleyes:...لاني ودي اغير كفرات سيارتي ...انا مركب بريدجستون بوتينزا جي 3 ...وانا حالف ما اركب اللا مثلهم مرة ثانية ...لانه بصراحة الكفر محترم جدااا...صار لي مركبهم سنتين تقريبا ورايح جاي الجبيل سيهات يوميا .... والحمدلله ماشفت منهم اللا كل خير
..
الحين انت ويش رايك اركب نفسهم او نفس كفرات سيارتك .؟؟لانك حيرتني بصراحة
..
أنا واحد ما أحب اللا كفرات بريدجسنون وخصوصا البوتنزا لدرجة اني حاط استكر بريدجستون على سيارتي :d...
..
تحياتي

لبىىى الاصابع اللي طرحت التجربه

بصراحه انت خطيررررررررررررررررررررر

ويبغالي فره معك :d


برايفت كن رهيباً\\\

كفرات سيارتي من الوكاله ادرينالين:cool: وهذي ميزه اضافييييه انتبهت لها النهارده:p

فوتكووو بعافيه

JUVENTUS
accord 2007
accord2002

مشكورين على المرور يا حلوين
وعقبالكم

;)


الوااافي

هلا والله بالذراع الايمن
اشكرك على المرور والطلعة هذيك لازم تنعاد بإذن الله

:)

اقتباس:

---

المشاركة الأصلية كتبت بواسطة i-vtec2005

مشكور فريد على الموضوع الحلو والتجربة المميزة
..
انت خليتني الحين كذا :rolleyes:...لاني ودي اغير كفرات سيارتي ...انا مركب بريدجستون بوتينزا جي 3 ...وانا حالف ما اركب اللا مثلهم مرة ثانية ...لانه بصراحة الكفر محترم جدااا...صار لي مركبهم سنتين تقريبا ورايح جاي الجبيل سيهات يوميا .... والحمدلله ماشفت منهم اللا كل خير
..
الحين انت ويش رايك اركب نفسهم او نفس كفرات سيارتك .؟؟لانك حيرتني بصراحة
..
أنا واحد ما أحب اللا كفرات بريدجسنون وخصوصا البوتنزا لدرجة اني حاط استكر بريدجستون على سيارتي :d...
..
تحياتي

---

العفو حبيبي البي .. ان شاء الله تكون استفدت
وبما انك شخص مجرب ما يحتاج اقول لك غير ركب الادرينالين ولا تشاور !!

:cool:

اقتباس:

---

المشاركة الأصلية كتبت بواسطة Accord 4 EvEr

لبىىى الاصابع اللي طرحت التجربه

بصراحه انت خطيررررررررررررررررررررر

ويبغالي فره معك :d


برايفت كن رهيباً\\\

كفرات سيارتي من الوكاله ادرينالين:cool: وهذي ميزه اضافييييه انتبهت لها النهارده:p

فوتكووو بعافيه

---

يالبي خشمك انت

:o

برايفت : اي سيارة تقصد المصدومة ؟
ولا اللي بتطلعها بعد العيد ؟!

:p

B Unique
والله انا في الكفرات من جنبها و ما عندي سلافه

وموضوعك ذا فتح مخي شوي
موضوع رائع

يعطيك 100000000عافيه
وتسلم يمينك
:cool:
:cool:

اقتباس:

---

المشاركة الأصلية كتبت بواسطة B Unique

يالبي خشمك انت

:o

برايفت : اي سيارة تقصد المصدومة ؟
ولا اللي بتطلعها بعد العيد ؟!

:p

---

محمد ايش تقصد ال S2000 الله يباركلك فيها يا سعيد
بس على فكره سعيد طلعتها ولا باقي

^
^
^
^
^


لاتعلمهم عن المووتر:mad:

وبعدين تراها السياره اللي بعد العيد ,,, اللي لاطلعت ان شاءالله بصير كل ساعتين اروح الجبيل اشتري خبز ولبن وارحع:p

يعطيك العافيه :cool:

بصراحه عرفت شي حلو عن برجستون :)

و ادرينالين اول كفرات بغيرها بسيارتي السيفك الجديده ;)

والله هوندا شركه محترمه وسياراتهم اناقه ونعومه وقوه 000 اوووووه

من سحرها طلعت برا الموضوع 000 مع ان كفرات السيفك برجستون

لكن في الحقيقه ما ادي وش نووع الطرراز 0 يبغالي اشييك على الطراز

يخليك ربي على هيك معلومه :cool:

اقتباس:

---

تجربتي لكفرات الادرينالين :
وافضل خط جربتها فيه كان طريق السيل . طريق طويل وكله لفات وبدل ما اهدي السرعة عند اللفات بالعكس كنت اوصلها طبلون السيارة (220 كم/ساعة) وبكل ثقة .

