لأهـل الخـبـرهـ فـي الأكـورد .... (( كـشـافـات + تـخـشـيـبه ))

يالله حيهم كلن بـ يوزر نيمه :d

صراحه توني شاري اكورد 2006 فل << يعني باركوو له :o

وحبيت استفسر عن اشياء لو تكرمتوو ..

طبعا ابي استفسر عن الكشافات زي منتو عارفين مافيه كشافات ارضيه



ابي اعرف محل يعني شغله نظيف في تركيب الكشافات بالرياض

وياليت بعد تعلموني اسمه والحي عشان يكون واضح وكم سعره مع التركيب ؟؟

وهل الكشافات مضره على الكهربا بالسياره ؟؟

-----

ثاني شي // التخشيبه يعني عشان نسد الباقي اللي ماتخشب

ايضا نفس الشي هل فيه محل يعني يركب تخشيبه اووكي بدون ماتفكك مع الحراره

وكم سعره مع التركيب ؟؟



واكوون لكم شاكر وممتن حبايبي ..:cool:

أخوي مبارك عليك السياره اولا والله يعطيك خيرها ويكفيك شرها ان شاء الله..

بصراحه أنا مو من أهل الرياض لكن حسب خبرتي البسيطه عندك محل قوة الاحلام وتلقى موضوع كامل عنه مثبت في هالقسم .. تفضل بزيارته وفيه المعلومات كامله ..


تحياتي ....:cool:

انا ماانصحك تركب تخشيبة على سيارتك مادامها فل اوبشن وجديدة لان الالوان حتفرق معاك يعني مستحيل انك تلقى تخشيبة نفس لون تخشيبة الوكالة والامر في الاخير راجعلك اخوي .
ومبروك الموتر الله يعطيك خيره ويكفيك شرة .

مبروك ونعم الإختيار

الكشافات ماعتقد مضره ابد ليش .. السياره مجهزه لإستقبال كشافات بدأ من الصدام إلى داخل مقصورة السائق

يعني لاتخاف ... وانا جالس ادور حق مديل 2002

اكورداوي تسلم يامشرفنا الغالي الف شكر

ويكفيني حضورك يابعدي

======

تسلم اخوي اتش على نصيحتك ولو أني للحين ماتخذت قراري ولاشفت الفرووق

بس باخذها بعين الاعتبار الف شكر

اكورد سي ..

تسلم لي اخوووي على معلومتك والله يبارك في ايامك

وبيني وبينك افدتني صراحه لأني ماعندي خلفيه ابد عن الشي ذا

أهلاً بك معنا، وألف مبروك السيارة
من باب المشاركة فقط، أظن أن محل قوة الأحلام ممتاز حسب تقرير مراسلنا دحوم :)، واظن أن دحوم لن يقصر معك خاصةً وأنه من أهل الرياض.
الكشافات جميلة طبعاً وتجعل الأكورد أروع، أما التخشيب فالأفضل ألا تبالغ به ;)<<<<< رأي شخصي طبعاً

تسلم لي يابعدي هوندا على مرورك والله يبارك فيك ..

ايه الصراحه الكشافات رااايقه على الموتر ونفسي فيها

والتخشيبه على قولتهم مـسـكه ويقولون عيبها انها تتفكك بعدين مع الحراره

ايه انا رحت للموضوع تبع قوة الأحلام والموضوع شامل ورااايق

وين دحوووم خله يشقر على موضوعي << يقاله يمون ههههه

مبروك السيارة ويعطيك خيرها ويكفيك شرها

الكشافات عند محل قوة الأحلام لكن المشكلة مافيه فني حاليا

أنا ركبتها عند العليان شغل ممتاز جدا والسعر 450 ريال شاملة التركيب

الوكالة عندها كشافات بـ 1350 وشكلها بيضاوي >>> ماعجبني شكلها

العليان طريق خريص >>> بعد وكالة هوندا بـ 200 متر :)

الأخطبوط الله يبارك في ايامك وياجعلك تسلم

وشاكر لك على المرور اخووي والرد

هلابك اخوي

بالنسبه للكشافات عندك محل قوة الاحلام الى نزل عنه الاخ دحوم تقرير

وهي ليست مضره ابداً

وبالنسبه للتخشيب

عندك بالغرابي محل نهر الفنون يعطيك ضمان 6سنوات ضد اي شي يجي التخشيبه من تكسر او تغير اللون

