عرض للطباعة
اكورد 2003 عشرت عمر وبدات تطلب وما ابغى افرط فيها بس مشكلتها الاخيرة تطفى او تضعف وهي ماشية يبدا الطبلون يطفى و الانوار تضعف و السيارة كلها تضعف لين توقف وتطفى,, رحت للورشة وفصل الميكانيكي سلك البطارية وعلى طول طفت السيارة وقال لي هذا الدينمو ما يشحن لازم تغيره,,,
سالت وطلع سعره في حدود 4000ريال(غااالي)
وقال لي بعد فيه ماليزي حدود 1000ريال بس ما ينصح فيه
اسئلتي:
- هل فعلا المشكلة في الدينمو ويحتاج تغيير او يحتاج اصلاح؟
- اجازف واشتري الماليزي؟
انتظر ردودكم وشاكر لكم
هلابك حبيبي أول شئ أكشف على البطارية عند محل البطاريات لا تستعجل يمكن تكون من البطارية صح انه اذا فصل سلك البطارية والسيارة شغاله ما تطفي عشان الدينمو يعبي لكن اذا البطارية مرا تعبانه ما يعبي ( عن تجربة .
الله يوفقك
دور اصلي مستعمل بالتشاليح
إما تاخذ لك من التشليح, او تغير فحمات الدينمو او تسوي لف من جديد وكلها هذه ماتكلفك قيمة الماليزي..
ارجع افحص البطارية والدينمو من عند اكثر من ورشة حتى تتأكد ان المشكلة تكون بالدينمو او بالبطارية!.
سؤال وابيك تجاوبني بصراحه عليـه
انت هل المشكله من زمآآن عندك صح؟
وكل يوم تقول بعدين بعدين
انا صارت لي معك كنت مركب زنون وشكل الزنون قاعد يسحب من الدينمو هلا هلا
لأنه إذا فصل البطاريه طفت السيآآره
عاد بعدها سحبت على المشكله اصلا حتى مافكرت فيها
دينمو اجل 4000 :d
انت تأكد من اصابع البطاريه ونظفها وشحمها وشد عليهاا زين
ودايمن ابدا بالحلول من الأصغر إلى الأكبر :cool:
غيرت الدينمو(من التشليح) وغيرت البطارية...
والبطارية الحين بدت تفضى وتضعف ويقول الكهربائي فيه عندك سحب للكهرباء ولازم متابعة ظفيرة الكهرب كاملة عشان يعرف وين السحب او التهريب!!
وانا تعبت تعبت تعبت...
ســاعــدوني :confused:
إذا مركب زينون فكه بس من غير ماتطلع المحولات, يعني رجع نور الوكالة (الأصفر) وطلع شمعات الزينون بس المحولات خلها وافصل عنها الكهرباء..
عشان تعرف المشكلة من وين لازم تشوف وتجرب صعبه يكشف على الضفيرة كاملة ومايدري من وين مشكلتها!.
ترى مش أي واحد يصلح الهوندا وإن تبغالك ميكانيكي يصلحلك صح أعطيني خبر علي الخاص وحوصفك عليه
طيب يا شباب الله يرضى عليكم
عندي هوندا أكورد 2005 .. طفت علي اليوم في الشارع .. و غيرت البطارية قلت يمكن السبب منها .. و يوم دخلتها للبيت طفت من جديد !!
وش السبب تتوقعون ؟
إذا جيت أشغل السيارة الكهرب في الطبلون موجود .. بس وقت التشغيل يطلع صوت كأن البطارية فاضية .. و السير يتحرك ببطء !!
(( بالعربي أحس الكهرب ضعيف وقت التشغيل ))
هل المشكلة تعتقدون من الدينمو ؟
و انا مركب زينون من 6 شهور .. بس نوعه الماني ممتاز و لا يسحب إلا 35 واط فقط و بدون كتاوت !
بخيت بخاخ على البطارية لإزالة الزيت و كذا بس ما فيه تحسن !
الله يرضى عليكم أفيدوني بسررررعة أنتظركم ..
:cool:
تم الاصلاح بحمدالله..
ماتم فعله : 1- تغيير الدينمو(تشليح)
2-تغيير البطارية(جديد)
3-متابعة ظفيرة الكهرب نتج عنه وجود اسلاك مرخية وتم شدها وتنظيف اصابع البطارية ووجود سلك مرخي تحت علبة الفيوز وتم شده وهو اساس المشكلة.
شاكر كل من ابدا رأيه في الموضوع
السلام عليكم
ما ابي اطول عليكم اليوم بعد صلاة العشا جيت اشغل السيارة حسيت بضعف في التشغيل مو زي مانا خابرها المهم رحت لمشوار وانا راجع بداءت المشكله الين وصلت لاقرب كهربائي وشيك الكهرباء بالجهاز وقال ان الدينمو ماتشحن ولازم تغيرها...........!!!
المهم دقيت على كذا محل لقطع غيار طبعا انا في شمال جده يعني مالك اللى شارع سلطان بن سلمان المهم ان اصلي غالي بـ 4000 ومافيه اصلا اللى في الوكاله
لاكن نصحوني بالماليزي وضمان شهر ورخيص بـ 1000 ريال ؟؟؟!!!
انا بصراحه ترددت ومن بعد موضوعكم هذا غسلت يدي من الماليزي
المهم انا ابي احد الله يجزاه خير يدليني على تشليح يبيع الدينمو للأكورد 2007 v6
وهذا رقمي ارجوكم 0509921198 أبوخالد
الله يعطيكم العافيه