---

وانا اشهد ,,
وانااشهد ,,,
وبأذن الله اني راح اركب هالكفرات اول ماتطلع الجثة سيارتي من الورشة ,,,
كنت راكب انا والواافي مع الشاويش بخط السيل ,, (( بعد حادثي مباشرة )) والآدمي ممسك على 200 - 220 كم/س ولا يقدر ظرف واحد مثلي مالة 24 ساعة طالع من سالفة غبية صارت لة :d

وعلى فكرة ,, بعد الاذن من الشاويش ,,,, عندي مقطع وحنا ماسكين الخط في الليل وانت ماشي بسرعة 200 ومتجاوز مع اليمين وشاطف سيارة كبيرة ,,, اذا تبي احطة على الـ youtube.com ماعندي مانع ,,, عشان يصير التقرير متكامل جداً ;)

اقتباس:

---

رجاءاً .. اللي ما جرب لا يتفلسف !!
والشعب السعودي فيه ميزة : دايماً يمشي على مبدأ (مع الخيل يا شقرا) وهذي اللي يخلي 70% منهم معهم سيارات تويوتا وجوالات نوكيا .

---

اي والله شباب ,,, اللي ما جرب ,,,, لا يفتح سالفة يقولون ,, رساوة ماشاء الله لا قوة الا بالله ,,, الميشلان حق الوكالة والله مايصف جنبة ابد ,,,

:cool:تحياتي لك شاويش فريد شاويش كن فريداً كن انت شاويش محمد شاويش B Unique على هالتقرير الرائع ,,, :cool:

اقتباس:

---

المشاركة الأصلية كتبت بواسطة كوكو كورد

وعلى فكرة ,, بعد الاذن من الشاويش ,,,, عندي مقطع وحنا ماسكين الخط في الليل وانت ماشي بسرعة 200 ومتجاوز مع اليمين وشاطف سيارة كبيرة ,,, اذا تبي احطة على الـ youtube.com ماعندي مانع ,,, عشان يصير التقرير متكامل جداً ;)

---

الا خل اذن الشاويش في حالها واهجد
بلا فضايح !!

:rolleyes:

اقتباس:

---

:cool:تحياتي لك شاويش فريد شاويش كن فريداً كن انت شاويش محمد شاويش B Unique على هالتقرير الرائع ,,, :cool:

---

ههههههههههههههههه

الله يرجك يا مصعب على الخاتمة
خليتني اضحك من قلب !!

:d

ومشكور على هيك مرور
كلك زوق

اقتباس:

---

هلا والله بالذراع الايمن
اشكرك على المرور والطلعة هذيك لازم تنعاد بإذن الله

---

طيب انا الذارع الخلفي :d

ممكن تقول لي حاجة حلوة زي ما قلت للوافي :d

ولا صرت انا والعفش سوا ؟:p

واخيراً نزل التقرير بس صراحه حلوه الكفرات ذي ونقشتها حلو يكفيك من اسـمها ادرينالين

اقتباس:

---

المشاركة الأصلية كتبت بواسطة كوكو كورد

طيب انا الذارع الخلفي :d

ممكن تقول لي حاجة حلوة زي ما قلت للوافي :d

ولا صرت انا والعفش سوا ؟:p

---

على الاقل العفش ما كان يكلفنا في الاكل والشرب
اما انت محسوب علينا خسارة وراقد طول الوقت !!

:p

صراحه موضوع حلو من جد متعوب عليه والأحـلا منه كله انك انت اللي كاتبه

مشكور ويعطيك الف عافية

mohd_2007
وزران
يامطنش
ل م س 3 3 4

الف شكر لكم على المرور وتسلم يمناكم على الردود

:)

والله اني أحك راسي حك أبي أتذكر سعر الكفرات لمقاس الأكورد لأني رحت وكالتها وسألت عنها لكن والله اني نسيت ..

على العموم هي أرخص بكثير من سعر مقاس الجنط 17 ,,

المهم ان سعرها في ال 400 وعليها ,,

مشكووور اخوي B Unique على الموضوع المتكامل والمدعم بالتجربه :cool:

انا كفرات اكوردتي ميشلان من يوم استلمتها من الوكالة والصراحه رائعه جدا بس مشكلتها مثل ماقلت يوم مشيت عليها 35 الف كيلو تقريبا بدت الكفرات تطلع صوت مع انها لاتزال بحالة جيده :( وكل مازادو الركاب كل مازاد الصوت

حسب تجربتك يامحمد تتوقع ان كفرات الادرينالين ممكن انها ماتزعجني بالصوت مثل الميشلان لان الصوت قلق الصراحه