شغله وكاله

والاسعار ممتاز يعني كامل قطع الموتر يسويها بحوالي 800 ريال

لكن انت راح تحدد قطع بسيطه ماراح تخشب كل القطع

واحسن شي انك تروح للمحل وهو بالغرابي او ماتجيك اشارة الغرابي اجباري تروح يسار بعدين تمشي حوالي 20 متر يجيك على يدك اليسار مقابل محل احد للستم ساوند ومحل الابداع للتخشيب

روح عندهم وشوف الشغل كيف

اتمنى اكون افدتك واي سؤال انا تحت امرك حبيبي

اخوك
عزوز ورشه

ألف مبروك عليك السياره ويعطيك خيرها ويكفيك شر أولاد الحرام
الكشافات زي مافادوك الاخوان الي تكرمو وسبقوني "قوة الاحلام " التخشيبه زي ماقال اخونا العزيز "عزوز ورشه"وكمان عندك للتخشيبه الابداع بالغرابي شغلهم مره نظيف وضمان على تغير الالوان
أرجو اني افدتك وتقبل مروري;)

مبروووووك على السياره الله يعطيك خيرها ويكفيك شرها

بصراحه انا ماعرف محلات في السعةديه حق هالسوالف

لكن اذا تبي الي في البحرين حاضرين بعطيك محلات حق هالاشياء

اخوي باتريوت

الله يبارك في ايامك وتسلم على المرور والرد

عن جد احرجتني :o بردك الصراحه وعلى رحابة صدرك

الف شكر وعسانا ماننحرم منك :cool:

===

اكورد الجنوب

الله يبارك في أيامك ,,

تسلم والله اخوي وماقصرت واهم شي تشريفك لموضوعي والرد :)

يعطيك ربي الف عافيه

===

راعي الأكورد

الله يبارك فيك ,,

يخليك ربي اخوي ماتقصر والله أنت وأهل البحرين كلكم بعيوني والله :)

ولاتوصي اذا حبيت اجي للبحرين للأمور ذي أول ماراح اشاور انت ;)

اول شيء ياهلاوالله وسهلا بك عضو جديد في منتدانا المتواضع اخوي الهدوء الطبيعي والله من جد شرفتنا انت والاكورد ومبروك عليك السيارة ويعطيك من خيرها ويكفيك شرها وعلى فكرة انا نفس الوضع اكورد 2006 فل اوبشن 4 سلندر بس حظك زين شاريها هذي الايام فرق 3000ريال في الجيب والله فلة لاني شاريها قبل 4 شهور فقط بداية شهر صفر , اما بالنسبة للتخشيب فنصيحة لا تخشب إلا عند الوكالة عشان ياصار فيها اي شيء تجرهم من اذنيهم وتتكلم عليهم طبعا هذا الكلام إذا كان عندهم تخشيب وبالنسبة للكشافات بصراحة معجبتني حقت الوكالة مرة مرة بيضاوية الشكل ومكحلة بالون اسود فايبر واو تخيل الشكل وسعرها فوق 1300 ريال بس تستاهل لانهم راح يغيرون لك الفاصل حق الشمعات ويضيفون لك فاصل مع مشغل الكاشافات وصدقني اشترها وتوكل وراح تتميز سواء في الوكالة او محل قوة الاحلام تقريبا جنب الوكالة وشرايك تخاويني نروح الوكالة نركب كشافات هههههههههههههههه قط المونة بقوة الله يحيك اخوي الهدوء الطبيعي واسف على التاخير على الرد على الموضوع . واي خدمة من عيوني

الهدوء طبعي

اول شي مبروك السياره ويعطيك خيرها ويكفيك شرها

الشي الثاني بالنسبه للكشافات مثل ماقالوا الشباب محل

قوة الاحلام ........

الشي الثالث بالنسبه للتخشيبه انا من رائي الشخصي

مايحتاج خل السياره على وكالتها بس بتقول لي مسكه

باقولك ناس مسكت معهم زيك بعدها تحسفواااااااااا كثيييييييييير


وشكرا............

اخوي على البركه الموتر ونصيحتي خل التخشيبه على وكالتها ازين لك لكم خااالص تحيااتي.

وينك يا الهدوء الطبيعي وش دعوة .

دحوووم تسلم لي على كلامك وسعة صدرك اخوي

الف شكر قلبي يعطيك العافيه ..


====

تسلم اخوي نكد الف شكر ويخليك ربي حبيبي

الله يخليك اخوي الهدوء الطبيعي واخيرا شرفت .