اكورد 2012 فيها رجه جننتني ( مساعدة اهل الخبره )

السلام عليكم ورحمة الله وبركاته
مساء الخير للجميع


اشتريت قبل اكثر من شهر من الان هوندا اكورد موديل 2012

ومن يوم طلعتها من الوكاله تجي رجه في الدركسون اذا عديت 80

قالو لي ضغط الكفرات مرتفع نزله خله 32 وسويت هالشي ولا ضبطت معي

الحين الموتر وصل 4000 كيلو والى الان الرجه لازالت موجوده تختفي احيانا وترجع

الشي الي محيرني انها تبداء اذا وصلت 80 واذا عديت 120 تختفي

رحت للوكاله قالو لي لازم ترصيص وناخذ عليك فلوس وتقعد يوم عندهم

قلت اذا الدعوه كذا ارصص برى احسن لي

ورحت لميزان العضيب رصصت عندهم

وثاني يوم رجعت الررررجه :aa_walen:

المهم رجعت للوكاله قلت لهم السالفه

قالو رح لوكيل الكفرات الي هو ميشلان

رحت لميشلان جاني مهندس حقهم قالي عندك كفر مقلوب >> اول مره اسمع المعلومه

المهم عدلو الكفر وفحصو باقي الكفرات كلها سليمه على كلام المهندس

وبرضو ثاني يوم الررررجه لسى موجوده

قسم بالله كرهت السياره وكرهت الساعه الي شريتها فيه بسبب هالشي لانه جدا مزعج وانت تسوق سياره جديده وترج

عموما انا برجع لميشلان بس المشكله مايستقبلون الضمان الا يوم الاربعاء من كل اسبوع

لك
اتمنى من اهل الخبره والي عندهم معلومه او مرو بمثل هالمشكله مساااعدتي


وجزاكم الله خير جميعا ......

طيب حبيبي شيك على الجنوط وشيك بعد على ضغط الهواء اذا تمام ابيك تشيك الجلد حقت المقصات وبعدين ترى وزن عن وزن يختلف روح حق وزن معروف بشغله وجرب واذا ماضبطت اتوقع فيها عين بسم الله علي وعليك :o

اقتباس:

---

المشاركة الأصلية كتبت بواسطة هاي الشرقية

طيب حبيبي شيك على الجنوط وشيك بعد على ضغط الهواء اذا تمام ابيك تشيك الجلد حقت المقصات وبعدين ترى وزن عن وزن يختلف روح حق وزن معروف بشغله وجرب واذا ماضبطت اتوقع فيها عين بسم الله علي وعليك :o

---

توه الموتر جديد تقول جلد مقصات :eek:

انشب للوكالة و خلك شديد معهم و ان شاء الله بيرتبونها لك

ممكن في واحد من الكفرات محبل :(لو كانت السالفه كذه خلهم يبدلونه على الضمان

هآي الشرقيه :

الموتر توه جديد ماشاء الله تقول جلد مقصات وجنوط الله يصلحك

اخوي صاحب السياره اقرب صيانه لك في الوكاله قولهم عن مشآكل السياره واذا رفض المهندس ادخل على مدير الصصيانه وقوله السالفه وان شاء الله يصلحوها لك :)

السلام عليكم ورحمة الله وبركاته

مساكم الله بالخير

والله يالاخو اني سجلت دخول عشان اعطيك العلم انا معي اكورد2011 جديده طبعا من حقك تستغرب الرجه وانا مثلك لكن السبب هو الطريق الي نمشي عليه والله يالاخو قليل الشوارع النظيفة فالمشكلة اظن انها مهي بالسيارة المشكلة بالطريق شوف امش في شارع نظيف والله الاكورد راسية ولا فيها رجه ما شاءالله عليها انا سافرت كثير فقليل الشوارع النظيفة والجديده الي تحكم على السيارة فيها رجه او لا

تحياتي لك .

