عرض للطباعة
السلام عليكم ورحمة الله وبركاته
شباب انا عندي اكورد ابيض لؤلؤي وحبيت اغير شويا طفشت من اللون (في كل مكان) وحاب احط اللون المطفي الاسود (التجليد مو الرش) كيف اسعاره والاجرائات اللي اسويها في المرور والاماكن اللي اسوي فيها من جده لانها اقرب شي ليا (من سكان ينبع) وسامحونا على الاطالة
والله موضوع كم تكلف تقريبآ تقريبأ 3500 الى 4000
لاكن اجرات المرور ما ادري وانشالله الشباب يفيدونك
وعليكم السلام ورحمة الله وبركاته
اخوي التجليد المطفي تحصله في كيلو2 السعر من 1600 الى 2000 ريال لكن ماانصحك فيه لأنو صيني وبيعدملك البويه وبيبقى الغرا وضمانه سنه بس ضمان اي كلام
2 فيه شركة 3mوهي الأفضل بس مشكلته غالي 5000 ريال تجليده لمعه و7000 ريال تجليده مطفي لكن ياحبيبي يظمن لك التجليده والبويه 10 سنوات
وبالنسبه لأجراءات المرور ماتقدر تجلد اسود وسيارتك لونها ابيض لازم ترش لأنو صاحبي اخوه رائد في الأمن العام وعنده معارف او واسطات في المرور معه بي ام لون فضي يبي يجلدها موف راح المرور وكلم ناس ماقدر فالنهايه راح رشها موف
وعلى فكره كلامي ذا مو تحطيم لك بس عشان تعرف اجراءات المرور الزفت
لكن تبي الكلام الصحيح جلد ولا عليك من المرور ياكثر اللي جلدو نفس طريقتك
اتمنى اني افدتك
والله احلى لوون هو اللؤلؤي ماشاء الله حرام عليك تبي تغير اللون
اذا كنت مال من الموتر
عندي لك فكرة
اول شيء حط الجلد الاسود على التندة (كأنها بانورام) بس اهمممم شيء من شركة محترمة تضمن لك ماتعدم التندة >>مثل ماصار لي
وضبط الموتر ركب خلفية بي ام ليد واسطبات ليد وشاشة وكاميرا والنيكل اللي على الباب
وبتصير مميز ^ ^
عزيزي التجليد راح يكلفك بغض النظر عن المرور راح يوافق او لا
فيه رشه تجيك ناعمه تشوفها تقول تجليده وماتضر برشة الوكاله ماادري عندكم بجدة ورش تضبطه او لا
عموما سعرها بحدود ال800 فقط واللون اللي تبيه لو انه صعب
الاجراءات سهله جدا ..
تروح لمركز المرور لتغيير لون السيارات والاستمارات وتطلب تغيير لون
يطلع معك الموظف ويشوف السيارة ورقم الهيكل بعدين يكتب لك اللون اللي تبيه بورقة يسمح لك برشها بالورش
طبعا تحصل بالورقة يمنع التجليد فقط رش
ترش السيارة وترجع لنفس الشخص بالمرور ويطلع معك يشوف السيارة رش او تجليد بعدين يعطيك ورقة اذا رش تروح لمكتب الاستمارات وتغير الاستمارة ب50 ريال خلال نص ساعه
عموما اذا ماسكة ع تجليد دور لك واسطة يمشيها لك بالبداية
وبس
موفق
تجليد مطفي ولا اروع منه وضمان ٥ سنين ومايعدم ولا ياثر على السياره ابد ب ٢٥٠٠ تقريبا
في محل بالمدينه
طبعا بعد المكااااسره والمطاقه
ضمان 3 سنوات
2500
كيلو 2
بجوار البنك الاهلي المجمع القديم
اسم المحل ماكس
اقتباس:
المشاركة الأصلية كتبت بواسطة مجوووودي
اتمنى تقولي وين الورشه بالضبط
يمديني اخدله صوره واقوله ابي نفس اللون
وسعر 800 ثابت
اتمنى الرد يااخوي
بانتظاركم
تحياتي
الرش على حد علمي مهو موجود في جدة
التجليد ادلك على كذا محل في جدة
الاسعار "بدون مكاسر"
1000 ريال للاكورد (صيني بدون ضمان )
1200 ريال للاكورد ( انجليزي بدون ضمان )
1600 ريال للاكورد ( الماني بضمان وناسي كم المدة لكن لاتقل عن سنة )
واذا زريت معاه شوي راح ينزل لك بالسعر
تجليد الجنوط 200 ريال لكن بدون ضمان ويقول امكن يفك معاك بعد فتره
غاب القمر ياخوي
انا مجلد حاليا
وبيني وبينك مسدد 18 الف مخالفات
عشان كذا انا ابغى رشه
مو مشكله لو الرياض اطلع
يعطيك العافيه على المعلومات حبيبي
تحياتي
اقتباس:
المشاركة الأصلية كتبت بواسطة M.A.3
والله الرياض ملياااااااااااااااااااااااااااااااااااااان عد واغلط
لكن وين بالضبط الصراحه ماعرف يفيدونك سكان الرياض
ممكن تحصل بالغررابي شارع الزينه بالرياض :rolleyes:
اوك
يستر عليك ياخوي ويعطيك الف عافيه
تحياتي
نصيحه لوجه الله
السيارات بأجواءنا الحارقه .. ريحها و ريح نفسك والركاب داخل السياره و مكينه السياره و مكيف السياره بـ لون إلي أنت فيه
تراى اللون الأبيض ماله مثيل وأنا أخوك ( لا تندم بيوم من الأيام على شيء أنت عكسته بيدينك ولا تقدر تغيره )
الأبيض ممتاز جدا بـل هو ( المناسب ) لنا ولأجوائنا يعكس الضوء إلي يسبب الحراره بشكل ماتصدق
وش تبي بـ الغامق ( هو أنت بأروبا ) ؟!
نصيحه وأنا أخوك نصيحه خلك ع الأبيض و ريح رآسك و سياراتك ، وإذا أنت حق ( تباهي ) و حق ( نذخ ) و ( يعني أني )
ترك ضريت نفسك
وبـهـواك