افالون - اكورد - كامري ... عطني رايك ..

:d استكمال لموضوعي السابق .... لحد الآن ما صملت ع سيارة لكن ماراح اطلع من هـ السيارات الثلاث ..


افالون ستاندر xl 2011 او اكورد 2012 فل مخمل او كامري 2012 glx خليجي ...

- سعر البيع ما يهم + تغير الشكل ما يهم لعدم البيع اطلاقا ..

- الي يهم .. صرفية البنزين .. جودة المواد المستخدمة .. الراحة .. الصيانة .. الرساوة .. قلة الاعطال ..

حسب ما قرأت .. مشكلة الافالون في صرف البنزين .. وهذا من اولياتي في السيارة :mad:

+ تجاربكم مع اكورد ..

خدمة من 5 - 7 سنين بدون مشاكل كبيرة ..

:rolleyes: ننتظر ردودكم :rolleyes:

هلا اخوي

انا ارشح افلون

لو ابيع الاكورد ماراح ابعد عن الافلون فخامه ودلع وصرفيتها للبنزين نفس الاكورد
ومريحه

من ناحيه الصيانه والله ما عندي علم

لكن مع ولد عمي افلون 2009 بصراحه ماشاء الله افضل من الاكورد

الأفالون طبعاً لأنها فئة أعلى من الأكورد والكامري = رآحة أعلى ،،
الله يوفقك ،،

مشكور اخوي لكن كيف عرفة ان صريفة البنزين للأفالون مثل الاكورد مع العلم أن :

الاكورد 4 سلندر ...

الأفالون 6 سلندر ...

+ الافالون ستاندر ...

اقتباس:

---

المشاركة الأصلية كتبت بواسطة مقطوع راسي

الأفالون طبعاً لأنها فئة أعلى من الأكورد والكامري = رآحة أعلى ،،

الله يوفقك ،،

---

ما يهم الفئة وانا اخوك ..+ لاتنسى الافالون احس كبيرة علي مايركب السيارة الا انا ...:d

فيه سبب آخر غير الفئة ؟؟

اقتباس:

---

المشاركة الأصلية كتبت بواسطة هوندانا

ما يهم الفئة وانا اخوك ..+ لاتنسى الافالون احس كبيرة علي مايركب السيارة الا انا ...:d

فيه سبب آخر غير الفئة ؟؟

---

نعم مكينة السيارة أقوى وعزلها أفضل ومراتبها أريح ،،
لكن التحكم بالسيارة والرساوة وإستجابتها للإنعطافات السريعة الأكورد تتفوق برأيي بسبب أهتمام هوندا الكبير بهالنقطة ،،
.. جودة السيارتين ممتازة ، لكن الأفالون لو غيرت رأيك تقدر تبيعها بخسارة بسيطة ،،

إذا قلت فئة أعلى يعني كل شيء أعلى من فخامة وغيره ،،

والكامري 2012 الخليجة ... تجي 6 ارباق ... تراكشن ... نظام الثبات ... نيفيقيشن + اقتصادية ف الوقود + صيانتها معتدلة اسعارها نوعا ما ... مو مثل الافالون والاكورد (( قطع غيار ))

اقتباس:

---

المشاركة الأصلية كتبت بواسطة هوندانا

والكامري 2012 الخليجة ... تجي 6 ارباق ... تراكشن ... نظام الثبات ... نيفيقيشن + اقتصادية ف الوقود + صيانتها معتدلة اسعارها نوعا ما ... مو مثل الافالون والاكورد (( قطع غيار ))

---

لكنها موب مثل رآحة الأفالون وأقل رساوة وفخامة ، وأضعف مكينة وعزل ،،
والـ 6 إيرباجات ونظام الثبات بسيطة موجودة في الثلاث سيارات كلها ،،

.. أخوي ، تبي تختار ولا تندم ،، ؟!
اختار بناءً على أهم شيء عندك ، غير أي شيء ثآني آهم شيء عندك وشو ،، ؟!

العزم ما يهمني .... + احس الافالون كبيرة + صرف البنزين المرتفع ......... الفخامة ما تهم كلها مخمل وبدون شاشة ...

