3 مشآكل ميكآنيكيه وآبغى الحل الله يسعدكم

آلسسسلآم عليكم ورحمة الله وبركاته

بدخل فالموضوع ع طول

يآآخون انا غيرت زيت القير عندي والسياره مآشيه 177 ويوم صارت ماشيه 179 كنت بسافر ورحت لمحلات بترومين اشيك ع الزيوت قالولي زيت القير لونه بني وريحته طالعه ولازم يتغير انا انهبلت ومع ذالك سافرت ولا ضربت لهم بال وبعد مارجعت رحت للوكاله وقلت لهم انتو كذابين لاني دخلت عندكم السياره ودفعت لكم حق تغيير زيت القير ولا غيرتوه قالو مو معقول وطلع معي مهندس سعودي وشيك ع الزيت وقالي اول شي زيت القير للاكورد مو احمر وصار لونه زي لون زيت المكينه الشي الثاني الزيت عندك ناقص شوي خلني ادخلهآ عشان يزودونه قلت متاكد قالي ع مسوليتي ورح ولا ترجع لي الا بعد ماتمشي السياره 40 الف زودت زيت القير ومشيت وقبل كم يوم جت لي سفره مفاجاه ورحت لفرع من فروع بترومين ثاني غير الاول عشان اغير زيت المكينه وقلت بالمره اشيك ع زيت القير ونفس الكلام قالي ريحته ومحترق , مآدري اروح للوكاله والعن والديهم ولا وش اسوي , (مع العلم ان السياره شريتها مستعمله وكانت ماشيه 177 )

المشكله الثانيه : السياره وديتها لورشة الجنوب عشان فيهآ صوت طقه من جهة الكفر اليمين وكالعاده قالو (جلد مقاصات ومساعدات وكراسي مكينه)تدخل السياره فيه شي خفيف لازم يقولون لك هالاشياء ماعلي منهم المهم اني متاكد من ان كرسي المكينه الايمين مكسور هل ياثير اذا تركته ماغيرته

والمشكله الثالثه عندي تهريب فالدوده ولا صلحته لكني وقفت السياره اكثر من اسبوعين ولا لقيت تحتها اي تهريب بس اذا رفعتها لقيت بطن السياره خريطه من زيت الدركسون والعلبه ماتنقص كثير يعني من شهر 10 لين اللحين يمكن مانقصت الا نص علبه .طيب اذا محتاجه اصلاح ياليت تفيدوني وين افضل مكان بالرياض

وسلآمتكم :d

حبيبي الزيت ما عندي خبرة فيه

اما الطقطقة نفس اللي عندي قالوا كرسي مساعد وجلود

التهريب قصدك الدركسون ؟


اذا طرمبة الدركسون روح سوي اصلاح بس اتوقع ما يكلف 900

شوف حبيبي من كلامك احس انك تبي سيارتك تكون خالية من المشاكل بس بدون ماتدف وكذا مايصير بالنسبة للقير عادي ولاتوسوس واذا خلصت 40 الف كيلو روح لهم

بالنسبة للكرسي اكيد لازم تصلحه ولا راح يعدم عليك المكينة ومن اسمه تعرف اهميته كرسي يعني المكينة تجلس وتثبت عليه

بالنسبة للتهريب اكيد من طرمبة الدركسون او البعض يسميها علبة الدركسون غيرها وافتك لان الاصلاح ماراح ينفع راح تحصلمستعمل في قطع غيار الهوندا على 1000 ريال

يا عيال هو يقصد دودة الدركسون يعني العلبة السفلية مو طرمبة الدركسون

و هاذي حلها اصلاح للدودة و بتضبط ان شاء الله و أنا مسويها و أعرف واحد مسويها و ضابطة معنا ولله الحمد :)

تكلفة القطع 300 ريال و شغل اليد 400 - 600 ريال

و سوها عند واحد فاهم لأن شغلتها صعبة شوي

و بالنسبة للكراسي إذا الكرسي الأيمن فقط اللي يحتاج تغيير فنصيحتي لك غيره قبل لا يخرب عليك الكراسي الباقية

أما إذا كل الكراسي خربت عااادي ما تأثر بس بتصير عندك رجة في الموتر و انت واقف مساااج :d

آلله لايهينكم جميع بس مااحد جاوبني ع القير وللمعلوميه اخوي هاي الشرقيه القير توماتيك مو عايدي ولا قد مشيت عليه مايقارب 6000 يعني مايمديه يطلع ريحه

آخوي الكاسر وين مكانه هاللي ظبطها لكم الله يسعدك ..~

الأحساء ورشة في الصناعية اسمها ورشة السليم :)

والرياض ..؟

طلع لي مشكله جديده :(

تهريب فالكفر الخلفي وشكله الكليبر , والسياره مو سعوديه يعني مايشملني التغيير المجآني صح ولا انا غلطآن ,فبسالكم للي خبره بكم سرعها ..!؟

???

اخوي بالنسبه للقير لاتغيره عند بترومين تراهم نصابين ويبون فلوس بس
( اعرف واحد غيره عنده وخبط قيره ماربطو صح بعد الغيير)
المهم بترومين لا تغير ندهم الا زيت المكينه وبس والفلتر اذا تبي
زيت القير خله في الوكاله ولا في ورشه مضمونه

^ مشكر اخوي الغالي ع المعلومة والله يعوض صآحبك

جاي بعطيك المختصر المفيد و ( noosy ) ماقصر

أبعد عن بترومين وانت بخير

اقتباس:

---

المشاركة الأصلية كتبت بواسطة آكوردآوي معتق

طلع لي مشكله جديده :(

تهريب فالكفر الخلفي وشكله الكليبر , والسياره مو سعوديه يعني مايشملني التغيير المجآني صح ولا انا غلطآن ,فبسالكم للي خبره بكم سرعها ..!؟

---

فعلا الظاهر عندك طقم اصلاحات الكليبر الخلفي وكانت الجهه اليسار
انا صارت لي بس غيرت الكليبر كامل في الوكاله مع الاقمشه مجانا

وشغلتها بسيطه

الله يسعدكم جميعاً . يعني مااحد يعرف كم سعر الكليبرات .؟ وهل فيه اصلاح ولالا .؟

جرب روح الوكالة و لا تتكلم و تقول لهم ان سيارتك مو سعودية و ان شاء الله تمشي :)