تقرير : تركيب كفرات جودير الألمانية جنط 17 "محدث"
السلام عليكم ورحمة الله وبركاته
.
.
.
كيف حالكم ايها الابطال :d
نخش بالموضوع دوقري
طبعاً كلنا نعرف معاناة كفرات مشيلان التايلنديه الخايسه حقت الوكالة وقساوتها وصوتها المزعج ولكن ماننكر انها راسية.
طبعاً استعملت كفراتي حقت الوكالة سنتين بعدها غيرت الاماميه بنفس النوع وبعد 10 شهور تقريباً ركبت اليوم طقم القودير
الحقيقة رحت اكثر من مركز رحت بريلي حصلت عنده نوع نفس مقاس الوكالة صناعته
ايطالي تجميع صيني والشركة المانية< :d
سعر الكفر بعد الخصم 820 ريال والصراحه ما لي نيه اركبه بس قلت نشوف الاسعار لا اكثر.
بعدها رحت مركز اطاراتي اشوف الانواع وراني ميشلان كم نوع فرنسي وتايواني لكن ما ارتحت لهم.
فجأة تذكرت اخونا العزيز سلفر اوريون يوم انه نصحني بالقودير
قلت خلنا نروح الوكيل حقهم بمخرج 15
ودخلت سألته ع المواصفات وتاريخ التصنيع والضمان والسعر وغيرها وبعدها توكلنا.
الصور :
اول شي النقشة
http://im19.gulfup.com/2012-01-10/1326180263711.jpg
http://im19.gulfup.com/2012-01-10/1326180264262.jpg
صورة توضح مدى حماية الكفرات للجنط من ضربات وحكات الارصفه
http://im17.gulfup.com/2012-01-10/1326180443211.jpg
صورة نهائية للملكة السوداء :d "ما شاء الله"
http://im19.gulfup.com/2012-01-10/1326180264424.jpg
مواصفات الكفرات :
1- المقاس 17/50/225
2- السرعه W يعني حتى 270كم
3- تحمل الحرارة A يعني يتحمل الحرارة العالية
4- مؤشر تآكل الاطار 340 تحمله عالي
5- traction اعتقد المقصود فيه هنا الثبات وهو A
6- صنع في المانيا
رأيي بالكفرات :
1- الراحه والليونه افضل من الميشلان ولا فيه مقارنه اعطيه 9من10
2- صوت الشارع الحقيقه هو افضل من الميشلان لكن بشيء بسيط اعطيه 7 من 10
3- الرساوة والثبات، جداً رائع بالمنعطفات يعطي ثبات ممتاز اقيمه 10من10
السعر والضمان والصيانة :
1- سعر الكفر بعد الخصم 697 ريال وللطقم 4 كفرات 2788 ريال
2- الترصيص والنيتروجين مجاني والترصيص داخلي ولصق
3- الضمان مفتوح مدى الحياة
4- الصيانة مجانية كل 15الف كم او 4 اشهر تدوير الكفرات وتشيك الهواء
.
.
.
وهنا ينتهي الموضوع وان شاء الله يحوز على رضاكم
بالتوفيق للجميع
