قير الاكورد بيسبب لي مشكلة مع مديري بالعمل ،، تكفون وش الحل ؟

السلام عليكم ورحمة الله وبركاتة

الله يوفقكم يا غالين عندي مشكلة بسيارة هوندا اكورد موديل 2006 اربع سلندر
القير اتوماتيك ، المشكلة هذي طفشتني وسببت لي قلق وهي تحصل معي في
الفترة الصباحية غالباً وبنسبة 80% يومياً وهي :
لما اشغل السيارة كل شي اوكية تشتغل واخليها تحمى لكن لما أجي ابي اعشق
يقفل القير مايفتح واجلس احاول واضغط عالبريك واكثر من محاولة واطفي السيارة وارجع اشغلها
واحاول ومافيه فايدة ، مرات قليلة يضبط بعد كم محاولة ويفك معي ويعشق ، المهم اذا
قفل اخذ تاكسي واروح الدوام ، ولما ارجع الظهر اشغلها واعشق على طول يعشق
واوقات ارجع بدري على 9 صباح واعشق وعلى طول يعشق ، المشكلة هذي قديمة لكن
كانت تجي زمان مره في الشهر بس هالشهر زادت اصبحت شبه يومي ، رغم اني مغير
زيت القير قبل شهر تقريباً والسيارة ماشية 220 الف تقريباً ،، وش الحل ؟

الله يجزاكم خير ياخبراءنا

اعتقد المشكلة بقفل القير


لانو يفتح القفل مع البريك فهمت كيف

شوف يابعد قلبي مشكلتك من حساس منظم الهواء لونه اسود وجاي على حرف t غيره وادعيلي ومااقولك صارت مواحد من الشباب المشكلة صارت معي ونفس الكلام الي قلته غيرته ب360 ريال جديد طبعا اذا بالدمام علمني عشان اضبطك لان الحساس ماينباع لحاله الا بالورش الخاصة بالهوناد وشكرا

كووبيه 2009 ربي يوفقك على ردك

هاي الشرقية ربي جابك ياخوي ،، مشكلتك ايش كانت بالضبط ؟
وهل حساس منظم الهواء هو نفسه حساس القير ؟
ياليت توضح اكثر ليه.
وأنا موجود بالخبر ياغالي ربي يوفقك

انا متأكد من مشكلتك هي من حساس القير خلف الاطار الأمامي (يسار من السائق)

لأني قد فكيت الحساس وجلست ألعب فيه بالسكروب وارجع اشبكه مايعشق السيارة ولا تتحرك شبر واحد, إضافة على ذلك ان مشكلة الناس اكثرها بالقير هي تتعلق بالحساس وهو يعتبر عيب مصنعي (ليس الكل وإنما بنسبة 50%)

حل بسيط جدا ً

فك الاطار راح تحصل قطعة بلاستيكة لونها اسود فكها وراح تحصل الحساس قدامك

هذه صورة له




http://info.rockauto.com/getimage/ge...NS307_FULL.jpg

طلعه برى خليه لمدة ربع ساعة ورجعه لمكانه, إذا تحصل تنظفة بالهواء المضغوط يفضل ولا تنظفة بالماء او شيء ثاني!!.

إذا انحلت المشكلة مؤقتا ً اعرف ان المشكلة منه هو, لكن إذا رجع مثل ماكان انصحك تسوي فحص للقير عند شخص موثوق وعنده خبره بقير الهوندا..

بالرياض فيه ورشة 20 بصناعية ام الحمام (العروبة) الاشخاص إلي هناك ثقة وعارفين مشاكل الهوندا..

اضافه بسيطه لرد اخوي ((king)) فيما يخص ورشه 20 وهي :

تحسين /0502190776

فيصل/0557429387

اذا حبيت تستفسر قبل تروح

موفق اخوي وان شاء الله الامور سهالات :)