مشكله طارئه.. النور العالي يعلق

السلام عليكم ورحمه الله...


كيفكم يالغالين... ادري والله زمان عن المنتدى..لكن الشغل و الدراسه اشغلتني والله...

يالغالين.. انا سيارتي اكورد 2006.. النور العالي يعلق معي دايم وفي الاخير عللللق لين فصلت الفيوز حقه..

وديتها اكثر من ورشه..اللي يقولي لازم علبه فيوز واللي يقول انا اصلحها لك 250 ريال.. وااكثر من ورشه قالوا مافي شي يتصلح هذي لازم تغير العلبه الفيوز..والعلبه غااااليه.. وقاللي واحد اركب كتاوت خارجي واسلاك خارجيه..ووفي الاخير انها بتضبط ..ولا ادري ولاابغى اخذ من التشليح يمكن تكون تقليد او مستعلمه ورايحه فيها...


مادري هل احد منكم مرت عليه هالمشكله . و الحل الي سواه وارتاح له..لان سيارتي نظيفه جدا وكاله ..ماحب احوس فيها...

ماانسى فزعتكم والله

مع العلم.. ان النور الواطي ركبت شمعات ياباني من زماااان.. واوكيه معاي.. والعالي شمعات الماني 100واط..واوكيه ..

و المعروف ان هالموديل من الهوندات تصير فيها هالمشكله مادري ليش.

عندي خويي نفس المشكلة سيارته 2007 و نظيفة جداا مثل الوكالة و طلعت له هالمشكلة و هو محتاار و بنشوف رد الاخوان

أنا معي أكورد 2007 وعندي نفس المشكلة وعانيت منها كثير وما خليت ولا محل الا مريتة والي يقول علبة فيوز والي يقول التماس والي يقول ..... كلام كثير
ومعروف ان هذي المشكلة في موديلات ( 2007 ، 2006 ) وكثير من الأعضاء صارت معه والحل طال عمرك ركبت كتاوت للنور العالي عند محل زينه والحمد لله راحت المشكلة والحين ماشية معي تمام ولله الحمد طبعا سعرها بـ ( 100 ريال )
اتمنى اني أفدتكـ

^^^
تقريبا كل الاعضاء اللي عانو من هذه المشكله حلوها بهذي الطريقه وانا منهم
والمشكله اصلا من علبة الفيوزات

وفيه احد الاعضاء مسوي هذا الاعلان خذ نظره عليه
http://www.hondaarabia.com/club/t52762/

وبالتوفيق

بيض الله وجيهكم يالغالين..

والله انكم كفيتوا و وفيتوا... الصراحه ريحتوني الله يريحكم يارب..

لكن اخليه يركب الكتاوت خارجي واسلاك غير الاسلاك القديمه ولا كيف.؟ وابي اعرف كم اخذ شغل اليد وكم القطع..؟

وبس هذا اخر شي ابيه منكم ...

اسلاك الوكاله اللي تركب في النور مباشره يركبها على اسلاك الكتاوت من الطرف الاول
والطرف الثاني من اسلاك الكتاوت يركب في النور واكيد فيه سلك ثالث موصل بالبطاريه مباشرة

واذا انت في الرياض انصحك تروح للتمران في الغرابي ( يفصلها لك والاسلاك جودتها حلوة ) افضل من الجاهزة في المحلات

اقتباس:

---

المشاركة الأصلية كتبت بواسطة accord790

اسلاك الوكاله اللي تركب في النور مباشره يركبها على اسلاك الكتاوت من الطرف الاول
والطرف الثاني من اسلاك الكتاوت يركب في النور واكيد فيه سلك ثالث موصل بالبطاريه مباشرة
واذا انت في الرياض انصحك تروح للتمران في الغرابي ( يفصلها لك والاسلاك جودتها حلوة ) افضل من الجاهزة في المحلات

---

ابشر ..بس تقدر لو توصفه لي.. وياليت تقولي كم كلفك شغل يد و كم اخذت من اكتاوت 1 او 2.

والله اتعبتك معي يالغالي

Wikimapia - Let's describe the whole world!

هذا اقرب وصف له لقيته بالنت

شغل اليد حدود 150 ريال

اقتباس:

---

المشاركة الأصلية كتبت بواسطة accord790

wikimapia - let's describe the whole world!
هذا اقرب وصف له لقيته بالنت
شغل اليد حدود 150 ريال

---

لاهنت يالغالي... والله ماقصرت الله يخليك يارب

الله يقدرني على ردها لك..

تسلم يمناك

انا مريت التمران اليوم قالي 170 الاغراض :d

و30 شغل يد :d


اذا بتكاسر بسويها لك اقل :d

اقتباس:

---

المشاركة الأصلية كتبت بواسطة مجوووودي

انا مريت التمران اليوم قالي 170 الاغراض :d

و30 شغل يد :d


اذا بتكاسر بسويها لك اقل :d

---

بالله عليك.. انا جيته وقالي بعد المكاسر 350ريال بالاغراض... بالله عليك العمال وش جنسيتهم؟؟؟

اقتباس:

---

المشاركة الأصلية كتبت بواسطة محمد أكورد

بالله عليك.. انا جيته وقالي بعد المكاسر 350ريال بالاغراض... بالله عليك العمال وش جنسيتهم؟؟؟

---

هنود :d

اسموه البرنس :d

اكيد قالك 350 لانه موب صديقك انا اعرفوه منذو مبطي :d

اول مرة جيتوه كان يطلبني مبلغ وعطيتوه النص وقلت الباقي بجيبوه لك بكرة لان الصرافة ناسيها :d

وقعد يمدح فيني انت نفر كويس من اول ماشفتك اكيد راح تجيب الفلوس .. انا خقيت واليوم الثاني وانا عنده بالفلوس :d

بعدها الرجال صار صديقي :p

كاسر ماتعرف تكاسر ..! سو نفسك مسكين وشوي وتبكي راح يتأثر وينزل القيمة :d

اقتباس:

---

المشاركة الأصلية كتبت بواسطة مجوووودي

هنود :d

اسموه البرنس :d

اكيد قالك 350 لانه موب صديقك انا اعرفوه منذو مبطي :d

اول مرة جيتوه كان يطلبني مبلغ وعطيتوه النص وقلت الباقي بجيبوه لك بكرة لان الصرافة ناسيها :d

وقعد يمدح فيني انت نفر كويس من اول ماشفتك اكيد راح تجيب الفلوس .. انا خقيت واليوم الثاني وانا عنده بالفلوس :d

بعدها الرجال صار صديقي :p

كاسر ماتعرف تكاسر ..! سو نفسك مسكين وشوي وتبكي راح يتأثر وينزل القيمة :d

---

اهااا... لاهاذولا مصاريه...

لكن انا لقيت الحل.... شفت علبه الفيوز.. جنبها علبه صغيره مربعه..اضرب عليها بقوه..ويضبط العالي معك.. وضبطت معي

بس اقولك.. انا الحين العالي عند 100واط... هل لازم احط كتاوت احتياط..ولامايحتاج.؟