تجربتي لكفرات Bridgestone Adrenalin .. على اكورد 2007

السلام عليكم ورحمه الله وبركاته

اسعد الله اوقاتكم بكل خير

دائما يسال الشباب عن افضل واحسن والين واقوى كفر وسعره يكون رخيص :d ماتجي صح

الزبده استمرارا للموضوع السابق عن التورنزا اليوم عن كفرات برجستون بوتنزا ادرينالين

http://www.hondaarabia.com/club/t38803/

اما اليوم كلامي عن :
Bridgestone Adrenalin

http://www.altalayi.com/cms3ar/image...s/image003.jpg

الكفرات مشيت عليها الان تقريبا 40 الف كيلو متر
المقاس 215 / 55 / 16 اكورد 2007
الكفرات انتاج شهر 6عام 2010 م وشريته بشهر 3/ 2011 م وهذا كان اخر انتاج للبوتنزا بكل الفروع وقبل شهرين سالت عنها ماجت دفعه جديده لان الكفر غالي وقليل اللي ياخذه

التقييم العام لها من وجهه نظري كالتالي :

الرساوه = 9 /10 وملاحظ تحسن اداء الفرامل بشكل كبير
خصوصا الكفر يلتصق بالارض بشكل واضح
الهدوء = 8 / 10 وبعد استخدام كم شهر طبعا بدى الصوت يطلع
العمر الافتراضي للكفر= 8/ 10 يعني نقشته للحين كويسه جدا
شكل الكفر من ونقشته ونظرته على الجنط =9 /10
السعر =530 ريال للكفر الواحد << غاااالي بس يستاهل

طبعا بعد 60 الف كيلو اداء الكفر يختلف ويزحلط لانه يكون نشف تماما من الاجواء الباريسيه :d
هذا شكل الكفر قبل فترة صورته
http://www.m5zn.com/uploads2/2011/9/...20kvg0ncwm.jpg

خلاصه الموضوع

السعر غالي نوعا ما بس على سنع

الكفر ممتاز جدا وغالبا اني برجع اركبه مره ثانيه


كل الشكر والتقدير لكل من مر هنا واستفاد
تقرير من اعداد الـمـسـافـر .. سلطان

هل الكفر فيه قساوة ولا لين ؟ واذا مو موجود في السوق هل فيه شي من برجستون مشابه له ؟

شكرررا لك يالمسااافر على هالمعلومات

أخي الغالي
القاعده تقول:
الكفر القاسي يعيش أطول (من سنتين إلى سنتين و نص بالراحه)
و الكفر اللين يعيش أقصر (كثر خيره إذا جلس سنتين)
و أبارك لك مقدمآ على أختيارك لكفر البرجستون الذي يعتبر من النوع القاسي و لكنه يعيش أطول و ما شاءالله الكفر راسي عند المنعطفات كتجربه شخصيه
و نصيحه لكل من يشاهد تعليقي :
لا تستخدمو ملمعات الكفر بجميع أنواعها بما في ذلك الفيري و غيره لأنها تتسبب بتشطيب الكفر

ont=times new roman]لا تستخدمو ملمعات الكفر بجميع أنواعها بما في ذلك الفيري و غيره لأنها تتسبب بتشطيب الكفر[/font][/right][/QUOTE]
ملمع الكاوا ما يسبب للكفرات اي مشاكل >>>عن تجربه

اقتباس:

---

المشاركة الأصلية كتبت بواسطة بلال العلمي

هل الكفر فيه قساوة ولا لين ؟ واذا مو موجود في السوق هل فيه شي من برجستون مشابه له ؟

---

الكفر مقارنه بنوعه الرياضي الا انه لين نوعا ما خصوصا الفترة الاولى من استخدامه ماتحس انك مركب كفر رياضي

بس يعطيك انطباع جدا رائع اول ماتركبه بفرامل رهييييب مع هدوء جيد جدا

هو موجود باغلب الفروع بس ما تلقى تاريخ انتاج جديد مقارنه بالانواع الثانيه من نفس الماركه او غيرها

يعني ركبته انا بشهر 3 / 2011 وكان انتاجه شهر 6 / 2010 والى قبل فترة ماجت دفعه جديده لين تخلص الاولى

ممكن تكون جت دفعه منه الان ولا ببدايه 2012

نصيحه جرب الكفر ماتندم الا من السعر السلخه :d

بالنسبة لي انا افضل نوعين من الكفرات ومستحيل اركب غيرهم
1- برجيستون
2- ميشلان

انا اايدك في اختيارك افتكر اول ما نزل الكفر سنة 2007 ركبتة على سيارتي الكابرس الss كان ب 720 ركبتة في جده في وكاله برجستون والله الكفر روعه وجيد ويعطيك حقة الافتراضي كفر ما يحتاج بس في نقطة مهما لازم تسوية مع الكفر ما يتعبا هوا يتعبا نيتروجين أفضل شي عشان يعيش اكثر

