عرض للطباعة
السلام عليكم
تم سرقة سيارتي صباح الجمعه وهي متوقفه امام المنزل بالدمام بحي الجلويه وغلطتي اني كنت واضع مفتاح اسبير داخل درج السياره كسر الدرج ودعس بالسياره( ادري اني غلطان حتى النخاع تكفون لا تحشووون)
نوع السياره:
هوندا اكورد
اللون ابيض
2008
اللوحه
ا س س
9796
مواصفاتها:
جناح ويوجد تظليل ابيض للقزاز الخلفي كتم والاصب الايسر الخلفي مكسور وحاط عليه معجون
عند مشاهدتها نرجو ابلاغنا ولكم الشكر
فهد
0561044566
الله يعينك
وان شاءالله تحصلها
شوف هذا ماكسر القزاز الا اصلا هويعرفك ويعرف المفتاح انه في الدرج ولا ليش يكسر القزاز <<<< مسوي ذكي :rolleyes:
الله يكون بعونك
وماضاع حق من وراه مطالب
اهم شي الدعاء وفرغ نفسك لسيارتك قبل لايكسرونها عليك
((اللهم يا جامع الناس أجمع ما بيني وبين ضالتي*))
اذكر سيارتك
ان شاء الله تحصلها قبل ما يفكفكهها ويبيعها قطع الغيار
اخوي هل يوجد صور للسياره
اسأل الله العظيم رب العرش الكريم أنه يجمعك بضالتك إنه على ذلك قدير
هلا اخوي والله للاسف لا يوجد صوراقتباس:
المشاركة الأصلية كتبت بواسطة ملك قوقل
حسبي الله ونعم الوكيل
ماجاني نوم
((اللهم يا جامع الناس أجمع ما بيني وبين ضالتي*))
اذكر سيارتك
[/quote]
ولله فعلأ اللهم يا جامع الناس في يوم لا ريب فيه اجمع بيني وبين سيارتي وهي ( )
انشالله تحصلها
لا حول ولا قوة الا بالله
قال سبحانه (وذكر فان الذكرى تنفع المؤمنين)
حاب اذكرك بكم شغله واترك عنك الهلع
وانا اخوك اكثر من الاستغفار ربك سبحانه ما يخذل عبده
ودامك ما بعد نمت باخر الليل انتهز هالفرصه
قم وتوض واوتر صل لك ثلاث ركعات ،خمس. سبع .. الخ
وعليك بكل سجده تدعي ربك وتستغفر الله سبحانه
ولا تنسى فضل القيام بآخر الليل ونزوله سبحانه في الثلث الاخير من الليل
وقلوبنا تدعي لك وتدعي على السارق
ولا تجلس تلوم نفسك والله ما تزيد على نفسك الا ضيقة صدر وهم اكبر الحمدلله على كل حال قدر الله وسرق السيارة بلغ والصباح رباح
درس ما عمرك تنساهـ
وافنا بكل مستجد
الله يعوضك خير اخوي
بس اخوي راجع نفسك مين يعرف ان الاسبير في الدرج ...السارق مااتهور وكسر القزاز الا انه عارف ان المفتاح في الدرج
ما يحس بالنار إلا رجل واطيها ... الله يرد لك موترك بقدرته سبحانه
وهذا درس لك للإتعاظ ... وعبره لنا .
وحسبي الله ونعم الوكيل على من يفجع الناس على حلالهم وأموالهم وعيالهم .
بس أهم شيء عساك بلغت الشرطة حتى تخلي مسؤوليتك في حال حدث شيء خطير لا سمح الله .
و لك منا إنا ندعي لك دعوات في ظهر الغيب ...
الله يصبرك ياخويي,,
قالولك الشباب مين عارف بمكان الاسبير ,,؟ حتى لو ماتوقعت يقدر يسويها امكن رسل احد..
الله يردها لك سالمه حبيبي
اكثر من الاستغفار =)
بارك الله فيكم جميعا والله انكم رفعتو من معنوياتي
وبالنسبه للمفتاح الاسبير توني منزله السياره قبل ثلاثه ايام من السرقه ولا احد يعلم عنه
وسبب تركي له في السياره غبااااااااااااااء على بالي اخبيه في السياره لو صار وضاع المفتاح الرئيسي وانا خارج المنزل يكون قريب مني الاسبير؟؟؟؟؟؟؟؟
حسبي الله ونعم الوكيل
اللهم يا جامع الناس أجمع ما بيني وبين سيارتي
امين
بالنسبه للبلاغ نعم قمت بالابلاغ عنها في شرطة شمال الدمام
وعلى 999 واتصلت على 996 امن الطرق لكى اتئكد من وصول البلاغ وبالفعل موجود
والله كريم
الله يردها لك سالمه ،، على طاري المفتاح ،، امس نسيت المفتاح في باب السيارة من برى ودخلت المكتب،، الحمدلله ماحد شافه وجابوه لي السكيورتي جزاهم الله خير
والله هذي قرصه كله من بطارية الريموت خلصت وصرت احط المفتاح بالباب :(
الله يفرج عنك ويردلك سيارتك سالمة
انا عندي لك نصيييحه شوف لك يوم فاضي ومر التشالييح خذ لك فره كذا احتمال انها هناك لاسمح الله :oاقتباس:
المشاركة الأصلية كتبت بواسطة alwaafi
هلا اخوي .. حاول انت تجس النبض من عند اخويانك الي تمشي معهم .. يعني تجيبلهم السيرهـ وتشوف منهم الي بنفجعـ يوم تقله اعرف انو ماله صله والي والله ما تهمه الهرجه اعرفه انه يدري وش السالفه وانت وشطارتكـ .... وان شاء الله وانا اخوكــــــ بتحصلها وادعيللك وكل الاخوان بالنتدى انها ترجعللك سالمه زي ما اخذها واخونا السارق ندعي عليه والله يوفقك :)
بإذن الله إني راح اشوفه ماعليـك حفظت رقم اللوحه ,,وإذا شفته بجيبه بأي طريقـه
بس انت قولي لي اللوحه الطويله او إلا قصيره عشان تلفت انتباهي على طول,,,
وابشرر بعزززك :cool:<<<<<يحب المطاردات :d
ابشركم لقيتها اليوم الصباح في الخبر مخطط خلف مجمع الراشد واتصلت على الشرطه وبصموها واخذو بصماتي
التلفيات:
القزاز باب الراكب مكسور وضربه على الجنب الايمن والصدام نازل من جهة اليمين شوي واسلاك الدركسون مقطعه والسياره الحمد لله طيبه لقيت البنزين منتهى ورحت المحطه عبيت في علبة مويه بنزين وشغلتها
واستلمت السياره من شرطة الخبر ولله الحمد
واشكر كل من قام بالبحث ومن تفاعل معى منكم
بروح اشيك عليها في الصناعيه
الحمد لله ع كل حال
وان شاء الله مايصير فيها اي شيء