خذ لك اكورد ولا تترد ابدا

كل الشروط اللي تبيها متوفره فيها صراحه

>> كل 4 او 5 شهور لازم تصرف 500 ريال اصلاح دركسون

بالتوفيق لك

السلام عليكم ورحمة الله

حياك الله اخوي

يعتمد اختيارك للسيارة ، من ناحية عدد اللي يركبون معك
هل يهمك السفر كثيراً ؟ ... الخ

على العموم من رأيي ارشّح الاكورد والسبب انك بتاخذ فل كامل

الافالون اذا ما كانت ليمتد ، ما تصلح انك تأخذها ، والكامري ما عندي خلفية عنها بالنسبة للشكل الجديد

بين الافالون والأكورد فان صوفيه البانزين في الاكورد افضل < من واقع تجربة

لكن الرساوه والوسع الداخلي من صالح الافالون

واذا تبي نصيحتي ، روح جرّب الاكورد والافالون ، وشوف اللي تناسبك

ولابد من الاستخاره ، والله يوفقك ان شاء الله

اقتباس:

---

المشاركة الأصلية كتبت بواسطة اكوردتي عشق لا ينتهي

خذ لك اكورد ولا تترد ابدا

كل الشروط اللي تبيها متوفره فيها صراحه

>> كل 4 او 5 شهور لازم تصرف 500 ريال اصلاح دركسون

بالتوفيق لك

---

وش 500 ريال سلامااااااات انتم تتكلمون جد ولا تمزحون الحين انحاش من صرفية بنزين الافالون يطلع لك ذا ويقول 500 كل اربع خمس شهور ..؟؟؟:eek:

نبي توضيح

اقتباس:

---

المشاركة الأصلية كتبت بواسطة kakashi-san

السلام عليكم ورحمة الله

حياك الله اخوي

يعتمد اختيارك للسيارة ، من ناحية عدد اللي يركبون معك

هل يهمك السفر كثيراً ؟ ... الخ

على العموم من رأيي ارشّح الاكورد والسبب انك بتاخذ فل كامل

الافالون اذا ما كانت ليمتد ، ما تصلح انك تأخذها ، والكامري ما عندي خلفية عنها بالنسبة للشكل الجديد

بين الافالون والأكورد فان صوفيه البانزين في الاكورد افضل < من واقع تجربة

لكن الرساوه والوسع الداخلي من صالح الافالون

واذا تبي نصيحتي ، روح جرّب الاكورد والافالون ، وشوف اللي تناسبك

ولابد من الاستخاره ، والله يوفقك ان شاء الله

---

لا ماني راعي سفر ابدا بالسيارة ,,, مايركب الا انا وحدي فقط احيانا زيادة واحد نفر :d ...

رساوة الافالون يشتكون منها كيف تكون افضل من الاكورد خصوصا من 120 وطالع

بالنسبة لي جربت الافالون والأكورد

السيارتين رساوتهم ما عليها كلام ، لكن الافالون افضل بكثير

والكلام من واقع تجربه ، وكلا السيارتين فيها تنسيم هواء

استخدمت الاكورد 3 سنوات 2008 وما غيرت فيها الا الزيت والبواجي والفحمات والفلتر ، هذا اللي اذكره

ما كانت تطلب الا الأشياء الاستهلاكية

اقتباس:

---

المشاركة الأصلية كتبت بواسطة هوندانا

والكامري 2012 الخليجة ... تجي 6 ارباق ... تراكشن ... نظام الثبات ... نيفيقيشن + اقتصادية ف الوقود + صيانتها معتدلة اسعارها نوعا ما ... مو مثل الافالون والاكورد (( قطع غيار ))

---

أمداك سعرت قطع الكامري الجديدة :d

الكامري 2010 نفس قطع الأكورد طبعا انا قصدي الاستهلاكية يعني فلاتر فحمات ...الخ

و طبعا مسوي مقارنة و مسعر القطع الفرق أغلى بـ 20 ريال تقريبا في بعض قطع الأكورد

و هاذي الأسعار من خويي معه كامري 2010 :)

اقتباس:

---

المشاركة الأصلية كتبت بواسطة kakashi-san

بالنسبة لي جربت الافالون والأكورد

السيارتين رساوتهم ما عليها كلام ، لكن الافالون افضل بكثير

والكلام من واقع تجربه ، وكلا السيارتين فيها تنسيم هواء

استخدمت الاكورد 3 سنوات 2008 وما غيرت فيها الا الزيت والبواجي والفحمات والفلتر ، هذا اللي اذكره

