صيآنة الوكآلة السيئة ، وخدمة العصر الحجري
السلام عليكم ورحمة الله وبركآته
يوم السبت رحت الوكالة اللي بالشرقية ، وعندي سيفيگ 2009 بعمل لهـ صيآنة 40000 الآربعين ألف
قالو بنصفي أو بنغسل الماكينة والبخاخات وبنغير الفحمات اللي بالآمام وزيت الماكينه والفلتر وفلتر الهواء، طبعا هذا اللي بيسووونه .
انا طلبت يغيرون الربله للزجاجة الآمامية للباب الآيسر وقالو هذا يتحمله الضمان ( تخيلو اني طالبهم يغيرونه من صيانة الخمسة الآف ولا غيروها الا الآن ياصبر آيوب )
وطلبت يشيكون على صوت يطلع ب الدركسون اذا لفيته يمين ويسار وهي واقفه مثل الطقطقة .
ــــــــــــــــــــــــــــــــــــــــــــــــــ ــــــــــــــ
طبعا رجعت لهم يوم السبت العصر قالو : تعال بكره بتخلص ، رجعنا يوم الأحد قال في مشكله عندك في الهند بريگ !!!! <<<< :mad: تعال يوم الاثنين
تخيلو انا من النوع المحافظ على السيارة الهند بريگ ارفعه دقة وحدة ويمسگ ومضبوط
المهم اتصلت عليهم يوم الاثنين قالو السيارة نغسلها تعال بكره الثلاثاء عشان تستلمها
رحنا الصباح وتخيلو من الساعه 9,30 إلى 10،30
ساعه عشان بس اسدد المبلغ وهو 1505 ريال ( الف وخمسمائة وخمسة ريالات )
محاسب يشتغل لواحد ويختفي ربع ساعه المهم استلمت السيارة واكتشفت
1- السيارة ماغسلوها ( ويوم الاثنين يصرفني تعال استلمها بعد يوم عشان نغسلها )
2- الهند بريگ ارفعه لين اخر شيء وبالموت يمسگ واحس شكله بشع وهو مرتفع لفوق .
3- دعسة البريگ صايرة خشنة مرة ولازم تضغط عليه بشدة وبمسافة بعيدة عشان توقف السيارة.
آرتفع ضغطي لومغير الزيت ببنشري غسل السيارة
هوندا سيارة قوية وعملية واحبها بالرغم لتكاليف الصيانه الغالية ، بس خدمتهم سيئة جدا ومافيها اي مصداقية تخيل يقولگ ركبت لگ قطعة عشان بحل لگ المشكلة وبعد تجربتها قالي اللي ركبته ماحل المشكله بنبحث وبنشيگ زيادة عشان نكتشف المشكلة
وانا بعد هذا التعامل مراح اتعامل مع صيانة الوكالة ، رح اسئل الشباب وش يحتاج وراح اغيرهـ بالخارج
كثير ينتقدني ليه مداوم على الصيانه وانت محافظ بشكل كبير بسيارتگ .
المهم اتصلت عليهم بعد ماطلعت من الدوام وحسيت ماعندهم حس اداري وكل واحد يسلك للثاني اتصل واقوله من اقدم له ملاحظاتي يقول قدمها لي واذا قدمتها وخلصت حولني لموظف ثاني وتعال عد المشاكل والملاحظات وهذا يحولگ لهذآ وقالو تعال بكرهـ ونشوف السيارة ووووووونحاول ندخلها يشيكونها <<< رد عظيم
انا كنت متعطل ثلاثة ايام ونصف ومشاويري كلها ليموزينات من الخبر وعملي في الدمام وبوديها لهم عشان نحاول ونغسل السيارة مالت عليهم مع احترامي لشعار هوندا اللي وضع ليس كا آمانه بين ايديهم
