السلام عليكم
هل تنصحوني بالاكورد أو أشوف سيارة غيرها ، ؟
وابي الاسباب تكفون ؟ وكل شخص يقولي المشاكل الي واجهها بسيارته الاكورد من شراء السيارة
ويذكر كم موديل موتره .. !
وتبي أجوبه بكل أمانه ولحد يتعصب لسيارته تكفون ..
عرض للطباعة
السلام عليكم
هل تنصحوني بالاكورد أو أشوف سيارة غيرها ، ؟
وابي الاسباب تكفون ؟ وكل شخص يقولي المشاكل الي واجهها بسيارته الاكورد من شراء السيارة
ويذكر كم موديل موتره .. !
وتبي أجوبه بكل أمانه ولحد يتعصب لسيارته تكفون ..
انا والله اني مسجل بالمنتدى علشانك انت والعضو الي حاط موضوع متقارب مع موضوعك انا كنت ناوي اشتري هوندا سبيشل قبل يومين تقريبا رحت عشان اجرب السياره ثم ادفع العربون الصراحه يم جربتها ماتوقعتها كذا مراتب كنك قاعد على صبه تكسر الظهر حنة السيارة تسمعها مافيها اكتسسورات مسجلها ضعيف قوته اخر شي 40 لاكن من ناحية الشكل الخارجي حلو بس من داخل عاديه وغير مريحه وينطبق عليها المثل الي يقول من برا الله الله ومن جوى يعلم الله
مافي اي اعطال ممشاها ١٥ الف ومن اجمل مايكون ويكفي رساوتها
غريبه والله .. الكل يمدح الاكورد جدا جدا .. والله انت أول واحد اسمع يرفضهااقتباس:
المشاركة الأصلية كتبت بواسطة walodi
عالعموم شكرا
بعد عدة ايام تكمل معي السنة
ماواجهني اي مشكلة حد الان غير الحنة تبع الطرمبة ولاتاثرٍ لكن مزعجة
موديل سيارتي 2008
الفحمات مشيت عليها حتى الان 25 الف وباقي فيها ثلثين ولا ادري كيف تخلص مع الناس!
بعطيك خيارات غير الاكورد شوف الأزيرا الجديدة ال6 سلندر تجيك تشغيل بصمة وأفخم من الأكورد ال4 سلندر الأزيرا ما أنصحك فيها أو عندك الكادينزا أفضل من الازيرا لانها دفع خلفي برضها أفخم من الأكورد ,, بس حاب أقلك انو الأكورد أفضلهم ميكانيكياً بس للأسف الفخامة إكس
تقبل مروري .....
حياك الله يالغالي ما تقصراقتباس:
المشاركة الأصلية كتبت بواسطة دنيآ الغرور
أنا معك الازيرا والكادينزا افخم .. لكم ادفع فوق 100 على كوري ..اقتباس:
المشاركة الأصلية كتبت بواسطة ss4rakan
وإذا بتشتري كوري خذ هيونداي افضل من كيا
شوف لو تروح منتدى نيسان تقول
وش احسن اكورد ولا التيما .. راح يقولون التيما
لو تروح منتدى تويوتا وتقول وش احسن اكورد ولا كامري راح يقولون كامري
ولو تروح منتدى السيارات الكورية وقلت وش احسن اكورد ولا سوناتا
راح يقولون سوناتا !! وعلى هالمنوال وكل واحد يمدح غنمه
لكن شوف تجربتي بالهاموضوع ولك القرار عاد
http://www.hondaarabia.com/club/t52622/
ومطبلين مانبي
طيب كان عندى كامرى2009 والان اكورد2012 ليش احس فرق كبير لصالح الاكورد..العزم..الرساوه ..العزل ..الفخامه ..التفرد عن الغير كلها لصالح الاكورد
ممكن الجزئيه إلي ذكرتها بأنها مش مريحه ( بهذي عندك حق ) ، وغريبه على سياره نازله واطيه ماتكون مريحه زيها يمكن الشباب مايحسون بشيء هذا لأنهم شباب ؟؟!!
