صار لي حادث والحمد لله على السلامة ولم اتذكر سواكم فعدت إليكم صور الحادث

السلام عليكم جميعااا
اسعد الله صباحكم
وامتع الله مسائكم

بدخل بالموضوع على طووول
انا يا جماعة الربع قدر الله علي وصار لي حادث الله يكافيكم شر الحوادث
بس انا كتبت الموضوع ابي افضفض مالقيت الا المنتدى العزيز علي ,,,

http://store2.up-00.com/Jun11/3fT32541.jpg

http://store2.up-00.com/Jun11/h2T32541.jpg

طبعاً المكينة واللديتر ماجها شي حتى الكبوت بس والبطن ما ادري جاه شي ولا لا
والي قهرني زيادة الارباقات طلعت ,,,

طبعاً السيارة فل كامل جلد 2010 ماشية 40,000 Km

ابغى ارائكم هل اصلحها وابيعها ولا اصلحها واخليها معي
ولو صلحتها وجيت ببيعها كم تتوقعون راح تجيب ,,,

لاحول ولاقوة الا بالله

قدر الله وماشاء فعل ..

والحمدلله ع السلامة وخطاك السوء واهم شي صحتك ولا الحديد يتعوض ..

اخوي ان كنت تبي تستخدم صلحها ياخوي ان كنت مأمن بالوكاله واستخدمها عادي ..

انا استغرب من الي لاصار لهم حادث الله يكفينا ويكفيكم شرها يقول ببيع وخلاص ومدري ايش .. شي طبيعي وماعتقد احد ماصار عليه حادث وشي وارد ..

ولا المفروض ناخذ سيارات من فولاذ عشان لاصدمنا مايصير شي بالسياره ...

يارجال توكل وصلحها واستخدم سيارتك .. وربي يوفقك

اقتباس:

---

المشاركة الأصلية كتبت بواسطة عمري الأكورد

لاحول ولاقوة الا بالله

قدر الله وماشاء فعل ..

والحمدلله ع السلامة وخطاك السوء واهم شي صحتك ولا الحديد يتعوض ..

اخوي ان كنت تبي تستخدم صلحها ياخوي ان كنت مأمن بالوكاله واستخدمها عادي ..

انا استغرب من الي لاصار لهم حادث الله يكفينا ويكفيكم شرها يقول ببيع وخلاص ومدري ايش .. شي طبيعي وماعتقد احد ماصار عليه حادث وشي وارد ..

ولا المفروض ناخذ سيارات من فولاذ عشان لاصدمنا مايصير شي بالسياره ...

يارجال توكل وصلحها واستخدم سيارتك .. وربي يوفقك

---

+1

الحمدالله ع االسلامة او شي ..

والحديد بداله حديد

انا اشوف لو عندك القدرة تبيعها وتاخذ غيرها يكون افضل

لان راح تصكك النفسية

وانا ماقلت كذا الا مجرب ومريت بالشي هذ

موفق

الحمد لله على السلامه
وماتشوف شر والله
انا اشوف ان السياره ماجاها ذاك الضرر الكبير اللي يعيب السياره
بالعكس
ماشاء الله سيارتك جديده 2010 ومشي قليل
بس الايرباق طلع لان الاكورد حساس الايرباق على طول مايصدق صدمه يطلع لاجل مستوي الامان


والله انا اشوف انك تصلح السياره وان شاء الله ماراح تكلف كثير كلها صدام وشبك وقزاز امامي وشمعه يمين
وانصحك تحافظ على الاذكار لانها حفظ للمسلم من كل شر

الحمدلله على السلامه هذا إلي اقدر اقوله وتذكر إن كل شي يتعوض

الحمد لله ع السلامة اخوي في الحديد ولا العبيد

الحادث مايخليك تبيع الموتر صراحة

يعني مايبيلك الا صدام وشبك >>ومادامك بتغيرهم انصصصصحك اشتر صدام وشبك ال2011 و12 احلى واتوقع نفس سعر ال10

اما الايرباقات عادي تتصلح

نصيحتي لك السيارة جددديدة حرام تبيع عشان هالصدمة السهلة والله يوفقك

الحمد لله على السلامه ياخوي

وماتشوف شر في الحديد ولا فيك

انا انصحك تصلحها وتستخدم وان شاء الله ماتكلفك كثير

وبالتوفيق

اقتباس:

---

المشاركة الأصلية كتبت بواسطة عمري الأكورد

لاحول ولاقوة الا بالله

قدر الله وماشاء فعل ..

والحمدلله ع السلامة وخطاك السوء واهم شي صحتك ولا الحديد يتعوض ..

اخوي ان كنت تبي تستخدم صلحها ياخوي ان كنت مأمن بالوكاله واستخدمها عادي ..

انا استغرب من الي لاصار لهم حادث الله يكفينا ويكفيكم شرها يقول ببيع وخلاص ومدري ايش .. شي طبيعي وماعتقد احد ماصار عليه حادث وشي وارد ..

ولا المفروض ناخذ سيارات من فولاذ عشان لاصدمنا مايصير شي بالسياره ...

