زيت القير العادي ... شي غريب

السلام عليكم ورحمه الله

اليوم ياشباب مريت الوكاله كنت باغير فلتر النزين وقلت خلني اغير زيت القير
طبعا ممشي السياره 171 ألف ( ماشاء الله )
وسالت عن السعر حق تغيير الفلتر
وسوا ليه خصم 25 % على اجور الاصلاح بدل 192 ريال تصير 144 ريال مع سعر الفلتر حق البنزين 253 تطلع تقريبا 397 ريال
المهم قلت له ابغير زيت القير وعلمته انه قير عادي
وقلت ترا يختلف عن زيت قير الاتوماتيك
قال ايوه يختلف ~~~~~ الى هنا الاموور تمام


بس الي انصدمت منه ان زيت القير العادي يقولي هو نفس زيت المكينه وتقريبا علبتين
والتكلفه هي
2 علبه زيت مكينه هوندا 30 ريال
أجور اصلاح 48 ريال
الاجمالي 78 ريال

فما ادري كلام الوكاله صحيح أو فيه زيت للقير العادي خاص أو هو نفسه زيت المكينه
وفيه زيت للقير الاتوماتيك المعروف اللي بعلبه بيضاء
وطبعا مادخلتها الوكاله لانها زحمه ورواتب الناس خليها تفضي وادخلها

ارجوا ممن عنده علم بهذا الموضوع اني يفيدني ولكم جزيل الشكر

إيه نعم ممكن تستخدم ريت المكينة لقير العادي

انا استخدم نفس الزيت الا احطو في المكينه

من جد غريب عجيب

بس دامها بالوكاله لاتخاف صار ماصار في ظهرهم

الله يعطيك العافيه يابلال
وعاشق سيفيك هاتش باك
على المعلومه القيمه


ومشكور ياعبدالله ع المشاركه

بس ترا الوكاله قالو لاتغير الزيت الثقيل او تزيد منه خااصه للهوندا
لانه راح يطلع لك صوت لان الزيت المناسب له هو حق المكينه

كلام الوكاله صحيح ممكن تستخدم زيت المكينه ..لكن خذ منهم ضمان ان التعشيق مايصير ثقيل ايام البرد لان

هذي هي المشكله الوحيده الي ممكن تواجهها بسبب اختلاف اللزوجه..اما غيره مافي خوف ان شاء الله

لكن الي اشوفه انك تشتري زيت قير عادي اصلي من النت او لا تغيره ..لان القير العادي له لزوجه معينه

اقتباس:

---

المشاركة الأصلية كتبت بواسطة متصفح

كلام الوكاله صحيح ممكن تستخدم زيت المكينه ..لكن خذ منهم ضمان ان التعشيق مايصير ثقيل ايام البرد لان

هذي هي المشكله الوحيده الي ممكن تواجهها بسبب اختلاف اللزوجه..اما غيره مافي خوف ان شاء الله

لكن الي اشوفه انك تشتري زيت قير عادي اصلي من النت او لا تغيره ..لان القير العادي له لزوجه معينه

---

الله يعطيك العافيه يامتصفح

انا ماعندي مشكله في شراء زيت قير ذو جوده عاليه
بس الوكاله تحذر من تغيير لزوجه الزيت لزيت اثقل أو من اللي يتعبا بالضغطه في البناشر
لانه راح يطلع صوت بعدين
حتا لو رجعت لزيت قير الوكاله بعد ما احط زيت غير مناسب


بس تصدق قبل هذي السياره كانت عندي وحده ماشيه 400 الف وماعمري فكرت اغير زيت القير
ولا فيه صعوبه أو ثقل في في التعشيقات

صحيح كلامك بخصوص الزيت وانا بصراحه ضد تغيير زيت القير العادي لانه عباره عن تروس تسبح في زيت مافي

ضغط ولا حراره عاليه عشان يستهلك الزيت ..

المشكله الي اقصدها ان السوق كله مافيه زيت مخصص للقير العادي ومعتمد من مصانع خارجيه على حد علمي

كلها زيوت محليه وماتوصل مثل كفاءه زيت المصنع..

اجل ان شاء الله باخليها زي اختها وصلت 400 الف وماتغير زيت القبر والتعشيق زي الحلاوه

بش المشكله انه فعلا يتعبا الجربكس بزيت مكينه
بس اكيد ماراح يصبر زي زيت القير اللي من المصنع اللي من نوع m t f الخاص بالقير العادي