ما كانت تطلب الا الأشياء الاستهلاكية

---

غريبة من واقع تجربة الأفالون 2010 و 2011 رساوتهم مو زي القديم

الأكورد تتفوق من ناحية الرساوة و حتى العزل

طبعا مو أنا اللي قايل هالكلام خويي يعرف واحد كان محتار بين الأفالون 2011 و الأكورد 2012

و بعد المقارنة الأكورد تفوقت من ناحية عزل الهواء و توكل على الله و خذ أكورد 6 سلندر :cool:

و أنا أشوف الأفالون ستاندر حتى فتحة ما فيها يعني نصيحتي لك شيلها من بالك

و رأيي تجرب الكامري و الأكورد و انت تحكم :)

نصحني خويي قبل لا اشتري اكورد وكنت محتار بين الافالون والاكورد مع انه مافيه مقارنه وهو طبعا معاه افالون واخوه معاه اكورد وجرب الافالون والاكورد وقالي خذلك اكورد افضل في الرساوه والثبات ..

Avalon

افالون مع ان الاكورد سياره صبوره لكن ايضا الافالون سياره اعتماديه وتتميز عن الاكورد بالفخامه والراحه

خذلك لكزس ارنوب :d

طلع الكامري من مخك

أرشح /

1- الافالون

2- الأكورد

أما الكامري فلا تجيييييب طاريها هنا :d

وبإمكانك تشوف فرق الجودة بين الكامري والأكورد في الجدول الاتي/

*هوندا اكورد تحصل على أفضل جودة في فئتها*
http://img17.imageshack.us/img17/592/img1250w.jpg

الاكورد 2013 بينزل شهر 6 في اسواق امريكا واتوقع بعدها بشهرين تنزل السعودية عندنا


نصيحة لا تشتري الحين وصدقني الاكورد اللي جاية بتجيك بعزل خرافي ومواصفات خيال

يكفي ان فيه رادار بدون رادار :)

يعني كاميرا قدامك تقدر المسافة بينك وبين السيارة اللي قدامك وتمسك فرامل عنك بدل ما يركبون الهبال اللي يسمونه رادار ويزيدون 10 الاف ريال مثل ما سووا في اللكزس es


وغير كذا نظام تحديد مسار الطريق اللي يخليك في الطريق نفسه ولو انحرفت طلعت انذار داخلي وهزت الدركسون مثل البلايستيشن لاجل تنتبه وترجع للمسار الاهم من هذا كله العزل بيطلع مجنون مثل ما صار في السي ار في الجديدة العزل مجنون وخرافي

اقتباس:

---

المشاركة الأصلية كتبت بواسطة بلال العلمي

الاكورد 2013 بينزل شهر 6 في اسواق امريكا واتوقع بعدها بشهرين تنزل السعودية عندنا


نصيحة لا تشتري الحين وصدقني الاكورد اللي جاية بتجيك بعزل خرافي ومواصفات خيال

يكفي ان فيه رادار بدون رادار :)

يعني كاميرا قدامك تقدر المسافة بينك وبين السيارة اللي قدامك وتمسك فرامل عنك بدل ما يركبون الهبال اللي يسمونه رادار ويزيدون 10 الاف ريال مثل ما سووا في اللكزس es


وغير كذا نظام تحديد مسار الطريق اللي يخليك في الطريق نفسه ولو انحرفت طلعت انذار داخلي وهزت الدركسون مثل البلايستيشن لاجل تنتبه وترجع للمسار الاهم من هذا كله العزل بيطلع مجنون مثل ما صار في السي ار في الجديدة العزل مجنون وخرافي

---

أهم شيء السعر لا يصقعونا بسعر خورآفي ،، :(
يعني برأيي لو يركزون على خفض سعر السيارة + إضافة موصفات بسيطة وحلوة غير مكلفة ،،
بكذا تستحيل منافستها ، لكن يحطون فيها مواصفات عالية واخر شيء يجي الستاندر بمية الف وش الفايدة ،، :eek:
كم تتوقع اخوي بلال يكون سعرها لإنها في بالي ،، ؟!

انصحك بالاكورد لانك تريد خدمه اكثر من 5 سنوات

الشي الثاني قلة الاعطال

الشي الثالث اذا ناوي على الاكورد اشتر الان لو نزل 2013الاسعار كم بتكون