يارجال توكل وصلحها واستخدم سيارتك .. وربي يوفقك

---

+2

يبيلك صدام وشبك

والايرباقات ركب ديكور فقط لاتشتريها كامله مكلفه

السياره تتصلح ولو بعتها بحالتها ما بتجيب سعر
نصيحه توكل على الله وصلحها
والله يوفقك يارب وما تشوف شر ان شاء الله وقدر الله وما شاء فعل

اذ فلوسك زايده بيع وشتر جديد ؟

الحمد لله على السلامه

أشوف السياره ما تضررت واجد
صدام ^^^ يكلفك حول 1500 بالوكاله ولا 1000 بورشه
الشبك ^^^ 1200 بالوكاله ولا 180 ريال تجاري ممتاز
والإرباق ركب غطيان ب600 ريال أنا مركبها ولا خذ من التشليح حول 3000

وعليكم السلام ورحمة الله وبركاته ،،،، وصبحك الله بالخير ,,,, ومساءك تحفوه بركت الله ،،،،
شوف يالحبيب أول شيء تعرف حاجه وحدة وهي بسيطة عشان لا تتكدر في المستقبل ..
1- سعر قطع الغيار التي تحتاج غيار وتبديل .
2- سعر تصليح السيارة في الورشة وتكون ورشة ممتازة .
3- أجمع جميع الصرفية التي تحتاجها السيارة .
4- شوف بكم تجيب سيارة في المعارض مثل سيارتك من ناحية الممشى وتكون مصدومة وأفضل شيء عندك موقع حراج أكيد تشوف سيارة مثل سيارتك وصاحبها عارضها للبيع .
5- شوف كم الفرق بيسير إذا والله سعر السيارة مع زيادة التصليح يكون أكثر من سعر السيارة الجديدة أي 2012 فل 4س فأفضل إنك تبيعها وتشتري سيارة جديدة طبعاً بعد الاستخارة :cool:
6- إذا سعر التسعيرة والتصليح أقل بكثير من سعر الفل 4س :( فخليها عندك وتراك في الأول والأخير أنت الخسران وإذا الواحد كل ما سار له حادث بدل سيارته لو عنده ذهب مثل الجبل بينتهي وهو ما يدري . والتبذير حرااااااااام .
لعلني أفدتك ... وكان رسول الله صلى الله عليه وسلم يستخير في كل أموره الكبيرة والصغيرة وكان يعلم الصحابة رضي الله عنهم على ذلك فل نكن قدوته صلى الله عليه وسلم ....
وأخيراً لا تنسى تسلم لنا على خير البرية صلى الله عليه وسلم وصاحبيه رضي الله عنهما .

الحمد لله على السلامه
وان شاء الله انها خيره لك

بس حبيت اسألك انت الي متصادم مع اسيزو حوض وموقعك عند كبري ام سريحه غرب الرياض 260 ك
؟؟؟؟؟؟
لاني وقفت على حادث قبل ايام وشبهت بالموقع وطريقة الحادث

وما تشوف شر

الحمد لله على السلامه

ماترا باس

نصييييحه لا تبيعها , لو تبيعها ماراح تجيب لك شي .. لأن الناس بتخسف بسعرها تحت الأرضض

صدام وشبك تشليح وانتهى الموضوع


والأرباق ركب ديكور بدون اربآق وصلى الله وبارك


الدعوه تساهيل طآل عمرك

اقتباس:

---

المشاركة الأصلية كتبت بواسطة الـمـسـافـر

يبيلك صدام وشبك
والايرباقات ركب ديكور فقط لاتشتريها كامله مكلفه

---

طيب وين اللقى ديكورات الارباق :(

اهم شي الحمد لله على سلامتك

الحمد لله على سلامتك يا غالي
وفي الحديد ولا فيك ~

ديكور الإرباق تلقاه عند حقين قطع غيار هوندا ب600 رياال

المكينه , , ,! ماجها شيء هي واللديتر وتبي تبيع ! ؟

كم حدك فيها يالخوي ؟؟

يالطيب على قد ما شفت حوادث انا اقلك حادثك هذا ما يسمى حادث واعذرني

ناقصك شبك وصدام والايرباق مو لازم سويله خياطه وانتهينا ويرجعلك كأن مافيه حادث بس بتبقى لمبة الايرباق شغاله ,, اخوي طلعله كامري 2004 على ايامها جلست معاه 4 شهور وكان مضبطها وتجيها عين ويصك بتريله يا راجل حديد الجنب حق التريله شويه ويدخل على المقصوره جوا صلحها بـ 22 الف وجلست معاه لين اشترى اوريون 2010 وانتي تقولي ببيع الله يهديك بس

اقلب الواجهه 2011 وعيش ياخوويي

حرام تبيع سياره على حاجه بسيطه

الحمدلله عالسلامه ،، بالحديد ولافيك

ياخوي موترك ماجاه شي غير الايرباق ،، ركب ديكور زي ماقالوا الشباب

وصدام وشبك وشمعة ،، وخليك 2011 وجدد :cool: