ماء رديتر التويوتا

السلام عليكم

كيف الحال ؟

وكل عام وانتم بخير بعد الزحمة :d

بالغالين انا نويت اغير ماء الرديتر بما ان الماء صار له اكثر من 5 سنوات والسيارة ما شاء الله تبارك الله تعدت 200 الف وبحثت عن مياة الرديتر من ضمن الانواع يلي مدحوها ماء رديتر تويوتا يلي لونه احمر وقررت اشتريه بس ابي اعرف كم ياخذ رديتر الاكورد من ماء يعني جالونين ولا ثلاث ؟

وفيه موضوع في إحدى المنتديات ابيكم توضوحون لي هالمعلومة يقول تأكدوا من الرديتر هل هو نحاس ولا حديد قبل لا تشترون ماء رديتر حق تويوتا فأبي اعرف رديتر التويوتا نحاس ولا حديد ورديتر الهوندا نحاس ولا حديد عشان تتوافق مع بعض ؟

وبخصوص التغيير بعد ما تكون السرة باردة افك اي صرة ؟ هل صرت القربة البلاستيك ولا فيه صرة ثانية ؟


اعذروني على الاطالة

وسلامتكم ،،،

احذر تستخدمه لانه مركز و راح يعدم لك ام الرديتر
استخدم الماء الاخضر و ضيف عليه نص لتر ماء مقطر او مياه شرب معدنيه
و لا تزيد الماء عن الماكس

لا يالغالي ماء تويوتا يجي مخفف ولكن غريبة الكل مدحة ووش اضراره على الرديتر لاهنتم
و الله الرديتر لي فترة وانا ناوي اغير الماء لكن اتردد بسبب بعض الملاحظات مثل الاي سي ديلكوً ما مدحوه ولكن التويوتا يقولون ممتاز

الماء الاحمر خاص لسيارات التويوتا مال الهوندا ركب اله ماء اخصر اصلي وزيده ماء مقطر

طيب يالغالي كيف اخلط الماء المقطر مع المحلول هل اصب الجيلون كله بعدين اعبي الجيلون كله ماء مقطر واضيفه يعني على شان تكون خمسين بالمية ماء مقطر وخمسين بالمية محلول الرديتر

انا اهنيك على اختيارك ماء الراديتر للتويوتا

لان كان عندي دودج تشارجر v6 كانت ترتفع حرارته

وغيرت المويه الى ماء التويوتا والحمد لله نسيت شي اسمه حراره

وكل الصراحه مدحه لي ومن واقع تجربه

بأذن الله راح اغير ماء الراديتر الى ماء تويوتا

اذا بتغيره خذ جالون واحد والباقي ماء مقطر يكفي ويزيد وكل مره اذا تبي تزيده او تشيك عليه حط ماء مقطر

وفك قربة ماء الراديتر وكب المويه الي فيها وحط ربع العلبه ماء احمر والباقي ماء مقطر الى حد الي موضح عندك على العلبه

وعلمنا وش يصير معك من الفروق ...!

بالتوفيق ..!

اخ يا فيوزات رحيمة ياليتني شفت ردك قبل لا اتسرع مشيت من البيت الساعة سبع ورحت افر بالشوارع لين فتحت الوكالة لو إني قاعد عند الاب توب كان ابرك :mad:

ولا انا شفت موضوع عن مياة الرديتر في احد المواقع ومدحوا اربع انواع من مياة الرديتر من ضمنها تويوتا ما حفظته الا لاني اعرفه << الثقافة :)

ولكن شريت ماء رديتر كاسترول من عند وكالة عبودي بن هشومي :d

الجركل قيمته 54 ريال <<< بطولها جركل :d

المهم قالوا لي اذا نقص زود ماء مقطر قلت لعيون الاكورد ناخذ جركلين وما صدقوا على الله يضبطون الفاتورة هههههههههه

المهم وشريت وان شاء الله اليوم الليل على بال ما السيارة تبرد ونصكها بالنومه اغير الموية
بس يلي انا لاحظته على الماء القديم ينقص بكثرة عشان كذا قلت بغير الماء ومره وحده عشان الفترة والممشى

ولكن السؤال يا الغالين يلي يطرح نفسه من وين اعبي اذا فرغت من الصرة هل اعبيه من القربة ولا من الماصورة حقت الرديتر .؟

والله يعطيكم العافية جميعاً ويسعدكم وما قصرتم

رديتر الاكورد المنيوم بنسبة عالية ما يحضرني نسبتها والباقي نحاس والالمنيوم اكثر تبريد من اي نوع رديتر بس انه غالي لان فيه مواد تنضاف في تصنيعه

الاهم هو مادة الجليكول اثيلين هذه المادة تمنع الموية انها تتبخر وايضا تمنعها من التجمد وهي موجودة في سائل ماء تويوتا وهو جيد واستخدمه في سيارتك بدون مشاكل وربي يوفقك ان شاء الله



ويوجد شركات كثير لديها ماء رديتر ممتاز الافضل في السوق ولاي سيارة بلا منازع هي ماء تويوتا للرديتر وماء كاسترول للرديتر الاخضر وكلهم فيهم جليكول اثيلين بنسبة ممتازة وكافية جدا

واذا فيه تبخير اخي في سيارتك اشتري غطا رديتر علوي من الوكالة قيمته اعتقد 50 ريال لانه هو سبب التبخير

وايضا تعبيها من فوق من غطا الرديتر وايضا تعبي القربة الى حد max فقط لاغير

الله يعطيك العافية اخوي بلال وجزاك الله خير وما قصرت

بس كيف اعرف اذا غطا الرديتر فيه مشكلة ولا لا .؟

الحمد لله الان ارتحت نفسياً من ناحية جودة المياه :)

عبي جالون من الماء الاخضر طبعن اصلي ولين نقص عبيه ماء مقطر لين مايوصل اله تحت الخط الي في قربه

وستخدم الماء الاخضر مال الوكاله لانه الوكاله ماتحط شي وبس

اقتباس:

---

المشاركة الأصلية كتبت بواسطة accord_2005

الله يعطيك العافية اخوي بلال وجزاك الله خير وما قصرت

بس كيف اعرف اذا غطا الرديتر فيه مشكلة ولا لا .؟

الحمد لله الان ارتحت نفسياً من ناحية جودة المياه :)

---

تبخير الموية تكون مشكلتك دايم الغطا لانه يكون مسحوب لفوق والمفروض يكون مسكر تماما على مجرى الموية داخل الرديتر الا في حال ارتفع الضغط ينسحب جسم الغطا السفلي ويسرب موية لداخل القربة اللي جنب الرديتر بس اذا مفتوح دايم يقعد يطلع بخار من فوق القربة ويتبخر شوي شوي

الله يعطيك العافية

طيب يعني لو خليت السيارة حارة وفتحت الكبوت هل يضهر عند غطاء الرديتر تنسيم لاني ودي ارجع جركل ماء الرديتر للوكالة لاني شاري جركلين وودي واشتري بداله غطاء رديتر بس ابي اتأكد هل هو خربان ولا لا

وعندي استفسارين

انا معدل النقص عندي هو انه كل شهر الماء يكون في القربة فوق الخط الثاني بشوي يعني هل نسبة النقص طبيعية ولا انا موسوس

وسؤالي الثاني هل جودة ماء الرديتر تفرق من ناحية سرعة النقص يعني مثل الانواع يلي جودتها عالية ما تنقص إلا شيء بسيط ؟

وسلامتك ،،،

up

يالغالين كشفت على غطا الراديتر ولقيته مفكك السسته منفكة وفي بلاستيك انفك بكره بشتري الغطا بس بكم قيمته وهذي بعض الصور للغطى


http://i.imgur.com/0pQdl.jpg

http://i.imgur.com/aZWwG.jpg

http://i.imgur.com/YnRmD.jpg


ابي اقلكم السسته والقطعة البلاستيكية طاحت داخل الراديتر وش الحل وهل لها تأثير مع العلم اني فكيت الخرطوش حق الراديتر الموصل للمكينة وجبت موية الراديتر وعبيت وخرجت الموية كلها عشان ابي القطعة تخرج من المواصير و الله وفرغت الموية كلها و شديت كل شيء وما ادري خرجت ولا باقي فابي اعرف هل لها تأثير على الراديتر لو بقيت جوا والان بنتظر إلى الصبح عشان اروح اشتري غطا الراديتر وبعبي الموية يلي اشتريتها واخلص بس بالله افيدوني بهالمشكلة ولا اخليها ومع الحرارة ينصهر كل شيء :D

up

Up

:d الابتسامة حلوة

اقتباس:

---

المشاركة الأصلية كتبت بواسطة هاي الشرقية

:d الابتسامة حلوة

---

ههههههههههههههههه ايه و الله حلوه :d وكمان تعطيك UP لموضوعك :d

اليوم اشتريت غطا الرديتر وعبيت الموية الجديدة وقيمة الغطاء 75 ريال بعد الخصم
المهم السؤال يلي يسدح نفسه الان السسته والقطعة البلاستيكية داخل الراديتر هل لها تأثير على الرديتر الان ولا لا لانها طاحت في الراديتر ومثل ما هو موضح و وش سويت في الرد لااعلى لي


وسلامتكم ،،،

اقتباس:

---

المشاركة الأصلية كتبت بواسطة accord_2005

الله يعطيك العافية

طيب يعني لو خليت السيارة حارة وفتحت الكبوت هل يضهر عند غطاء الرديتر تنسيم لاني ودي ارجع جركل ماء الرديتر للوكالة لاني شاري جركلين وودي واشتري بداله غطاء رديتر بس ابي اتأكد هل هو خربان ولا لا

وعندي استفسارين

انا معدل النقص عندي هو انه كل شهر الماء يكون في القربة فوق الخط الثاني بشوي يعني هل نسبة النقص طبيعية ولا انا موسوس

وسؤالي الثاني هل جودة ماء الرديتر تفرق من ناحية سرعة النقص يعني مثل الانواع يلي جودتها عالية ما تنقص إلا شيء بسيط ؟

وسلامتك ،،،

---

معدل النقص طبيعي جدا ما يحتاج تشتري غطا الرديتر

ومهما كان الماء فطبيعي يكون فيه نسبة تبخر ولو بسيطة فيتركز الجليكول اثيلين والمواد الثانية اكثر وعادي لو زدت موية مقطرة على القربة وهذا اللي يصير في الوكالة

و الله انا غيرت الغطاء لان السسته والقطعة الصغيرة البلاستيكية طاحت جوا الراديتر و لا قدرت اطلعها صبيت موية وفرغتها من جدة ولا ادري طلعت ولا لا المهم وشريت غطا جدة لان الغطاء القديم تالف ولكن ما ادري هل اذا كانت القطعة البلاستيكية والسسته داحخل الراديتر مالها تأثير ؟

القطعة والسوسيت ما راح تأُثر عليك ابدا توكل على الله

الله يعطيك العافية اخوي بلال وجزاك الله خير وما قصرت واعذرنا على الازعاج