دايما نسمع بهالنوع من الكفرات والمدح الي يتبعه واعتقد انه يستحق التجربه .. لكن للي يبغى نوع قريب منه جدا وبسعر أفضل يجرب البرجيستون GR90 بصراحه روعه والحمد لله انه لازال هادئ حتى الان بعد استخدام 7 شهور تقريبا


اشكرك اخوي سلطان :cool:

يعطيك العافيه خالد

بس هل الـ gr-90 ثابت لاني جربت ال 80 وزحلطه

وكم سعر الكفر حاليا gr-90 ؟

الكفر gr90 هو قوي ويكد معاك وممتاز والحين مركبه لي سنه ونص ومازال نقشته موجوده
بس اللي يقهرني فيه ماهوي راسي في اللفات زي ماقلت اخوي المسافر يزحلط :d
طبعا اول ماركبته كان سعره 430 ريال للواحد الحين سعره 500 ريال :confused:

المشكله بالزحلطه خصوصا اذا صرت بخريص ولا الملك فهد ووقف فجاه :d

تحس بمتعه السواقه بالاكورد مع البوتنزا

اقتباس:

---

المشاركة الأصلية كتبت بواسطة أكورداوي

دايما نسمع بهالنوع من الكفرات والمدح الي يتبعه واعتقد انه يستحق التجربه .. لكن للي يبغى نوع قريب منه جدا وبسعر أفضل يجرب البرجيستون GR90 بصراحه روعه والحمد لله انه لازال هادئ حتى الان بعد استخدام 7 شهور تقريبا


اشكرك اخوي سلطان :cool:

---

لاتحمسني :d

نفس كفراتي مركبها لي سنه و7 شهور ماشي عيلها 61000 والكفر والله انه يستاهل سعره...

واللفات صارت اكثر متعة... والنقشة جيده الى الان...

^^^
مشالله عليك سنه و 7 شهور ولسه فيه عمر :d
انا الحين له سنه و3 شهور وابي اغيره والسياره ماشيه 70 برغم اني لاني حق تفحيط ولا مقومات :cool:

انا شكلي باركبه كونه هادي حتى بعد ممشى 40 الف وايضا فيه تماسك فهذا المطلوب وغير كذا نقشته حلوة لكن انا شايف اللي مركبه هنا يمدحه

اقول ابعدو عن التورانزا جي ار 90 ركبته على جنوط الكوبيه ومازال راكب صحيح هادي بس مره يزحلط بالمنعطفات ولا تعرج بالخط انا سميته (كفر التزلج):d
ياعلي لاتتحمس يمدحون الركاده :d

الله يسعد ايامكم وكل عام وانتم بخير..
سؤال لك ياخونا المسافر الحين عرفت سعر البوتنزا مقاس 16 .. بس كم سعر مقاس 17لاني قررت اركب النوعيه هذي وسلامتك..

مدري والله عن سعر مقاس 17 لكن بيكون غالي فوق 700 ريال

وراكم تزحلطون بسياراتكم بلاحسيب ولارقيب :p

الحمد لله ماقد تزحلطت مع العلم اني سقت السياره في اكثر من مدينه وعلى اكثر من خط .. لكن ممكن الايام تخبي لنا زحلطه لانعلم بها ,, الله اعلم :d

انا على حد علمي بكفرات الوكاله michelin energy(ميشلان انيرجي )هو قاسي لكن اعتقد انه افضل في المنعطفات لاني مجربه خلاص بلاش من هذا اللي تسمونه بريجستون بوتنزا او GR-90االله يستر من الزحلطه:d
الا وش رايكم بميشلان برامسي احد جربه؟؟؟

اقتباس:

---

المشاركة الأصلية كتبت بواسطة مبارك عبدالله

الله يسعد ايامكم وكل عام وانتم بخير..
سؤال لك ياخونا المسافر الحين عرفت سعر البوتنزا مقاس 16 .. بس كم سعر مقاس 17لاني قررت اركب النوعيه هذي وسلامتك..

---

سعره حوالي 900

اقتباس:

---

المشاركة الأصلية كتبت بواسطة abu khaled

سعره حوالي 900

---

:eek::confused:

اقتباس:

---

المشاركة الأصلية كتبت بواسطة business man

ياعلي لاتتحمس يمدحون الركاده :d

---

:d ترى لي سنة وشوي وانا أقول بركب تواير الحين أنت وهقتني وبترجعني للوسوسه لسنة قدام أفكر أي نوع أركب :d

بس بخصوص الزحلطه تراني صرت شايب ماعاد عندي سواليف السرعة وزحلطن ( ساهر أدبني :rolleyes: )

^^ اجل ساهر

توني جاي من الرياض - القصيم - المدينه (صورة ساهر 4*6 ) - جدة ....... يالله مشواااار فضيع 1200 كيلو تقريبا غير دخلة القصيم بكم مشوار :eek: