مفتاح سيارتي ضاااع تكفون ساعدوني

السلام عليكم ورحمة الله وبركاته

اخواني اليوم عطيت سيارتي اخوي ..

ويوم رجع الا يقولي دخلت البيت ويوم جيت اطلع مره ثانيه ماشفت المفتاح في جيبي ..

المهم والزبده انا ادري انه ناسيه داخل طلع المفتاح وطاح عليه داخل ..

وفتحت الباب شوي بسكروب ودخلت حديد وضغطت زر فتح الباب لكن موراضي تفتح السياره مدري ليش حاولت حاولت موراضي ابد ..

تكفون ساعدوني وش الحل يانآآس انا سيارتي نظام تاجير عن طريق البنك الاهلي هل يوجد عندهم مفتاح ولا اخذه من الوكاله المفتاح ولا كيف :( ..

افيدوني يارجال ولا في محلات يفتح لي الباب ..

والله مشكله :(

علما بان المفتاح الثاني الي بدون ريموت بعد ضايع من زمان :(

انا راح اقولك انا شاري السياره وعطوني 2مفتاح بريموت وواحد سبير عادي بدون ريموت(3مفاتيح ) انت كلمهم لاجل يفتحون السياره حرام تخرب القفل للسياره ..معنا كذا عندهم مفتاح واحد لسيارتك لانها تاجير :)

البنك عنده المفتاح الثالث ميه بالميه

مالك الا تمر البنك الاهلي وتأخذ منهم المفتاح وتقص عليه عند الوكاله
وان شاءالله انهم يعطونك

صارت معاي عند تايوتااا مفتاح جيب واخذت منهم المفتاح وقصيته عند نفس الشركه وكلفني تقريبا 700 مع البرمجه

في محلات مفاتيح تفتح سياره 50 ريال مايحتاج تحوس في سياره

والله رحت البنك قالي نجيبه لك من جده بـ 300 ريال وتنتظر اسبوع وبعدها نوديه الوكاله يقصون عليه بالوكاله

وآآويلي كم بيقصووونه

وش السواااة فديتكم

وعليكم السلام

اذا متأكد ان مفتاحك الاصلي داخل السياره

جيب اي فني من محلات المفاتيح يفتحها لك وصلى الله على محمد ليه تطول الموضوع

ياليتك كنت مسوي مثلي انا رابط احد المفاتيح تحت يعني على طول افتح بس مثل ماقالوا لك الاخوان لاتحوس بالسيارة وتخرب بويتها ترى 50 او 100 ريال احسن من انك تكسر حاجة مر احد محلات المفاتيح وراح يفتحها

ترى عامل يسويها لك بـ 50 ريال يفتح الباب وانتهينا

في محل مفاتيح عند القصرية فيه واحد يسمونه مستر كي يفتح لك السيارة احسن من تخرب الجلد
اذا كان المفتاح داخلها امورك طيبة

ياعمي اكسر المثلث ووسع صدرك :d

يخربون عليك جلد الباب او يخربون وزنية الباب ماتستاهل الدعوة

اكسر المثلث بس

^^
جبتها :d