ميزات وعيوب نظام ال abs

السلام عليكم

كيف حالكم جميعا إن شاء الله فى أتم صحة وعافية

طبعا اللى خلانى اتكلم فى الموضوع بشكل عام اللى حصل ليا اليوم ، وبما انى جديد شوية فى عالم السواقة والسيارات بشكل خاص حبيت اناقش معاكم الموضوع واشوف ميزات وعيوب الABS من وجهة نظر كل واحد فيكم ، وهل ال ABS فعلا كانت مفيدة ليكم ، خلونا نشوف تجاربكم

أصل الموضوع :

كنت ماشى اليوم فى احدى شوارع الرياض والطريق يعنى كان شبه فاضى فا طبعا اخدتنى الجلالة شوية وسرعت بعربيتى سيفيك 2009 المهم فجأة كده لقيت سيارة ونيت قدامى ماخدتش بالى منها فا المهم ضربت فرامل بسرعة وبشكل قوى وفجأة سمعت صوت عجيب زى طقطقة وكأنى مريت على دفعة عيون قطط مرة واحد وحسيت انه بدال الفرامل تحت رجليا زى الهوا وخفيف جدا طبعا ماكنش عندى امكانية انى اروح لا يمين ولا شمال وساعتها لما ضغطت الفرامل ولقيت السيارة بتطلع الصوت الغريب ده مكنتش قادر اتحكم فى الفرامل وحسيت انى هخبط فى اللى قدامى لكن ربنا ستر وكانت المسافة بينى وبينه تقريبا مفيش وتمنيت السيارة تقف باى شكل

طبعا الموقف معايا معداش كده وقلت لازم اجرب الفرامل فى مكان فاضى جنب البيت ، المهم روحت وبصراحة كنت ماشى على الملك فهد ومقلق بسبب اللى حصل وقلت خلينا نمشى عدل يحتار عدونا فينا لحد ما وصلت البيت وبجرب الفرامل لقيت الامور طبيعية ، قلت بقى خلينا امشى شوية بسرعة واضغط على الفرامل بقوة وفجأة سمعت نفس الاصوات ، طبعا خبرتى فى الامور دى تقريبا مفيش ومعرفتش احدد ايه السبب لكن بما انى جمعت شوية معلومات عن ال ABS قبل كده فا شكيت انه تكون المشكلة منه


المهم برده ما سكتش:dوطلعت على اللابتوب ودخلت على عمنا جوجل وعمنا اليوتيوب علشان اعرف ال ABS بيشتغل ازاى لحد ما لقيت الفيديو ده :


[ame="http://www.youtube.com/watch?v=hnjszE3NS9E"]ABS vs. No ABS - YouTube[/ame]

لو تشوفوا الفيديو بيشرح فى مواقف معينة امته يكون ال ABS مفيد وفيه مواقف تانية ممكن يكون مصيبة :eek: زى الموقف التانى من اول الدقيقة 3:11 لانه تقريبا نفس اللى حصل ليا مع اختلافات بسيطة

ياريت تشوفوا الفيديو للآخر وتقرأوا الكلام اللى مكتوب فيه وياريت تفيدونا بتجاربكم


دمتم بود

السلام عليكم

وعليكم السلام ... إن شاء الله طيب وبخير

بالنسبة للصوت اللي صار في سيارتك شيء طبيعي مع ضربة الفرامل المفاجأة ... وهو صوت يكون أقرب للضرب بمطرقة ، وليس صوت طقطقه ... يعني كأن واحد يضرب في بودي السيارة .

وهذا معناه إن الـ abs شغال معاك مضبوط ... وهو فعلاً نعمة من رب العالمين ... ولو كانت سيارتك ما كان فيها نظام الـ abs ... ما تدري وش كان بيحصل .

ربك سبحانه وتعالى قدر ولطف .. والحمد لله على السلامة .

من ايجابيات ها النظام

انكـ تقدر تتحكم (تلف) بالدريكسون وانت مفرمل وبها الطريقه تقدر تسيطر ع الوضع ((بعد فضل الله ))

وكم من مواقف صارت معي كادت تكون مميته !!

الحمد الله ربكـ ستر ولطف

تسلموا شباب على الردود

nasser1430

الحمدلله قدر الله وما شاء فعل وانها جت سليمة فضل ونعمة من الله ، لكن اللى انا فعلا استغربت ليه لما اتفرجت على الفيديو انه بعض المرات النظام كويس وبعضها فى حالت لو اتزنقت ولا حاجة لا عارف تروح يمين ولا شمال ممكن يكون مشكلة ، لكن ربنا يسترها مع الجميع

D.H.o.O.o.M

تسلم على الرد والحمدلله انها جت على قد كده وربنا يسترها معانا كلنا ، لكن انا مقدرتش استفيد بميزة توجيه الدركسيون كده او كده :d مكنش قدامى غير انى اشوف واراقب ايه اللى هيحصل :eek:

إن شاء الله الشباب يستفيدوا من الفيديو بقدر الامكان علشان اللى فاكر انه ال ABS كويس فى كل الاحوال يبقى حذر اكتر

دمتم بود

من فضل الله تعالى أن سخر لمصممي السيارات هذه الميزه الآمنه

لكن تأكد أن عدو abs هي السرعه الجنونيه ويزيد الأمر خطوره كلما زاد عدد الركاب ( اي الثقل )

لذلك يجب مراعاه ( سرعه السياره ) فوالله مافيها فائده

* لاحظوا لما تكون ماشي على السريع بين أشاره و أشاره ، تستغرب من سياره بطيئه عـهـتـها خلفك ، فتصبح أمامك ؟!
* لاحظوا في الطرق السريعه .. تمشي 180 وتتعدى شاحنات تمشي بـ 80 أو 100 ولما تتعداها بساعه كامله و تقف عند محطه تتفآجأ بعد دقائق بسيطه أنها تتعدى من قدامك ( فتسأل نفسك ) : فين راحت سرعتي ؟؟

كنا أقرب للموت بسرعتنا ، وكنا أكثر أستهلاكا لسياراتنا وفرق دقيقتين أو 3 دقائق

فأكبر أمان بعد الأخذ بأسباب ، بأجتناب السرعه، وهي الأمان بحد ذاتها ، على الأقل تقدر تتحكم في سياراتك ! تقدر تفكر آيش حتعمل لما يكون قدامك حادثه أو موقف مفآجأ

في المقابل .. بعض السائقين ( يمشي ) على بيض ! ولا يهتم لمن خلفه فهذا خطر آخر قد يكون بنفس درجه المتهورين بـ سرعه

شكرا ً على الموضوع .

تحياتي ,,,