اخوي فريد ....ابغى منك نصيحة مجرب ...انا الحين مركب بوتنزا جي 3 مقاس 215/55/16 حلو.......هل فيه مشكلة اذا زدت العرض الى 225 او اخذ نفس المقاس ؟؟؟؟ لاني منزل السيارة بنظام اسبنشن ..وحلاة التنزيلة بكفرات عريضة ...
..
تحياتي

اشكرك اخوي B Unique على الموضوع الرائع وصراحة سويت للكفرات دعاية قوية
لكن عندي استفسار يا ليت تخدمني فيه لانه مهم قبل اشتري الكفرات

على الكفر تلاقي كلمتين :

Traction Temprature

اللي هي درجة الحرارة اللي يتحملها الكفر ومقدار تحمل الكفر لقوة سحب السيارة
تلاقي قدامهم حرف انجليزي يا A او B
يا ليت توضح بس ومشكور الله يعطيك العافية

اقتباس:

---

المشاركة الأصلية كتبت بواسطة أكورداوي

والله اني أحك راسي حك أبي أتذكر سعر الكفرات لمقاس الأكورد لأني رحت وكالتها وسألت عنها لكن والله اني نسيت ..

على العموم هي أرخص بكثير من سعر مقاس الجنط 17 ,,

المهم ان سعرها في ال 400 وعليها ,,

---

اذا تقصد مقاس الوكالة يا خالد ترى ما فيه من النوع هذا
لان اكبر ارتفاع يجي منها 55 وارتفاع كفر الوكالة 60

السعر اللي عندي هو لمقاس 16/55/215 وقيمته 480 ريال
والمقاس هذا مجرب ومناسب جداً للاكورد .. انصحك به

:cool:

اقتباس:

---

المشاركة الأصلية كتبت بواسطة الاخطبوط

مشكووور اخوي B Unique على الموضوع المتكامل والمدعم بالتجربه :cool:

انا كفرات اكوردتي ميشلان من يوم استلمتها من الوكالة والصراحه رائعه جدا بس مشكلتها مثل ماقلت يوم مشيت عليها 35 الف كيلو تقريبا بدت الكفرات تطلع صوت مع انها لاتزال بحالة جيده :( وكل مازادو الركاب كل مازاد الصوت

حسب تجربتك يامحمد تتوقع ان كفرات الادرينالين ممكن انها ماتزعجني بالصوت مثل الميشلان لان الصوت قلق الصراحه

---

عزيزي الاخطبوط (ابو ايدين واجد)

انا بعد ما جربت الادرينالين طلقت الميشلان بالثلاث واول الاسباب الصوت اللي تشتكي منه اللحين . حسب تجربتي للادرينالين .. مشيت عليها مسافة 20 الف كيلو تقريباً وصوتها للحين ما تغير عنها وهي جديدة واتوقع ان شاء الله انها تبقى كذا

:cool:

ولا تنسى ان وزن الاذرعة الخلفية شي ضروري اول ما تركب كفرات جديدة عشان يكون المسح متساوي وما يمسح عليك الكفر من داخل وخارجه باقي جديد

اقتباس:

---

المشاركة الأصلية كتبت بواسطة i-vtec2005

اخوي فريد ....ابغى منك نصيحة مجرب ...انا الحين مركب بوتنزا جي 3 مقاس 215/55/16 حلو.......هل فيه مشكلة اذا زدت العرض الى 225 او اخذ نفس المقاس ؟؟؟؟ لاني منزل السيارة بنظام اسبنشن ..وحلاة التنزيلة بكفرات عريضة ...
..
تحياتي

---

المقاس اللي انت مركبه حلو ومناسب جداً للاكورد . ونصيحتي لك لا تغيره لاني جربت مقاس 225 قبل فترة وكان عريض وطالع شوي عن الرفرف . شكل السيارة صراحة كان بااااااااايخ واضطريت ان استبدل الكفرات بعد ما مشيت عليها اسبوع بس . حتى خسرت في الاستبدال 1000 ريال !!

:(

المهم .. انا شخصياً مقاس 225 ماهو عاجبني ولا اشوف انه يركب على الاكود ابد لكن فيه شباب هنا مركبينه ويمدحونه وان شاء الله يفيدونك بتجاربهم

اقتباس:

---

المشاركة الأصلية كتبت بواسطة Accordi 2007

اشكرك اخوي B Unique على الموضوع الرائع وصراحة سويت للكفرات دعاية قوية
لكن عندي استفسار يا ليت تخدمني فيه لانه مهم قبل اشتري الكفرات

على الكفر تلاقي كلمتين :

Traction Temprature

اللي هي درجة الحرارة اللي يتحملها الكفر ومقدار تحمل الكفر لقوة سحب السيارة
تلاقي قدامهم حرف انجليزي يا A او B
يا ليت توضح بس ومشكور الله يعطيك العافية

---

هااااااه وش رايك يا Accordi
انفع مندوب مبيعات ؟!