شباب ترى السيارة حتى لو كانت موديل2012 ترى اخونا الحلو عبداللطيف يخليها في الميناء للعدة شهور فاتتعرض للشمش والصدا وخاصه اذا كانت المستودعات غير فاضية تصدقون واحد من الشباب اخذ اكور موديل 2010 وكالة سبحان الله طاح جواله وجاء يبي يشله الا يشوف صا بالشكمان بغى ينهبل وراح وسوى لهم قلق طبعا بمساعدتي وغيروا له السيارة تدري وش تقول الوكالة يقول هذا من تاثير الرطوبة هههههههههاي

شوف حبيبي بقول حاجه من الثنتين .... اول شي تسويه تروح بنشري تخليه يقلب لك الكفرات x ادا ماراحت الرجه سوي ليها ميزان واوعدك تروح الرجه

الف شكر لجميع الاخوان الي ردو

بخصوص السياره ياشباب من اول يوم طلعتها من الوكاله والرجه موجوده

والترصيص سويته في ميزان العضيب مااعتقد فيه افضل منه

والوكاله قابلت المهندس قالي رجة الدركسون 100% مشكلة كفرات واحنا نحولك لضمان الكفرات الي هو ميشلان

وميشلان نصااااااااابين مرررره يحاولون يصرفونك باي طريقه

مره كفر مقلوب ومره ترصيص العضيب مو كويس ومره تركيب الكفر مو سليم

وكلها نصب في نصب

شي ثاني انا ماابغى اصرف من جيبي كثير يعني ماابغى اروح كذا محل لان السياره شاريها جديده ومكلفتني تقريبا 100 الف وعليها ضمان حرام اصرف عليها ريال واحد زياده

اجل وش فائدة الضمان

بالنسبه لاخوي الي يقول الشوارع والله يالغالي في كل الشوارع ترج انا في الرياض مشيت في كل الشوراع الرجه موجوده

انا الي ابغاه الله لايهينكم تعطوني اشياء او مشاكل احتمال تكون موجوده علشان اقول للضمان عليها يشيكون

مره ثانيه مشكورررين جميعا والله يجزاكم خير ....

والله يا خوي نفس مشكلتي معي اكورد 2012 نفس المشكلة الرجة في السيارة تحس انك راكب خيل ....

السلام عليكم ..

اخوي الحل بسيط اول شي تروح لميزان العضيب و تخليه يرصص الكفر وهو على السياره بس قبل لا يرصص خليه يرفع السياره و بفر الكفر بالجهاز الى اسرع شي وبيبين لك الكفر الي يسبب الرجه لانك بتشوف السياره كلها ترج يوم يفر الكفر المضروب وبتبين بشكل واضح .. انا جربتها وضبطت معي الحمد لله و عرفت الكفر الي يسبب الارتجاج و صار التدقيق عليه.

وبالتوفيق

ركب كفرات دانلوب وتشوف الفرق يالله لك الحمد

الكفر الواحد ب 540 ريال ......... والمشلان على رداه سعره حول 900 ريال
؟؟؟؟؟؟؟؟؟؟؟؟؟؟؟؟؟؟؟
على ايش :mad:

لا تغير شيء روح للوكالة و قول لهم ان وكيل ميشلان مو متعاون معاك و يحاول يصرفك

و قولهم يا تحلون المشكلة أو تاخذون الموتر و جيبوا فلوسي :d

و يفضل تدخل على مدير الصيانة :)

هذا الشي اللي اعاني منه للان من اخذتها وكاله وفيها رجه من بعد 100 وحذفه
نفس معاناتك بالضبط حطو ضغط الهوا 32 ماراحت الرجه
سوو ترصيص بدلو الكفرات بالعكس اخرتها قالو نعطيك تقرير للوكاله بعد مانفك الجنوط
ونشيك عليها واخوك ينتظر الاربعاء على نار وبشوف اخرتها معهم لأن صبري انتهى
طول بالك كلنا بالهوا سوا وموضوعونا ياصاحبي يبي له طولة بااال واستقعاااد ;)

اقتباس:

