وش افضل ورشه لسمكره هوندا

عندي صدمه خفيفه في الصدام .. بس احترت وين اصلحها خفت اوديها لمحل يصلحها اي كلام ... وشي افضل ورشه لسمكره هوندا مع العلم اني في الرياض

اول شي مرحبا فيك في نادي محبي هوندا
ونصيحتي الوكاله ادفع اكثر ولا واحد يتعلم على سيارتي

أعتقد أخوي ........ إن أفضل ورشة للسمكرة ...... هي أفضل ورشة لسمكرة هوندا :)

حسب الصدمه يعني خدش غير طعجه

ماعندي خبره بورش الرياض بس اسئل الشباب وهم يدلوك

لو كان مطعوج راح تبدل الصدام افضل وهذا الي تسويه الوكاله

انصحك تروح مركز الوفاء في الصناعية القديمة .

هلابك اخوي

عندك مركز الوفا بالصناعيه القديمه

وعندك برضو دريم كار بالصناعيه القديمه مخرج 17 طريق الامير سلمان

شغل وكاله بس الله يعينك على الاسعار

اتمنى اكون افدتك واي سؤال انا تحت امرك

اخوك
عزوز ورشه

اذا الصدمه قويه ودها الوكاله احسن اما اذا خفيفه ودها ورشه ومسامحه كوني بحريني فانا لا اعرف الورش الي في السعوديه

السلام عليكم ورحمة الله وبركاته

لقد صدم واحد من أرحامي سيارته الأكورد 2006
رجع عليه جمس وهو واقف في الجامعة ودخل في الباب الخلفي

الحقيقة نصحته بالوكالة، وصلحها عندهم والسيارة ما شاء الله رجعت جديدة ولا في الخيال
وشيء مضمون ومتقن لا يصل إليه الورش العادية ولو وصلوا تكون الأسعار غالية عن الكل
اذا الوكالة أفضل ومن واقع تجربة أكثر من مره. وسيارات مصدومه أشد الصدمات تعود بقمة الاتقان كالجديدة.

كان هذا رأيي المتواضع

بصراحة انا اشوف اذا السيارة جديدة وفيها حكة خفيفة او طعجة خلها فترة عشان العين تبعد عنها وبعدين روح الوكالة زي ما قالو الشباب عشان شغلهم :cool:

باترويوت هوندا انت قلت ان الاسعار راح تكون غالية ومرتفعة عند دريم كار ومركز الوفاء بالصناعية القديمة فهل راح توصل لحد الوكالة او اقل من ذلك ؟ ووين الاقي مركز الوفاء ودريم كار بالضبط ؟ مع علمي بالصناعية القديمة .

شبااااااااب رحت الوكاله وعندي خدوش بسيطه قال لي المهندس تعال وقت ثاني اصلح لك تلقيط مجااااااااااااااااااني بس اذا كانت خفيفه ولكم خالص تحياتي.