تغيير زيت القير للأكورد 2003 - 2007

السلام عليكم ورحمة الله وبركاته

أسعد الله اوقاتكم بكل خير

استفساري يدور حول تغيير زيت القير ، أنا من ملاك هوندا القديمين ، وكنت دائماً أغير زيت القير

لدى الوكالة لأنه كان يكلفني

30 ريال قيمة علب الزيت

10 شغل يد

* وهذا السعر معقول وممتاز جداً لذلك كنت ما أغير زيت القير إلا عند الوكالة ،

فجأة الوكالة رفعت سعرها من 40 ريال إلى 170 أو 180 ماني متأكد بالظبط

لأسباب غير مبررة فقط جشع تجار !!

ولازم حجز مسبق وكلام فاضي ..

، المهم انا بكل بساطة ودي ( أسحب على الوكالة ) وأروح مركز مختص

يوجد به عمالة مدربه ، اذا أحد الاخوان له تجربة مع احد هالمراكز وماواجه

مشكله في سيارته أتمنى يحكي لنا عن تجربته

وتقبلوا فائق تحياتي وتقديري ..

قبل اسبوع مغير الزيت القير بالوكاله بـ 202 ريال سعودي :o

اقتباس:

---

المشاركة الأصلية كتبت بواسطة accord7

قبل اسبوع مغير الزيت القير بالوكاله بـ 202 ريال سعودي :o

---

حسبي الله ونعم الوكيل

:(

.

يا اخوان كل كم اغير زيت القير لاني بصراحه من 2005 للحين مغيرت زيت الوكاله :$

^^^^^^^

لا تتهور وتغيرة ولا القير راح يعطيك عمره دام أنك ما غيرته بتاتاً :eek:

الموتر الجديد أو تغييره له على 60 ألف وبعدها تبداء تغيره كل ما مشيت عليه 30 ألف وعادي لو غيرته على 25 ألف بدلا من 30 ألف .

اخوي ن ع ر الاكورد حقتي ماشيه الحين ميتين الف و شوي اغير زيت القير ولا اخليه

ماشية 200 ألف وما غيرته بتاتاً ؟

إذا كذا لا تغيره على طول لأنه لو غيرته بي جديد راح يخبط عندك القير على طول .

لكن فيه طريقه ممكن أنك تغير فيها الزيت بس لها خطوات وهي تسحب مقدار علبه وحده من الزيت القديم وتظيف مكانها علبه زيت جديد وتخليه فتره وتعيد نفس الحركة إلى أن يتعود القير على الزيت الجديد بعدها ممكن أنك تغير الزيت كامل بزيت جديد وأهم شيء الزيت يكون زيت قير هوندا مو إسي ديلكو الأمريكي <<<< أحذر تسلم :d

ولو ما فهمت سو بحث بالمنتدى فيه مواضيع تتكلم بهذا الخصوصا لعلك تستفيد منها .

^^^
وانا الشاهد الاول على هذا الكلا باقي شاهد واثنين مزكيان <<< اطلع بره :mad: >> ابشر:o

آنآ غيرته بالوكآله زيت مكينه + سيفون + زيت قيرٍ بـ 337

انا اغير زيت القير خارج الوكاله من فتره طويله يعني اكثر من اربع تغييرات

وماواجهت اي مشكله ...كل الي اسويه اشتري زيت القير للهوندا من محلات قطع الغيار واقرب بنشر مضمون يغيره

ثلاث علب زيت تقريبا بـ 110 والتغيير 5 او 10 ريال

انا معي نفس موديلك ومغير الزيت قبل يومين :d

اشتريت ثلاث علب سعر العلبه = 40 ريال * 3 = 120 ريال

السياره اخذت بالضبط علبتين ونص تقريبا باقي معي نص علبه

والتغيير عند محل شفط اخذ 15 ريال شفط الزيت كله وعبى الجديد وانتهينا :cool:

المجموع 120 + 15 = 135 ريال

اترك عنك الوكاله نصابين اشتري الزيت وشوف لك محل شفط وعبي الجديد واستمتع