---

المشاركة الأصلية كتبت بواسطة مزاحماوي

هذا الشي اللي اعاني منه للان من اخذتها وكاله وفيها رجه من بعد 100 وحذفه

نفس معاناتك بالضبط حطو ضغط الهوا 32 ماراحت الرجه
سوو ترصيص بدلو الكفرات بالعكس اخرتها قالو نعطيك تقرير للوكاله بعد مانفك الجنوط
ونشيك عليها واخوك ينتظر الاربعاء على نار وبشوف اخرتها معهم لأن صبري انتهى

طول بالك كلنا بالهوا سوا وموضوعونا ياصاحبي يبي له طولة بااال واستقعاااد ;)

---

هــــــــــــــذا الكلام

اقتباس:

---

المشاركة الأصلية كتبت بواسطة هاي الشرقية

شباب ترى السيارة حتى لو كانت موديل2012 ترى اخونا الحلو عبداللطيف يخليها في الميناء للعدة شهور فاتتعرض للشمش والصدا وخاصه اذا كانت المستودعات غير فاضية تصدقون واحد من الشباب اخذ اكور موديل 2010 وكالة سبحان الله طاح جواله وجاء يبي يشله الا يشوف صا بالشكمان بغى ينهبل وراح وسوى لهم قلق طبعا بمساعدتي وغيروا له السيارة تدري وش تقول الوكالة يقول هذا من تاثير الرطوبة هههههههههاي

---

وش دخل عبداللطيف :confused:


في الاكورد :mad:

اخوي المشكلة عندك تحبـيل في كفر والله اعلم

والله ياخوي يليتك تشوف الحل وتردلنا
انا من يوم مطلعتها من الوكاله ونفس الرجه من80الى120وتختفي الرجه
دحين لها سنه ونص

رحح للوكالة بسرعةةة ......... باقي على الضمان

السلام عليكم
الرجه موجوده عندي من شرية السياره وكالة جديده 2008 الى الان
لاكن الرجه تكون خفيفه على سرعة 100 الى 120 تقريبا
وتكون بشكل واضح جدا ومزعج بعد 160
اخوي شريت السياره وكل يوم مشاكل مع الوكالة بخصوص الرجه تم تبديل الكفرات مرتين عند الوكاله بدون فائده الغريب في الامر انا الرجه تظهر احيانن و احيانن لا
تم تجربة تغير الجنوط من سيارة اكورد ثانيه نفس المشكله مستمرة

تم تبديل الكفرات على حسابي قبل 4 شهور دانلوب والمشكلة مستمره

الحمد الله مرتاح مع السياره و مقتنع من اداء السياره وبعد شهرين بتكمل معي 4 سنوات

ان كانت الرجه خفيفة على السرعات المعتدلة لا تنزعج فا الراكب معك لايحس برجه

انا معي 2012 نفس المشكله وبدلت الكفرات وراحت الرجه جرب وراح تدعي لي

ياخوي انا رحت لميشلان وعطوني تقرير ان الكفرات سليمه
ورحت للوكاله وعطيتهم التقرير
ركب معي بالسياره مهندس على اساس يشوف الرجه
مسكنا طريق خريص في الزحمه وعيت تجي الرجه الي انا اقصدها
لانها احيانا تجي واحيانا تختفي
المهم قالي ان سيارتك مافيها شي
قلت له يعني انا مجنوون ولا كيف اتخيل اشياء مو موجوده
قال لا بس يمكن من الشارع
الشارع نفسه كنت امشي عليه ومعي اكسنت وزي الحلاوه وش فرق الحين
قال اذا جت الرجه تعال مره ثانيه
وانا فاضي لكم كل شوي رايح وجاي عليكم
المهم اني مليت منهم قسسم بالله
بالنسبه لاخوي الي يقول بدلت الكفرات وضبطت مادري ايش تقصد بالضبط !!!!!
تبديل اماكن ولا تغيير الكفرات بالكامل !؟
ومشكورين جميعا على ردودكم وتفاعلكم
الله يجزاكم خير

روح شيك على الكفرات عند بنشري ثاني

لأن أتوقع وكيل ميشلان انقهر من كثر الأكوردات اللي تجيه عشان كذا ما راح يقولك ان فيها مشكلة :d

بسيطه نصيحه
اعمل وزن فرامل
صارت لواحد من الشباب
ادع لي حليت مشكلتك
تحياتي