:d

السالفة وما فيها اني جربت الكفرات هذي وحسيت بجودتها ومميزاتها اللي تخليك تطلع امكانيات الاكورد فحبيت افيدكم واشارككم بتجربتي المذهلة !!

;)

شاكر لك مرورك وهذي المعلومات اللي طلبتها

Traction A
Temprature A

مشكور يا بو فيصل على الموضوع الأكثر من رائع ...والمعلومات المفيده ...

تقبل مروري ....؟

سلمت و سلمت يدينك يا فريد على هالموضوع :cool:

بالنسبه للكفرات انا عندي حساسيه من شي اسمه بريدجستون :(

كم مره نكبتني هالكفرات و كم مره بغيت اجيب العيد بسببها

خلال مدة سواقتي ثلاث كفرات انصلخت علي .. و كلها بريدجستون :mad:

خلال سنه و نص الى سنتين استخ بسدام

جربت الميشلان و التويو و اليوكهاما و الفايرستون و الهانكوك

و ولا واحد منها انصلخ علي مع ان مدة استخدامي لكل الكفرات متقاربه

و ناس واجد يشتكون من هالمشكله بالبريدجستون خصوصا

و لاحظ لو انصلخ عليك الكفر ما راح تخسره هو بس .. لا بالغالب بيعدم

لك المنطقه اللي حوله كلها رفرف صدام ...

يعني معليش ممكن اتحمل الازعاج و ارضى برساوه اقل لكن لا ينصلخ علي الكفر

و الشي الاخير ما لها داعي ادفع الفين ريال بكفرات و ما تكمل سنتين الا هي تحتاج تغيير

<< بالنسبه لي كـ طالب اغلب مصروفي من مكافئة الجامعه

انا واثق في كلامك يا فريد 100% بالنسبه للرساوه و الهدوء

لكن الشيء الاهم بالنسبه لي ( عمر الكفر ) ما ادري عنه بالانواع الجديده من البريدجستون

ممكن تصبر ثلاث سنوات و معدل ممشى 120 الف كيلو خلال هذي المده

و الااستخدام مدينه و خطوط على سرعات عاليه ؟؟؟

ما اعتقد فيه احد ممكن يجاوب على هذا السؤال بالوقت الحالي لانه ما صار لها مده نازله

و انا ما عندي استعداد اجرب بعد تجاربي السابقه مع هالكفرات << لا تكفى جرب :p

فريد اذا بتشوتني خلها على الخاص

الله يعطيك العافيه :cool:

لاكن والله غاااالي :(>> لاكن كلام accord 06 يقول ان الكفر انصلخ عليه:eek: < يعني قهر تشتريه غااالي واخرتها ينصلخ عليك .

A C C O R D

هلا والله بالاكورد المتزاعلة
وين الناس يبو ؟ كل هذا تغلّي ولا ناسينا ؟

:rolleyes:

واشكرك على مرورك طال عمرك

accord 06

والله كلامك يخوف يا مشمش !!

:g:

ما اكذبك بس الصراحة اول مرة اسمع عن المشكلة هذي في البريدجيستون وقد جربته على سيارات واجد (سوبربان وكابريس وكوريلا وكامري وكيا كلارس) والصراحة كان افضل ما يكون

الله يستر بس كلي امل ان الكفر يعمر معي الفترة اللي قلت لانه ما تغير فيه شي مع اني ماشي عليه 20 الف كيلو اللحين وحتى صوته تقريباً مثل ما اشتريته هادي

اكوردي 2004

الله يعافيك يا منصور
وما عليك من مشعل !! هذا بس يبي يخرب علي الدعاية ويبيني اخسر العمولة

<< يأمل نفسه :rolleyes:

اقتباس:

---

المشاركة الأصلية كتبت بواسطة B Unique

شاكر لك مرورك وهذي المعلومات اللي طلبتها

Traction A
Temprature A

---

ما شاء الله تبارك الله
B Unique صراحة مميزاتها حلوة الله يعطيك خيرها ويكفيك شرها
وسامحنا عاد خليناك تعفس حالك عند الكفر عشان تطلع المعلومات
وين ادارة المنتدى تكافئك على هذا الاخلاص <<< حتى احنا نسوي لك دعاية :d
الله يعطيك العافية

B Unique

و الله انه هذا اللي صار معي :(

مدري هو من استخدامي و لا من ايش ؟

لكن نقول ان شاء الله تكون تعدلت المشكله بالانواع الجديده

تحياتي

مشعل الجفالي :d << لحد يصدق

اكوردي 2004

لا .. انا تكلمت عن تجربتي مع الانواع القديمه من البريدجستون

آخر كفر بريدجستون ركبته ممكن قبل اربع سنوات

اما هذي النوعيه ما جربتها و اعتقد ما كملت سنه من نزولها