صيانة عبدالله هاشم والهبوط للقاع المظلم
.
.
اول شي كل عام وانتم بخير بعيد الاضحى المبارك الي يحل علينا بعد يوم واحد باذن الله عزوجل واقول لكل شخص ناوي يحج حج مبرور
قبل كم من يوم كانت لي زيارة عند صيانة عبدالله هاشم طريق المدينة بجدة
تفاجئة انو العالم الصاحية التمام ييلي كانو موجودين اختفو وجابو عالم مدري ايش تبغا من حياتها :p
السياره ممشاها 30 الف ودخلتها على هدا الاساس
جاني واحد الله يستر علينا وعليه من جنسية عربية مسوي نفسو كبير الفنيين او ايش مدري
جايني يقلي ليش الشنطة مخدشة عندك والصدام الخلفي ولصدام الامامي
على بالكم شريطي
وفتح غطاء المحرك والاخ بيدخن لاحظو الشي هدا
لمن جاي بيشيك جالس يضغط على لي حق كمبرسور المكيف يقلي عندك تسريب ويبغالو تغيير ويكلف 5500 ريال :p والسجارة الي بيده طاحت من يده جوة الكبوت لاحظو الشي هدا
قلتله بسيطة غيروها على الضمان يقلي سيارتك 2007 تعرف يعني لها كم سنة
قلتله ترا ماشية 30 الف ماصدق دخل السياره شغل السيارة شاف الممشى يقلي قالب العداد او مغيره اعترف ولا انا اقدر اوديك في ستين داهية لاحظو الشي هدا
وانا طبعا طبيعتي جدية وماحب السيب والي يكامني بهلاسلوب فطرت عليه
ويقلي قزاز الخلفي اليمين يطلع صوت يبغالك تغيير مكينة
بحدود ال6 او ال7
ومن بعدها حرمت ادخل سيارتي عندهم الله يرحم ايام زمان ايام ماكانو شغلهم صح
لاكن للاسف الان اختلفو
ناس مدري ايش تبغا من حياتها وممسكينهم مناصب في الصيانة
فرعين صيانة في جدة فقط كلها صغيرة جدا
بلمقابل عننا توكيلات الجزيرة فرعين او 3 فروع صيانة
فرع الطريقة المدينة كبير جدا وفوق كدا مزدحم
اما عن الفنيين والمندسين متعادلين الان ال2 مثل بعض
الله لايهينكم ممكن احد يدلني على مركز صيانة اوكيه ادخل سيارتي فيها بعد كدا تغييير زيت وصيانة دورية غير الوكاله
وربي كرهت الوكاله من السباكين الي جايبينهم
وياخوفي يكون نهاية عبدالله هاشم مثل نهاية شركة عمر ابوبكر بالبيد للسيارات ((الإفلاس))
