السلام عليكم يارجال
شريت هوندا اكورد 2012 سبيشل
واخذها الولد وقدر الله انه مر من جنبة واحد مسرع فخاف الولد واختل توازن السيارة
وشاف له عمود فاضي بالشارع وصدمه بالسيارة في الواجهه
طبعا الحمدلله جت سليمة للولد
والسيارةراح فيها الوجه والصدام والشبك والارديتر
الرفارف واللمبات الامامية مكانها ماجاها شيء
ويومن صدم العامودوتطيح لمبة من العمود على قزازة الفتحة بالسقف وتكسرها
السيارة استخدام 18 يوم
وماشية 1400 كيلو
ما ادري اصلحا اوابيعها
واذا باصلحها كم بتكلفني وكالة او غير وكالة
بانتظاركم
ماحدث مقدر ومكتوب والحمد لله على سلامته
من رأيئ ودها الوكاله وهم يقدرون تكلفتها ومو شرط تصلحها عندهم الا ان كان الضمان يشملها
وان كان لا فالأهم انك تعرف كم تكاليف اصلاحها ويبقى الخيار لك بااصلاحها بالوكاله او مكان اخر
موفق اخوي
الحمدلله على كل حال يالغالي وهذا مقدر ومكتوب
وصدقني خل عندك قناعه إن كل شي يتعوض دامه حديد وفلين
وإن شاء الله الأمور تزين وسيارتك ترجع احسن من اول ,,
مدري وش النظام إلي شريت فيه السياره
إذا فيه امكانيه ترجعها بأاقل الخساير كان بها
ماقدرت صلحها بالوكاله وإن شاء الله ترجع زي اول واحسن
الحمد لله على كل حال و الله يعوضك خير :(
و الصراحة تعتبر محظوظ ان اللمبة طاحت على الفتحة ولا كان اضطريت ترش السقف كامل
و اذا تقدر على اصلاحها بالوكالة يكون أفضل لأن السيارة توها جديدة و إذا مأمن شامل أكيد يشملها التأمين :)
الحمد لله ع سلامه ابوك
ومعوض خير ان شاء الله
الف شكر على تجاوبكم جميعا
يالربع الوالد متوفياللي سوى فيها حادث ابني انا
ولكن بحمدالله تمالكت نفسي ولم اضربة لاني عارف انه مايغلط
والسيارة تفدى راسة
المشكلة ماسوينا تأمين
والتكلفة قالو لنا الورش تكلف 7000 الاف
بس محتاج هذي القطع
رديتر
شبك امامي
صدام امامي
قزازة السقف
كبوت
2 ايرباق
بسوالله اني عفت السيارة
احس احد صاكني عين
والله انقهرت كانها سيارتي
الف الحمدالله على السلامة
اذا السياره عليها تامين صلحها فلوكاله
انا سيارتي شبه مسمكره كامله وهي ما كملة 20 والحمدالله نضرت السياره وكاااااله
الحمدلله على سلامته
الحمد لله على السلامه ياخوي وتفدى راسه السيارة
7 الاف شغل يد ولا شامل القطع
اتصل فيني ان شاء الله افيدك بالسيارة
0500012245 سلطان
الله يعوضك خير ..
قدر الله ماشاء فعل
انا راح افيدك في التندة (القزازة) في محل في كيلو 2 طريق مكة القديم يغير لك القزازة شغله حلو واسعاره ان شاء الله تناسبك
اسم المحل حسن تنده
ي حليل الؤلد ...شكله جاه تكفيخخخ هههه :d
اهم شي ي رجال سلامت راس الولد ...فدأء
المواتر نجيبها مهيب هي الي تجيبنا ..
الحمد لله على السلامه . والله يعوضك بالي اطيب منها يارب .. اذا لك نظر في البيع ارسلي على الخاص اشوف كم اسعارها ...
هذي الاسعار اللي لقيتها
الجسر الامامي 500 ريال
الصاجة الامامية 1300 ريال
الأرديتر 1200 ريال فقط رديتر السيارة مو المكيف
المساعد اليمين 500 ريال
المقص اليمين 500 ريال
العكس اليمين 900 ريال
وقزازة الفتحة السقف 3000 ريال
وش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انصدمت حقيقة شو السواة
الحمد لله على سلامة ولدك
في الحديد ولافي العبيد
(عسى ان تكرهو شياء فهو خير لكم)
الله يعوضك خير