بشتري سياره وباخذ مشورتكم

بسم الله الرحمن الرحيم
اخواني انا بشتري سيارة من نوع سيفيك 2006 نص فل
مواصفات النص فل معرفة
السيارة:-
الاستماره والتأمين ساري المفعول
الفحص الدوري ينتهي بتاريخ 17 هجري من الشهر الحالي
السياره تحتاج الى ( هرن - فحمات امامية - وزن اذرعه - كفرات ) فقط
والباقي جير ماكينة الخ 100%
بالنسبه للبدي : فيه رشات تجميليه + ضربه خفيفه في الرفرف الخلفي فقط وتم تصليحها
الايرباقات سليمة
بالنسبه للداخلية : نظيفه 100%
وسيارة ماشية 232000 ألف كيلو
الصور:-
http://www.haraj.com.sa/userfiles21/...b19c36186a.jpg
http://www.haraj.com.sa/userfiles21/...c5b6a1bd17.jpg
http://www.haraj.com.sa/userfiles21/...0deb3b21fe.jpg
http://www.haraj.com.sa/userfiles20/...d259651420.jpg
http://www.haraj.com.sa/userfiles21/...3fa0da5c31.jpg
http://www.haraj.com.sa/userfiles21/...b84944ba7b.jpg
http://www.haraj.com.sa/userfiles21/...3908ef96c2.jpg
انـا وصلت معي 30 ألف انتم تشوفون السعر مناسب وله اشوف سيارة ثانية
شكر مقدم لكل من بشور علي وبينصحني
أخوكم: عبدالعزيز

أو هذي السيارة : هوندا سيفيك 2009 | حراج السيارات

كم ماشيه ؟

آسف ما كتبت كم لكن أهي ماشيه
232000 ألف كيلو

مبدئيا سعرها كويس بس حاول تنزل معه شوي

وشيك عليها تشييك كامل

اشوفها بـ 30 غاليه مررررررره ... والموديل قديم ... وانت شوووف اللي يريحك وهذي وجهة نظري ... لنه انا ماخذ 2009 نص فل فتحه ماشيه 60 الف تقريباً بـ 46 الف مو متأكد من السعر بس حدود كذا... قبل 6 شهوررر

أخوي حمودي والله شكلها مثل شكل 2007 - 2008

أخوي مشاري وش الاشياء المهم أشيك عليها <<<< مآ يدبر حاجه بسيارات
وسعر ممكن انزله 29 او 28 يعتبر كويس وله ؟؟

غاليه جداً بالنسبه للممشى والموديل

بالكثير سعرها 27 الف

انا اقصد لك فرق الموديل يرفع السعر مثل الأكورد 2006 و2007 نفس الشكل تلاقي 2007 أغلى وهذا قصدي ... وانا أعرف اسعارها لنه انا قبل لااشتري السياره زي مايقولو اخذت لفه على الأسعار وهذي حدها 26 ... وانت شوووف اللي يريحك وهذي وجهة نظري .... وطبعاً الشربطه لهم دور برفع وخفض سعر السياره ... انا اذكر لما ادور لي سياره حصلت 2006 نص فل بــ 36 الف بس قلت مهبول اخذها ... وانت تابع موقع حراج لنه اذكر انه حصلت وحده فل كامل 2008 حادها بــ 43 ... يعني فرق بسيط ...

وما أبغى اكثر عليك كلامي ... زي ما قلت شوف اللي مقتنع منه حتى لو هذي انا بنظري اشوها غاليه ... وانت مقتنع منها خذها ... لنها وجه نظري هذي

بالتوفيق

والله أخوي انا ماراح استعجل وراح ادور بس قلت هذي قريبه مني بالحسا
وانشاء الله راح اخذ بمشورتكم وراح ادور افضل او اكاسره اكثر ولك مني أكبر تحيه

بالنسبه لممشاها وان الاستماره بتنتهي هاليومين

ولاتنسى ان فيها كذا شغله تحتاج تغيير

يعني 26 - 27 الف

اخذت لفه بحراج وحصلت سيارات اغلى بشوي بس انظف ولكن خارج الاحساء

أخوي Hammoudi بما انك من او تجي الحسا
فين ألاقي سيفك نظيفة من الحسا ياريت تفيدني

أخوي مشاري
أذا من الشرقية ياريت تعطيني الرابط اشوفهم الاني اقدر اروح اي مكان بالشرقية وبما انك من الدمام معارض الدمام ألاقي فيها مواصفات حلوه وبسعر مناسب

اقتباس:

---

المشاركة الأصلية كتبت بواسطة abdulaziz-civic

أخوي hammoudi بما انك من او تجي الحسا
فين ألاقي سيفك نظيفة من الحسا ياريت تفيدني

---

مافي أماكن مخصصه تبيع سيارات هوندا ... بالحسا عندك بالراشديه (( المبرز )) عند إشارة بنك ساب في سيارات معروضه يمكن تحصل سيفك ... بالدمام فيه ساحات تبيع سيارات إذا مريت وشفت سيفك أبشر إن شاء الله راح أخبرك

اذا بتربط شراء السياره بالاحساء تحديدا كذا بتنحد

صلي الاستخاره اذا كنت منت مرتاح

والشي الثاني انا ما افضل اني اشتري مستعمل نهائيا

لاتشتريها والله ماشيه كتيررررر

دورلك سياره تانيه زي ماحصلت حتحصل احسن منها ماشية اقل

او انك تجي لجده وتنزل الحراج عندنا السيفك منتشره مستعمل بس اسعارها من 27 الى 35 الف وتحصلها نظيفه

أخواني ابي مشورتكم بهذي السيارة
هوندا سيفيك 2009 | حراج السيارات

الرجال يبي فوق الـ 40 الف

انت كم بتدفع بأختصار ؟

انا أشوفها نظيفه وتستاهل ... بس مغليها شوي صاحبها حاول ينزل شوي من المبلغ وبالتوفيق لك ... بس هذي احسن من اللي 2006 .... لاتنسى هذي أستاندر وإذا تدور مواصفات أصبر وخذ نص فل أو فل كامل

أنا عندي الحمد لله مبلغ كويس بس على حسب نظافة السيارة ممكن ادفع
ومواصفاتها

اذا عندك مبلغ كويس دور شيء مناسب ليه تلتفت للاشياء الرخيصه والمهلوكه

شوف لك فل 2008 او وسط 2009 بفتحه

اقتباس:

---

المشاركة الأصلية كتبت بواسطة meshoo

اذا عندك مبلغ كويس دور شيء مناسب ليه تلتفت للاشياء الرخيصه والمهلوكه

شوف لك فل 2008 او وسط 2009 بفتحه

---

:cool:

أنا عارف بس ما ابقى ادفع كل إلي على سيارة لكن ادور ممكن اشوف سيارة طيبه بسعر كويس حتى لو 2006 أو 2007

بهذي الطريقه مانقدر نساعدك بأختيار الفئه والموديل لان تحديد السعر مهم جدا

حدد لك مبلغ بحدود 45 الف تحصل لك 2009 نص فل