شغله ثانيه وأنا أخوك حابب أنورك فيها .. تراى السياره نازله حيل بالمقارنه بمثيلاتها كاكامري ، قبل أمس تفآجأت بـ حفره بطريق الله لا يوفق إلي مآردمها بأحد الأحياء .. طاحت و ضربت السياره من تحت و تعديتها .. الحين فيها سوائل تتهرب مثل الشم تنزل من نسافه الكفر الأيسر الأمامي ، وللحين أتكرعش كل ماتذكرت الحكه و صوت الأرتطام من تحت ؟!
وبرغم من أنها دفع أمامي .. استغرب من العتبه إلي ( بوسط ) أسفل المراتب الخلفيه مآخذه حيز و كأن تحتها عامود الدفع ( للكفر الخلفي ) ؟! والشيء هذا ماتلقاها بوصيفتها الكامري
هي تصلح للشخص الهادي ، إلي مايركبون معه أحد ، أو عائله صغيره ، لأني أعتقد أن عزمها مو قوي ، وسبق وأن قلت لو كانت على الأقل على الأقل في بعض موديلاتها كـ ( السبشل ) 5 سرندر .. كان عاد أنهضمت .
يمكن تكون معقوله عندي وعند غيري حلوه وعندك ( شيء آخر ) بس تأكد أن هوندا من بعد 2012 ( أمريكيه ) ومش يابانيه .. وسعر كـ سعر الياباني الله يخلف بس ؟!
يا أخي إذا كنت حاط أكثر من خيار .. حط هوندا ومعها الـ جيب المازدا ( مرتفعه وعائله ممتازه ) خذ مثلا سياره يابانيه شهيره الـ سوبارد ..
في نفس الوقت أقدر أقول أن الأكورد سياره عمليه ، اقتصاديه ، مع شيء بسيطه من السلامه لكني أفضلها بصراحه إلي عندي2003 ( اليابانيه ) بـ الكامري2012 ألف مره .
أستخر و الشباب فيها الخير و البركه
مساء الخير اخوي
انا باقول لك اللي صار معي بالضبط
انا كنت قبل 4 شهور تقريبا نفس حالتك ادور لي موتر
و كانت اختيارااتي بين اوريون و كامري و اكورد و ازيرا
طبعا استخرت رب العالمين و اخذت الاكورد سبيشال (نص فل) 2012
الموتر الآن ماشي 5,500 لو تلاحظ ما مشى كثير على المده اللي جلس معي
باختصار انا ماني راعي مشاوير واجده بس للحق اقولها لك .. الموتر ما ندمت اني اخذته ابد
تبقى وجهة نظر شخصيه لك حق القبول و الرفض و دايما تأكد مافيه شي كامل
هالشي بيريحك كثير و لا تنسى صلاة الاستخارة
الله يوفقنا و ياك
عليكم السلام ورحمةُ الله وبركاتة
حياك الله اخوي
انا احدث عن سيارة خدمتي فوق 4 سنوات ما شاء الله ..
مشيتها الى 200 الف ، وما عمرها طلبت ألا الاشياء الاستهلاكية ..
لكن اذا بغيت الجد ، بما اني جرت الافالون09 واللكزس البانوراما 08 ،
بصراحة فرق في اسعار قطع الغيار كله لصالح اللكزس والتويوتا ،
يعني الهوندا اسعارهم للقطع الاصلية مبالغ فيها ، واما القطع اليابانيه فاسعارهم مناسبة
الازيرا والسوناتا ، ما انصحك فيها ابد ، شوف الحوادث كيف اذا صارت فيها ، تروح السيارة ... الخ
كثير من السيارات من هيونداي صارت لها حوادث ، الله يبعدنا عن الحوادث ، السيارة ما تتحمل الحوادث
صحيح الأكورد ما فيها مواصفات كثيرة مقارنه بمثلياتها ، لكن قوتها هي اللي اقنعتني بان امتلكها ..
واذا عندك مبلغ حول 100 الف ، حاول تشوف لك افالون 2009 / 2010 او لكزس 2008 es350
خاصة وان اسعار قطع الغيار مناسبة جداً ، والفحمات كنت اغيرها كل 40 الف ، عكس الاكورد كل 25-30 الف لازم اغيرها ..
لكن تبقى الاكورد الفل كامل مخمل ، مراتبها اريح من باقي المراتب من درجات فئتها ..
في النهاية السيارة تتحمل ، ولا انصحك تبتعد عن الياباني ، عشان لا تتوهق بالمشاكل ..