عرض للطباعة
السلام عليكم ورحمه الله وبركاته
كما عودتونا دائما باخذ ارائكم بهذا المنتدى
انا عندي مشكله في سيارتي اكورد 2007
والي هي اذا ضغطت بريك يطلع لي صوت طقه من الجهتين من اليمين واليسار وخاصه اذا السياره كانت بارده
الاقمشه وغيرتها وصيانه كامله وسويت ياليت احد يفيدني ودمتم....
انت جاوبت على نفسك اذا كانت السيارة باردة ترى بالشتاء تكثر الاصوات وذك نيجة عملية التمدد والتقلص
السياره وهي بارده تطلع واذا هي حاره تطلع بعد بس على خفيف
احتمال كبير من المقصات رح لميكانيكي عشان يفحص الجلد حقت المقصات ويتاكد الصوت من المقص العلوي او السفلي
وبالتوفيق
الصوت طبيعي جدا الصوت اللي تسمعه هو نتيجة ضغط زيت الباكم على الهوب أي بعد اندفاع الزيت وتوقف السيارة تمام يصدر صوت طقة خفيفة اما بالنسبة انك تسمعه بصوت اعلى بالشتاء فطبيعي الزيت بارد شوي ويكون ثقيل ويندفع بتكتل فيزداد الصوت يعني لاتغير شي ابد سيارتك مافيها الا العافيه:cool:اقتباس:
المشاركة الأصلية كتبت بواسطة aboali693
اقتباس:
المشاركة الأصلية كتبت بواسطة accord790
نفس الكلام شيك على جلد المقصات
رساوي
كلامك غير منطقي ليش فجاه بعد 5 سنوات من الاستخدام يطلع لنا الصوت
المفروض على كلامك ان الصوت موجود من اول يوم استلم فيه السياره
على العموم انا عندي نفس الصوت وشيكت عليها وطلعت من المقص العلوي الايسر والى الان ما صلحتها
السلام عليكم
شباب غيرت جلد المقصات والصوت باقي ماراح وواحد من الشباب يقولي عندك العكوس وش الحل تكفون ياهل الخبره حتي الورش ماعرفوا وشهو الصوت علما بان الصوت من الجهتين وشكرا....
شحم القطعه الحديديه الي تمسك الفحمات >> مادري وش اسمها :d
بالتوفيق ياخوي
مرحبا اخوي
اي قطعه حديده تقصد
وين مكانها هذي القطعه
القطعه ماسكه الفحمات (شوف الجنط وبتعرفها )اقتباس:
المشاركة الأصلية كتبت بواسطة aboali693
بعض الورش تعرفها
طيب اخوي انت مغير الفحمات أصلية وكالة
ولا مركب تجاري ولا فحمات يابانية (نيسن) ؟؟؟ :)
نفس المشكلة عندي :confused:
انا ماغيرت الفحمات
شوف اذا الصوت يجيك وانت ماشئ وتمسك فرامل تسمع طقه فتأكد من مسمار الكليبر نفس الصوت الى عندي أنا رحت ورشة وشحمه وزبط
والله يا غالي انا كان عندي نفس الصوت الي عندك و لمن أوقف السيارة بذات اكون حاط رجلي ع الفرامل و اسمع صوت طقطقة انا قلت يمكن من الهوب و خرطه و مانفع و رجعت و غيرت فحمات(أقمشة) و راحت و ارتحت من الصوت
انت متى اخر مره غيرت فحمات؟؟؟
نصيحة لا تغير الا اصلي انا انعدم عليه الكليبر بسبب التجاري اول مره و اخر مره.
اقتباس:
المشاركة الأصلية كتبت بواسطة aboali693
المهم اني مجرب فحمات يابانية تجارية
و طلع عندي الصوت بعد فترة رحت للورشة و سألني الفحمات أصلية ولا تجارية
قلت له تجارية قالي الصوت منها غيرها بأصلية و بيروح الصوت :cool:
طبعا أنا غيرتها و فعلا راح الصوت و لله الحمد
لكن ما أدري الصوت كان منها ولا من شيء ثاني لأني غيرت معها ركب و أذرعة و كم شغلة :d
السلام عليكم ورحمه الله وبركاته
الله يعطيكم العافيه ياشباب
انا ماغيرت فحمات للسياره من يوم طلعتها من الوكاله
وشكرا للجميع...