مصدوم من الخلف.. وحملني المرور 75 % !!!

السلام عليكم ورحمة الله..

يا اخوان أرجو منكم التفاعل مع الموضوع وابداء آرائكم

لأني بصراحة مو مصدق اللي صار..

القصة باختصار :

بعد ما خلصت محاضراتي بالجامعة طلعت.. ماشي بالسيارة داخل حرم الجامعة وماسك المسار الأيسر.. فجأة اللي قبلي مسك فرامل وحاولت اتفاداه.. ومسكت فرامل وماحسيت إلا بصدمة من الخلف..

اللي صدمني من الخلف يقول اني حذفت يمين عليه ودخلت بمساره.. وأنا بصراحة ما أذكر إن هالشيء صار.. أذكر اني ماشي بمساري..

الصدمة جاتني كما هو موضح بالصور..

واللي صدمني جاته الصدمة في الجانب الأيسر الأمامي.. وانعدمت عنده الشمعة والرفرف..

المهم.. جاء المرور وحملني الخطأ 75% .. رغم اني مصدوم من وراء..
يقولون الصدمة في الجانب مو من وراء.. مع إن الشكمآآن تأثر مثل ما هو مبين بالصور..
شلون من الجنب ويتأثر الشكمآن ؟

صاحب السيارة ( كورولا 2008 ) قدر سيارته وطلعت بـ 4000 ( معقول ؟! )

بصراحة ما اقتنعت وقلت للمرور اني باعترض..

ماا أدري انتم اش رايكم.. هل استحق 75% وعليها أكنسل الإعتراض..

وإلا ما استحق هالنسبة واكمل اعتراضي ؟!

http://up.top4top.net/uploads/2012/0...3d257d1490.jpg

http://up.top4top.net/uploads/2012/0...626eeac031.jpg

أعتذر عن حجم الصور الكبير.. ويعطيكم العافية جميعاً..

و عليكم السلام ورحمه الله
الحمد لله على سلامتك يالغالي .. في الفيبر ولا فيك ان شاء الله
من خلال الصور و القصه والله اعلم
واضح جدا انك دخلت عليه بمساره .. يعني تضررت عندك الجهه الخلفيه من اليمين
و هو الجانب الامامي من اليسار .. تتوقع انه كان وراك مثلا .. سهله يالغالي ١ + ١= ٢ مايبيلها كونان
الشي الثاني
يجب ان تترك مسافه كافيه بينك وبين السائق اللي امامك
بالعاميه لا تلحم باللي قدامك حتى لو كنت ع عجله من امرك
وحاول ان تتجنب هذه العاده السيئه
الشي الثالث
كورولا - رفرف و شمعه امامي ب ٤٠٠٠ ليش .. خير ان شاء الله .. !!
الشي الرابع
ع طاري النك نيم تبعك .. تعرف منال الشريف ..؟؟
وبس و سلامتك وارجع و اقول و اعيد و اكرر الحمد لله ع السلامه

عسى الله يعوضك خير
الحمد لله على سلامتك

صلح سيارتك واسحب عليه :d

قولهم ماعندي قدرة ادفع :d

اي اتصال غريب اسحب لا ترد :d

والله بصراحه حسب الصور و وصفك .. مبين انك سقطت عليه :)

الا لو هو كان يمشي فوق الرصيف :d

و حمدلله ع السلامة و الله يعوض عليك

اقتباس:

---

المشاركة الأصلية كتبت بواسطة مجوووودي

صلح سيارتك واسحب عليه :d

قولهم ماعندي قدرة ادفع :d

اي اتصال غريب اسحب لا ترد :d

---

شكلك ما تعرف التوقيف هههع مرني واوريك اياه يووم ههههههه

.. المفروض يتجاوزك من اليسار
هو الغلطان ٩٩٪

طيب الصدمة صارت في نفس المسار ولا لا ؟؟ >>>لا تقولي ما في مسارات في الجامعة :d

و ليييييه 4000 على ايش :mad:

الشمعة بـ 600 و الرفرف ما أدري بكم :d

الحمد لله على السلامه
اذا عندك تأمين اعطه وقول سلم لي عليك
و خلينا نشوفك


ولا سو تأمين ضد الغير بسررررعه
واذا جاء يطالب قول ما عندي الا التأمين

طيب ممكن الرجال ماسك مسارة

واللي وراه يوم شاف الخط وقف حذف يمين وماقدر يتفاداه وصدمة :d

اوما اللي يجي يتفلسف ويقول مبين من الصورة والصدمة انك حذفت عليه .. تكفى ياقارئ الصور يالساحر ياكاشفهممممم هههههه :d